scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସାଧାରଣତନ୍ତ୍ର ଦିବସ ପାଇଁ ଦିଲ୍ଲୀରେ ସୁରକ୍ଷା ବ୍ୟବସ୍ଥା କଡାକଡି

25/01/2019 at 11:35 AM

ନୂଆଦିଲ୍ଲୀ ୨୫|୧: ସାଧାରଣତନ୍ତ୍ର ଦିବସ ପାଇଁ ଦିଲ୍ଲୀରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । କେବଳ ଦିଲ୍ଲୀ ଏନସିଆରରେ ହିଁ ୫୦ହଜାରରୁ ଅଧିକ ପୋଲିସ କର୍ମୀ ଏବଂ ସେନାକୁ ନିଯୁକ୍ତି  ଦିଆଯାଇଛି । ସୁରକ୍ଷା ଦୃଷ୍ଟିରୁ ଦିଲ୍ଲୀକୁ ୨୮ ସେକ୍ଟରରେ ବିଭକ୍ତ କରାଯାଇଛି । ଯାହାର ଦାୟିତ୍ବ ବରିଷ୍ଠ ପୋଲିସ ଅଧିକାରୀ ନେଇଛନ୍ତି । ନୂଆଦିଲ୍ଲୀରେ ସୁରକ୍ଷା ବ୍ୟବସ୍ଥାର ସ୍ବତନ୍ତ୍ର ବ୍ୟବସ୍ଥା କରାଯାଇଛି ।

ସବୁ ପ୍ରମୁଖ ବଜାର, ରେଳଲାଇନ, ବସଷ୍ଟାଣ୍ଡ, ଏୟାରପୋର୍ଟ,  ଧାର୍ମିକସ୍ଥଳରେ ସୁରକ୍ଷା ପାଇଁ ବନ୍ଦବସ୍ତ କରାଯାଇଛି । କେବଳ ପରେଡ ମାର୍ଗ ହିଁ ୬୦୦ ସିସିଟିଭି କ୍ୟାମେରା ଲଗାଯାଇଛି । ଇଣ୍ଡିଆ ଗେଟର ଆଖପାଖ ଅଂଚଳରେ ବହୁସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।  ଇଣ୍ଡିଆ ଗେଟ୍ ଭିତରର ସୁରକ୍ଷା ଏସପିଜି ଏବଂ ଏନଏସଜି କରୁଛନ୍ତି । ପରେଡ ଯେଉଁ ମାର୍ଗ ଦେଇ ଯିବ ସେଠାକାର କେଠାଘରେ ସାର୍ପ ସୁଟର ନିଯୁକ୍ତ କରାଯାଇଛି ।

ଆକାଶ ମାର୍ଗରୁ କୌଣସି  ଆକ୍ରମଣକୁ ଏଡାଇବା ପାଇଁ ଆଣ୍ଟି ଏୟାରକ୍ରାଫ୍ଟ ଗନ୍ ବ୍ୟବହାର କରାଯାଉଛି । ଆତଙ୍କବାଦୀ ଆକ୍ରମଣ ହେବାର ଆଶଙ୍କା ଥିବାରୁ ଏୟାରପୋର୍ଟ,  ମେଟ୍ରୋରେ ସୁରକ୍ଷା ବ୍ୟବସ୍ଥା କଡା କରାଯାଇଥିବା ସହ ସେନାର ୪ ଅତିରିକ୍ତ କମ୍ପାନୀ ମଧ୍ୟ ଆଲର୍ଟ ରହିଛନ୍ତି ।

   Related Posts