vridhi excotica
ratha jatra live
star kirano
ori homes
vridhi excotica
ratha jatra live
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଏଟିଏମରେ ଟଙ୍କା ଭର୍ତ୍ତି କଲାବେଳେ କୋଟିକୋଟି ଟଙ୍କା ଲୁଟ କରିଥିଲା ସିକ୍ୟୁରିଟି ଅଧିକାରୀ, ଧରାପଡିବା ଭୟରେ ନିଜକୁ ନିଜେ ଗୁଳି କରି କରିଥିଲା ଆତ୍ମହତ୍ୟା ଉଦ୍ୟମ, ଖୋଲିଲା ଗୁମର

17/07/2019 at 5:43 PM

ଭୁବନେଶ୍ବର୧୭|୭: ଟଙ୍କା ଭର୍ତ୍ତି କରିବା ବେଳେ ଏଟିଏମ୍ ଅର୍ଥ ଆତ୍ମସାତ । ଏପରି ଜଣେ ସ୍ମାର୍ଟ ସିକ୍ୟୁରିଟି ଅଧିକାରୀଙ୍କୁ ଗିରଫ କରିଛି ପୋଲିସ।  ଲକ୍ଷେ ଦୁଇ ଲକ୍ଷ ନୁହେଁ  ଦୁଇ କୋଟିରୁ ଅଧିକ ଟଙ୍କା ଆତ୍ତ୍ମସାତ କରିଥିଲା ଅଭିଯୁକ୍ତ  ପାପୁନୀ ପରିଜା । ଏଟିଏମ୍‌ରେ ଟଙ୍କା ଭର୍ତ୍ତି କରିବା କାମ ନେଇଥିବା ସିକ୍ୟୁରୀଟି କମ୍ପାନୀରେ ସିକ୍ୟୁରୀଟି ଅଧିକାରୀଭାବେ କାର୍ଯ୍ୟ କରୁଥିବା ପାପୁନୀର ଘର ଜଟଣୀ । ତେବେ . ତାର କାରନାମା ଜଣାପଡିଯିବା ପରେ ପୋଲିସ ଠାରୁ ବଞ୍ଚିବାକୁ ନିଜ ଉପରକୁ ନିଜେ ଗୁଳିକରି  ଆତ୍ମହତ୍ୟା ଉଦ୍ୟମ କରିଥିଲା ସେ । ଏବେ ସେ ପୋଲିସ ହେପାଜତରେ ଚିକିତ୍ସାଧିନ ଥିବା ବେଳେ, ତା କେଳେଙ୍କାରୀର ପର୍ଦ୍ଦା ଫାସ ହୋଇଛି । 

ଚୋର ହାତରେ ଚାବି କାଠି । ଦେଖନ୍ତୁ ଏହି ଯୁବକକୁ । ଘରୋଇ କମ୍ପାନୀର ସିକ୍ୟୁରିଟି ଅଫିସରରୁ କୋଟିପତି । ନା ତାଙ୍କର ପାପୁନୀ ପରିଜା,  ଘର ଜଟଣୀ । କାରନାମା ହେଲା, ସେ ବ୍ୟଙ୍କ୍‌ ଏଟିଏମ୍‌ ଟଙ୍କା ହଡପ କରିଛନ୍ତି , କୋଟି କେଟି ଟଙ୍କା । ଭୁବନେଶ୍ୱର ଲିଙ୍ଗିପୁର ଛକରେ ଥିବା ସିକ୍ୟୋର ସଂସ୍ଥାରେ ସିକ୍ୟୁରିଟି ଗାର୍ଡ ଭାବେ କାର୍ଯ୍ୟକରୁଥିଲେ ପାପୁନି । ସିକ୍ୟୋର ସଂସ୍ଥା ଜଟଣୀ ଓ ଖୋର୍ଦ୍ଧାରେ ଥିବା କିଛି ବ୍ୟଙ୍କ୍‌ ଏଟିଏମରେ ଟଙ୍କା ଭର୍ତ୍ତି କରିବା କାମ ନେଇଥିବା ବେଳେ, ଦାୟିତ୍ୱରେ ଥିଲେ ପାପୁନି ପରିଜା ।

ତେବେ ଗତ ବର୍ଷେ ହେଲା, ଏଟିଏମରେ  ଟଙ୍କାଭର୍ତ୍ତି କରିବା ସହିତ  ଟଙ୍କା ଆତ୍ତ୍ମସାତ କରିଚାଲିଥିଲା ପାପୁନୀ । କିନ୍ତୁ ଯାଞ୍ଚ ଅଧିକାରୀଙ୍କୁ ଠିକ୍‌ ଠାକ୍‌ ଥିବା ଏଟିଏମ୍‌ ଦେଖାଇ ତାର ଲୁଟକୁ ଲୁଚାଇ ଚାଲିଥିଲା । କିନ୍ତୁ , ଶେଷରେ ଧରାପଡିଗଲା ଗୁମର । ବାହରୁ ଆସିଥିବା କମ୍ପାନୀ ଅଧିକାରୀ ମାନଙ୍କ ଯାଞ୍ଚରୁ ଏଟିଏମ୍‌ରୁ ଟଙ୍କା ଗାଏବ ଜଣା ପଡିଥିଲା । ଆଉ ଏହି ସୂଚନା ପାଇ ଧରାପଡିବା ଭୟରେ  ନିଜ ବନ୍ଧୁକରୁ ନିଜ ଉପରକୁ ଗୁଳି ଫୁଟାଇ ଆତ୍ମହତ୍ୟା କରିବାକୁ ଉଦ୍ୟମ କରି ଆହତ ହୋଇଛି ପାପୁନୀ । ଏବେ ସେ ପୋଲିସ ହେପାଜତରେ ଚିକିସ୍ଥାଧିନ ।

ପାପୁନୀ ପରିଜା ନାମରେ ସିକ୍ୟୋର ସଂସ୍ଥା ପକ୍ଷରୁ ଅଭିଯୋଗ  ପରେ କମିସନରେଟ ପୋଲିସ ତା ଘର ଉପରେ ଚଢାଉ କରିଛି। ସେଠାରୁ ଦୁଇଟି ଅତ୍ୟଧୁନିକ ଡିଜେ ଗାଡି , ଦୁଇଟି ଦାମି କାର , ଗୋଟିଏ କେଟିଏମ ବାଇକ ସହ ଅନ୍ୟ ଦୁଇଟି ଗାଡି ଜବତ କରିଛି ପୋଲିସ। ପାପୁନିର ଆକାଉଣ୍ଟରୁ ପୋଲିସ ଏକଲକ୍ଷ ଟଙ୍କା ମଧ୍ୟ ଜବତ କରିଛି । ଏଟିଏମ୍‌ରୁ ଅର୍ଥ ହଡପ କରି ପାପୁନୀ ଡେଜ୍ ବେପାର ସହ ବେଶ୍ ଅୟସ ଜୀବନ ବିତାଉଥିବା ସୁରାକ ମିଳିଛି ।

ଏଟିଏମରୁ କୋଟି କୋଟି  ଆତ୍ତ୍ମସାତ ଘଟଣାରେ ପାପୁନୀ ସହ ଆଉ କିଏ ଅଛି କି ନା ସେନେଇ ତନାଘନା ଜାରି ରହିଛି। ଏନେଇ ଚାରିଜଣଙ୍କୁ ଅଟକ ରଖି ପଚରା ଉଚୁରା କରୁଛି ଜଟଣି ଥାନା ପୋଲିସ । ପାପୁନୀ ସୁସ୍ଥ ହେବା ପରେ , ତାଠୁ ତଥ୍ୟ ଓଗାଳି ଅଧିକ ଖୋଳତାଡ କରାଯିବ ବୋଲି ଜଣାଯାଇଛି ।

   Related Posts