ନୂଆଦିଲ୍ଲୀ: ଅଗଷ୍ଟ ୧୨, ୧୩ ଏବଂ ୧୪ ତାରିଖରେ ହେବାକୁ ଥିବା ପ୍ରସ୍ତାବିତ ୟୁଜିସି ନେଟ୍ ପରୀକ୍ଷା ସ୍ଥଗିତ । ବିଶ୍ୱବିଦ୍ୟାଳୟ ଅନୁଦାନ ଆୟୋଗ(ୟୁଜିସି) ଅଧ୍ୟକ୍ଷ ଏନ ଜଗଦୀଶ କୁମାର ଏହି ସୂଚନା ଦେଇଛନ୍ତି । ସୂଚନା ଅନୁସାରେ ଦ୍ୱିତୀୟ ଫେଜର ୟୁଜିସି ନେଟ ପରୀକ୍ଷା ୨୦୨୨ ଏବେ ସେପ୍ଟେମ୍ୱର ୨୦ରୁ ୩୦ ଯାଏଁ ଆୟୋଜିତ ହେବ । ପରୀକ୍ଷାର ନୂଆ ସୂଚୀ ଏବଂ ଆଡମିଡ୍ କାର୍ଡ ସମ୍ପର୍କରେ ଖୁବଶୀଘ୍ର ୟୁଜିସିର ୱେବସାଇଟ୍  ugcnet.nta.nic.in ଉପଲବ୍ଧ କରାଯିବ।

ୟୁଜିସି ଅଧ୍ୟକ୍ଷ କହିଛନ୍ତି, ସେପ୍ଟେମ୍ୱର ୨୦ରୁ ୩୦ ମଧ୍ୟରେ ୬୪ ବିଷୟ ଉପରେ ପରୀକ୍ଷା ଆୟୋଜନ କରାଯିବ । ତେବେ ସେପ୍ଟେମ୍ୱର ୧୧ରେ ପରୀକ୍ଷାର୍ଥୀ ପରୀକ୍ଷା ବାବଦରେ ସମ୍ପୂର୍ଣ୍ଣ ତଥ୍ୟ ପାଇପାରିବେ । ପରୀକ୍ଷା ପାଇଁ ସେପ୍ଟେମ୍ୱର ୧୬ରେ ଆଡମିଡ୍ କାର୍ଡ ଜାରି କରାଯିବ।

wp:html

Second phase of UGC-NET examination postponed, to be conducted between Sep 20-30: UGC chairman M Jagadesh Kumar

— Press Trust of India (@PTI_News) August 8, 2022

/wp:html

ୟୁଜିସି ନେଟର ପ୍ରଥମ ପର୍ଯ୍ୟାୟ ପରୀକ୍ଷା ଜୁଲାଇ ୯,୧୧,୧୨ରେ ଦେଶର ବିଭିନ୍ନ ପରୀକ୍ଷା କେନ୍ଦ୍ରରେ ୩୩ଟି ବିଷୟରେ ଆୟୋଜିତ ହୋଇଥିଲା । ବଳକା ବିଷୟ ଗୁଡିକ ଅଗଷ୍ଟ ୧୨, ୧୩ ଏବଂ ୧୪ରେ ଅନୁଷ୍ଠିତ ହେବାର ଥିଲା, କିନ୍ତୁ ଏବେ ସେପ୍ଟେମ୍ୱର ୨୦ରେ ହେବ । ଉଲ୍ଲେଖଯୋଗ୍ୟ ଯେ, ଜାତୀୟ ସ୍ତରର ଏହି ପରୀକ୍ଷା ପାଇଁ ୨୦୨୧ରେ ପ୍ରାୟ ୧୩ ଲକ୍ଷ ପ୍ରାର୍ଥୀ ଆବେଦନ କରିଥିଲେ।