AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହିପିଣ୍ଡା ସଂରକ୍ଷିତ ଜଙ୍ଗଲରେ ଦନ୍ତା ମୃତଦେହ ଠାବ, ହାତୀକୁ ମାରି ନେଇଗଲେ ଦାନ୍ତ
  • ||
  • MKCG ମେଡିକାଲ ମୁଖ୍ୟ ଫାଟକ ସମ୍ମୁଖରେ ଦୁର୍ଘଟଣା: ସ୍କୁଟି-କାର୍ ମୁହାଁମୁହିଁ ଧକ୍କା, ଦୁଇ ମୃତ
  • ||
  • ଭୁବନେଶ୍ୱର: ରାତିରେ ପାରଦ କମିବ ଓ ଶୀତ ବଢ଼ିବ, ଦିନରେ ସ୍ୱାଭାବିକଠାରୁ ଅଧିକ ରହିବ ତାପମାତ୍ରା
  • ||
  • ତୋଲକୋଇ: ଦନ୍ତା ଆକ୍ରମଣରେ ହାତୀଛୁଆର ମୃତ୍ୟୁ, ଜଙ୍ଗଲରେ ପଡିଛି ମୃତଦେହ
  • ||

ଗୁଜରାଟ ନିର୍ବାଚନ; ଦ୍ବିତୀୟ ପର୍ଯ୍ୟାୟ ମତଦାନ ଆରମ୍ଭ, ୯୩ଟି ଆସନରେ ଚାଲିଛି ପ୍ରାର୍ଥୀଙ୍କ ଭାଗ୍ୟ ପରୀକ୍ଷା

5/12/2022 at 8:29 AM

ଗାନ୍ଧିନଗର: ଗୁଜରାଟରେ ଆରମ୍ଭ ହୋଇଛି ଦ୍ବିତୀୟ ପର୍ଯ୍ୟାୟ ଭୋଟିଂ । ମୋଟ୍ ୯୩ଟି ବିଧାନସଭା ଆସନରେ ମତଦାନ ଚାଲିଛି । ସକାଳ ୮ଟାରୁ ଭୋଟ୍ ଗ୍ରହଣ ଆରମ୍ଭ ହୋଇଥିବା ବେଳେ ସଂଧ୍ୟା ୫ଟା ଯାଏଁ ଚାଲିବ ମତଦାନ । ଦ୍ବିତୀୟ ପର୍ଯ୍ୟାୟରେ ପ୍ରାୟ ୨.୫୪ କୋଟି ଭୋଟର ନିଜର ମତାଧିକାର ସାବ୍ୟସ୍ତ କରୁଛନ୍ତି ।

ଡିସେମ୍ବର ୧ତାରିଖରେ ଗୁଜରାଟରେ ପ୍ରଥମ ପର୍ଯ୍ୟାୟ ମତଦାନ ହୋଇଥିଲା । ଡିସେମ୍ବର ୫ ତାରିଖ ଅର୍ଥାତ୍ ସୋମବାର ଦ୍ବିତୀୟ ପର୍ଯ୍ୟାୟ ଭୋଟିଂ ଆରମ୍ଭ ହୋଇଛି । ୧୪ଟି ଜିଲ୍ଲାର ମୋଟ୍ ୯୩ଟି ବିଧାନସଭା ଆସନରେ ନେତା ବାଛୁଛନ୍ତି ଜନତା । ଦ୍ବିତୀୟ ଚରଣରେ ପ୍ରାୟ ୨କୋଟି ୫୪ଲକ୍ଷ ଭୋଟର ନିଜର ମତାଧିକାର ସାବ୍ୟସ୍ତ କରୁଛନ୍ତି । ଏଥିପାଇଁ ୧୪ହଜାର ୯୭୫ଟି ବୁଥ୍ ବ୍ୟବସ୍ଥା ହୋଇଥିବା ବେଳେ ୮୪ହଜାର ପୋଲିଂ ଅଫିସର ନିୟୋଜିତ ହୋଇଛନ୍ତି । ଦ୍ବିତୀୟ ପର୍ଯ୍ୟାୟରେ ଆହମ୍ମଦାବାଦ, ଭଦୋଦରା, ଗାନ୍ଧିନଗର ଆଦି ବିଧାନସଭା ଆସନରେ ଭୋଟିଂ ଚାଲିଛି । ୬୧ ରାଜନୈତିକ ଦଳର ମୋଟ୍ ୮୩୩ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ଭୋଟର ।  

୨୦୧୭ ବିଧାନସଭା ନିର୍ବାଚନରେ ୯୩ଟି ବିଧାନସଭା ଆସନରୁ ବିଜେପି ୫୧ଟି ବିଜୟୀ ହୋଇଥିଲା । ସେହିପରି କଂଗ୍ରେସ ହାତକୁ ଯାଇଥିଲା ୩୯ଟି ଆସନ । ୩ଟି ଆସନରେ ସ୍ବାଧୀନ ପ୍ରାର୍ଥୀ ବିଜୟୀ ହୋଇଥିଲେ ।

ଗୁଜରାଟର ମୋଟ୍ ୧୮୨ଟି ବିଧାନସଭା ଆସନରୁ ପ୍ରଥମ ପ୍ରର୍ଯ୍ୟାୟରେ ୮୯ଟି ସିଟ୍ ଭୋଟିଂ ସରିଥିବାବେଳେ ଦ୍ବିତୀୟ ପର୍ଯ୍ୟାୟରେ ୯୩ଟି ଆସନରେ ମତଦାନ ଚାଲିଛି । ଆସନ୍ତା ୮ତାରିଖରେ ଭୋଟ ଗଣତି ହେବ ।  

   Related Posts