ନୂଆଦିଲ୍ଲୀ: ଆମେରିକାର ସର୍ଟ ସେଲର ଫାର୍ମ ହିଣ୍ଡେନବର୍ଗ ନୂଆ ରିପୋର୍ଟକୁ ଭାରତରେ ଆଲୋଡ଼ନ । ଏଥର ହିଣ୍ଡେନବର୍ଗ ଟାର୍ଗେଟ୍ରେ ସେବି ମୁଖ୍ୟ । ଆଦାନୀ ଗ୍ରୁପ ସହ ଜଡ଼ିତ ମାମଲାରେ ବଜାର ନିୟାମକ ସେବି ଅଧ୍ୟକ୍ଷ ମାଧବୀ ବୁଚ୍ ଏବଂ ତାଙ୍କ ସ୍ବାମୀ ଧବଲ ବୁଚ୍ ସାମିଲ୍ ରହିଛନ୍ତି । ଆଦାନୀ ମନି ସାଇଫନିଂ ସ୍କାଣ୍ଡାଲରେ ବ୍ୟବହୃତ ଦୁଇ ଅସ୍ପଷ୍ଟ ଅଫସୋର୍ ଫଣ୍ଡରେ ଭାଗିଦାରୀ ଥିବା ଦାବି ହୋଇଛି । ମାତ୍ର ହିଣ୍ଡେନବର୍ଗ ରିସର୍ଚ୍ଚ ରିପୋର୍ଟରେ ହୋଇଥିବା ଦାବିକୁ ଖଣ୍ଡନ କରିଛନ୍ତି ସେବି ମୁଖ୍ୟ ମାଧବୀ ବୁଚ୍ । ସେ ପ୍ରତିକ୍ରିୟା ରଖି କହିଛନ୍ତି, ତାଙ୍କ ଚିରିତ୍ର ସଂହାର କରିବାକୁ ପ୍ରୟାସ କରାଯାଉଛି ।
ସେବି ମୁଖ୍ୟ ମାଧବୀ ବୁଚ୍ ଏବଂ ତାଙ୍କ ସ୍ବାମୀ କହିଛନ୍ତି, ସେ କୌଣସି ଆର୍ଥିକ କାରବାରର ପେପର ଦେଖିବାରେ କୁଣ୍ଠାବୋଧ ପ୍ରକାଶ କରିନାହାନ୍ତି ବା ଅଣଦେଖା କରିନାହାନ୍ତି । ହିଣ୍ଡେବର୍ଗର ପୂର୍ବ ରିପୋର୍ଟରେ କାରଣ ଦର୍ଶାଅ ନୋଟିସ୍ ଏବଂ ଆକ୍ସନ ନିଆଯାଇଥିବାରୁ ସର୍ଟ ସେଲର କମ୍ପାନି ପକ୍ଷରୁ ଚରିତ୍ର ସଂହର କରିବାକୁ ଚେଷ୍ଟା କରାଯାଇଛି । ଏହାଛଡ଼ା ସେ କହିଛନ୍ତି, ଅଗଷ୍ଟ ୧୦ ତାରିଖରେ ହିଣ୍ଡେନବର୍ଗ ରିସର୍ଚ୍ଚ ରିପୋର୍ଟରେ ଯେଉଁ ଦାବି କରାଯାଇଛି, ସେଥିରେ କୌଣସି ପ୍ରକାର ସତ୍ୟତା ନାହିଁ । ଆଦାନୀ ମନି ସାଇଫନିଂ ସ୍କାଣ୍ଡାଲରେ ତାଙ୍କ ଲିଙ୍କ୍ ନାହିଁ, ଏଭଳି ଅଭିଯୋଗକୁ ସେ ଖଣ୍ଡନ କରୁଛନ୍ତି ବୋଲି କହିଛନ୍ତି । ତାଙ୍କ ଜୀବନ ଏବଂ ଅର୍ଥ ବ୍ୟବସ୍ଥାର ଏକ ଖୋଲା ବହି ପରି । ବଜାର କାରବାରର କାଗଜ ପତ୍ରକୁ ଦେଖିବାରେ ସେ କୌଣସି ସଙ୍କୋଚ କରିନାହାନ୍ତି କି କାହାକୁ ସହାନୁଭୂତି ଦେଖାଇନାହାନ୍ତି ବୋଲି ସେବି ମୁଖ୍ୟ ମାଧବୀ ବୁଚ୍ କହିଛନ୍ତି ।
ଅଗଷ୍ଟ ୧୦ରେ ପ୍ରକାଶିତ ହିଣ୍ଡେନବର୍ଗ ନୂଆ ରିପୋର୍ଟରେ ଦାବି ହୋଇଛି, ଯେ ଆଦାନୀ ଗ୍ରୁପ ସହ ଜଡ଼ିତ ମାମଲାରେ ବଜାର ନିୟାମକ ସେବି ଅଧ୍ୟକ୍ଷ ମାଧବୀ ବୁଚ୍ ଏବଂ ତାଙ୍କ ସ୍ବାମୀ ଧବଲ ବୁଚ୍ ସାମିଲ୍ ରହିଛନ୍ତି । ଆଦାନୀ ମନି ସାଇଫନିଂ ସ୍କାଣ୍ଡାଲରେ ବ୍ୟବହୃତ ଦୁଇ ଅସ୍ପଷ୍ଟ ଅଫସୋର୍ ଫଣ୍ଡରେ ଭାଗିଦାରୀ ଥିବା ଦାବି ହୋଇଛି । ମାଧବୀ ବୁଚ୍ ଏବଂ ତାଙ୍କ ସ୍ବାମୀ ଏଥିରେ ନିବେଶ କରିଛନ୍ତି । ତେଣୁ ୨୦୨୩ରେ ପ୍ରକାଶିତ ରିପୋର୍ଟ ଉପରେ ଆକ୍ସନ ନେବାକୁ ସେବୀ ଅଧ୍ୟକ୍ଷା ପ୍ରସ୍ତୁତ ନଥିଲେ । ଏହି ଅଭିଯୋଗକୁ ସେବି ମୁଖ୍ୟ ଅଧ୍ୟକ୍ଷ ମାଧବୀ ବୁଚ୍ ଏବଂ ତାଙ୍କ ସ୍ବାମୀ ଧବଲ ବୁଚ୍ ଖଣ୍ଡନ କରିଛନ୍ତି ....
