ଆନନ୍ଦପୁର ୨୪/୦୭: ଆନନ୍ଦପୁର ଉପଖଣ୍ଡ ହାଟଡିହି ବ୍ଲକ୍ ଦଧିବାମନପୁର ଠାରେ ଚାଲିଥିଲା ବାଲ୍ୟ ବିବାହ। ଜଣେ ୨୦ ବର୍ଷର ପୁଅ ସହ ଜଣେ ୧୭ ବର୍ଷୀୟା ନାବାଳିକାର ବିବାହ ହେବାକୁ ଯାଉଥିଲା। ଏହି ଖବର ପାଇ ସେଠାରେ ସିଡିପିଓ, ସ୍ଥାନୀୟ ପୋଲିସ ଓ ଚାଇଲ୍ଡଲାଇନ୍ ଟିମ୍‌ ପହଞ୍ଚିଥିଲେ। ପୋଲିସ୍ ଓ ଚାଇଲ୍ଡ୍‌ ଲାଇନ୍ ଟିମ୍‌ର ସହାୟତାରେ ବାହଘର ବନ୍ଦ ହେବା ସହ ବର-କନ୍ୟାଙ୍କ ସହିତ ଉଭୟ ପକ୍ଷର ଅବିଭାବକଙ୍କୁ ଥାନାକୁ ନେଇ ସେଠାରେ ବିଭାଗୀୟ ଅଧିକାରୀ ଲେଖାପଢ଼ା କରାଇଛନ୍ତି। ଉଚିତ୍ ବୟସ ପୂର୍ବରୁ ଏହି ବାହାଘର ହେବ ନାହିଁ ବୋଲି ଉଭୟ ବର ଓ କନ୍ୟା ପକ୍ଷ ଲିଖିତ ଭାବେ ଜଣାଇଥିଲେ। ପରେ ଉଭୟ ପକ୍ଷଙ୍କୁ ଛାଡି ଦିଆଯାଇଛି।