ନୂଆଦିଲ୍ଲୀ ୧୩।୦୮ : ରହସ୍ୟମୟ ପୃଥିବୀ । ଏଥିରେ ରହିଛନ୍ତି ଅନେକ ପ୍ରଜାତିର ଜୀବଜନ୍ତୁ । ଏବେ ଆଣ୍ଟାର୍କଟିକ୍ ମହାସାଗରରେ ବୈଜ୍ଞାନିକ ଏପରି ଏକ ଜୀବ ପାଇଛନ୍ତି, ଯାହାର ରହିଛି ୨୦ଟି ହାତ । ଏହା ଅନ୍ୟ ଗ୍ରହରୁ ପୃଥିବୀକୁ ଆସିଥିବା ଜୀବ ପରି ଦେଖାଯାଉଛି । କାରଣ ଆଜି ପର୍ଯ୍ୟନ୍ତ ପୃଥିବୀରେ ଏପ୍ରକାର ଜୀବକୁ ଦେଖି ନାହାଁନ୍ତି ମଣିଷମାନେ । ଏମିତିକି ଇତିହାସର କୌଣସି ବି ସ୍ଥାନରେ ଉଲ୍ଲେଖ ନାହିଁ ଏହି ଜୀବ ବିଷୟରେ । ଆସନ୍ତୁ ଜାଣିବା ସେହି ରହସ୍ୟମୟ ଜୀବ ବିଷୟରେ…
{"id":830320,"width":839,"height":1512,"sizeSlug":"large","linkDestination":"none"}
ବାସ୍ତବରେ ବୈଜ୍ଞାନିକ ଟିମ୍ ଆଣ୍ଟାର୍କଟିକାରେ ସମୁଦ୍ରୀ ଜୀବଙ୍କର ସନ୍ଧାନ କରୁଥିଲେ । ଯେଉଁମାନେ କି ଗଭୀର ସମୁଦ୍ରରେ ବାସ କରିଥାନ୍ତି । ବୈଜ୍ଞାନିକମାନେ ପାଖାପାଖି ୬୫ ହଜାର ଫୁଟ ଗଭୀରକୁ ଯିବା ପରେ ତାଙ୍କୁ ଏପରି ଏକ ଜୀବ ମିଳିଥିଲା ଯାହା ଅନ୍ୟ ଦୁନିଆର ଜୀବ ପରି ଲାଗୁଥିଲା । ଏହି ଜୀବର ୨୦ ଟି ହାତ ଥିଲା । ଧଳା ରଙ୍ଗର ଏହି ପ୍ରାଣୀ ସମୁଦ୍ରରେ ଭିନ୍ନ ନଜର ଆସୁଥିଲା । ଏହା ଏକ ବଡ ଷ୍ଟ୍ରବେରୀ ପରି ଥିଲା । ଯେତେବେଳେ ବୈଜ୍ଞାନିକମାନେ ଏହାକୁ ବାହାରକୁ ଆଣିଥିଲେ, ସେତେବେଳେ ସମସ୍ତେ ଏହାକୁ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ ।
{"id":830321,"sizeSlug":"full","linkDestination":"none"}
ବୈଜ୍ଞାନିକମାନେ ଏହି ଜୀବର ନାଁ ଷ୍ଟ୍ରବେରୀ ଦେଇଛନ୍ତି । ଏହାର ଆକାରକୁ ନଜରରେ ରଖି ଏପରି ନାମକରଣ କରାଯାଇଛି । ସବୁଠାରୁ ବଡ କଥା ହେଉଛି ଏହି ଜୀବ ଯେତେବେଳେ ଚାହିଁବ ନିଜର ରଙ୍ଗ ପରିବର୍ତ୍ତନ କରିପାରିବ। ବେଳେବେଳେ ଏହି ଜୀବ ବାଇଗଣୀ ଏବଂ ବେଳେବେଳେ ଲାଲ ରଙ୍ଗ ହୋଇଯାଇଥାଏ । ବୈଜ୍ଞାନିକଙ୍କ ଅନୁଯାୟୀ, ଏହି ଜୀବର ଯେତେବେଳେ ପରୀକ୍ଷା କରାଯାଇଥିଲା, ସେତେବେଳେ ଜଣାପଡିଥିଲା ଯେ ଏହା ଏପର୍ଯ୍ୟନ୍ତ ମିଳିଥିବା କୌଣସି ଜୀବଙ୍କ ପ୍ରଜାତିର ଅଂଶ ନୁହଁ । ଏହା ନିଜେ ଏକ ଅନନ୍ୟ ଜୀବ ।
You Can Read:
wp:embed {"url":"https://www.prameyanews7.com/eugene-merle-shoemaker-is-the-only-human-whose-grave-is-on-the-moon/","type":"wp-embed","providerNameSlug":"prameya-news-7"}
