ବାଲିପାଟଣା ୦୬/୦୧: ନରିଶୋ ଗାଁରେ ବାଣ ବିସ୍ଫୋରଣରେ ବୃଦ୍ଧ ଗୁରୁତର ଘଟଣା। ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ସହାୟତାରେ ବାଲିପାଟଣା ପୋଲିସ ତଦନ୍ତ କରୁଛି। କେଉଁ ପରିସ୍ଥିତିରେ ବିସ୍ଫୋରଣ ହେଲା ତାର ତଥ୍ୟ ସଂଗ୍ରହ ସହ ସେଠାରୁ ବାଣରେ ବ୍ୟବହୃତ ଦ୍ରବ୍ୟର ନମୁନା ସଂଗ୍ରହ କରିଛି ଟିମ୍।
ସୂଚନାଥାଉକି, ଗତକାଲି ବା ଗୁରୁବାର ବାଣ ତିଆରି ବେଳେ ବିସ୍ଫୋରଣରେ ପୂର୍ଣ୍ଣଚନ୍ଦ୍ର ଦାସ ନାମକ ବୃଦ୍ଧ ଗୁରୁତର ହୋଇ କଟକ ବଡ ମେଡିକାଲରେ ଭର୍ତ୍ତି ହୋଇଛନ୍ତି। ପ୍ରଚଣ୍ଡ ବିସ୍ଫୋରଣରେ ୩ ବଖରା ଘର ଜଳି ଯାଇଥିଲା। ପୂର୍ଣ୍ଣଚନ୍ଦ୍ର ବହୁଦିନ ହେଲା ବେଆଇନ ବାଣ ତିଆରି କରୁଥିଲେ ବୋଲି ପଡ଼ୋଶୀ କହିଛନ୍ତି ।
