ପୁରୀ ୨୩/୦୪: ବିଶ୍ୱାମ୍ବର ବିଦ୍ୟାପୀଠରେ ଜିଲ୍ଲାସ୍ତରୀୟ ବିଜ୍ଞାନ ମେଳା । ଏହି ଦୁଇଦିନିଆ ମେଳାର ଆଜି ଉଦଯାପନୀ ଦିବସରେ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ ମୁଖ୍ୟ ଅତିଥି ଭାବେ ଯୋଗ ଦେଇ ମେଳା ବୁଲି ଦେଖିଥିଲେ । ୧୧ ଟି ବ୍ଲକରୁ ୫ଟି ଲେଖା ୫୫ଟି ପ୍ରକଳ୍ପ ଆସିବାକୁ ସ୍ଥିର ହୋଇଥିବା ବେଳେ ଏହି ମେଳାରେ ସମୁଦାୟ ୪୮ଟି ପ୍ରକଳ୍ପ ପ୍ରଦର୍ଶନ ହୋଇଥିଲା ।
ଦୀର୍ଘ ଦୁଇବର୍ଷ ପରେ ଏହି ବିଜ୍ଞାନ ମେଳା ଆୟୋଜିତ ହୋଇଥିବାରୁ ଛାତ୍ରଛାତ୍ରୀ ମାନେ ଏଥିରୁ ଅନେକ କିଛି ଶିକ୍ଷା ଲାଭ କରିଥିବା କହିଛନ୍ତି। ମେଳାରେ ଜିଲ୍ଲାର ବିଭିନ୍ନ ସ୍କୁଲର ଛାତ୍ରଛାତ୍ରୀମାନେ ଭାଗ ନେଇଥିଲେ । ତେବେ ଦିନକୁ ଦିନ ପ୍ରଦ୍ୟୁଷଣ ମାତ୍ରା ବଢ଼ି ଚାଲିଥିବା ବେଳେ ଏକ ପ୍ରଦ୍ୟୁଷଣ ମୁକ୍ତ ଭାରତ ଗଠନ ପାଇଁ ସଭିଏଁ ସଚେତନ ହେବାର ଆବଶ୍ୟକତା ରହିଛି ।
wp:gallery {"linkTo":"none"}
ବିଶେଷ କରି ଜଳ, ବାୟୁ ଓ ଶବ୍ଦ ପ୍ରଦ୍ୟୁଷଣ ଉପରେ ସହଜରେ କିଭଳି ରୋକାଯାଇ ପାରିବ ସେନେଇ ଏକ ପ୍ରକଳ୍ପ ପ୍ରସ୍ତୁତ କରି ଛାତ୍ର ଛାତ୍ରୀ ଙ୍କୁ ବୁଝାଇଛନ୍ତି ପୁରୀ ଜିଲ୍ଲା ସତ୍ୟବାଦୀ ଓଡିଶା ଆଦର୍ଶ ବିଦ୍ୟାଳୟର ଛାତ୍ର ସାଇ ସୋହମ୍ ପ୍ରଧାନ । ସେହିପରି ଛାତ୍ର ଛାତ୍ରୀ ମାନେ ବିଭିନ୍ନ ବିଷୟ ଉପରେ ଅଧ୍ୟୟନ କରୁଥିଲେ ମଧ୍ୟ ଅନେକ ଛାତ୍ର ଛାତ୍ରୀ ଗଣିତ ପାଠ ସାହଯ୍ୟରେ ବୁଝି ପାରନ୍ତି ନାହିଁ ।
ତେଣୁ ସମସ୍ତ ଛାତ୍ରଛାତ୍ରୀ ମାନଙ୍କୁ ଗଣିତ ପାଠ ବୁଝିବାରେ କିଭଳି ସହଜ ହେବ ସେ ନେଇ ଛଇତନା ଏଚ୍ ସି ଏମ୍ ନୋଡାଲ ହାଇସ୍କୁଲର ଛାତ୍ରୀ କ୍ରିଷ୍ଣାଲିବୁନ୍ ପାଣି ବହୁଭୁଜର ଧାର ସଂଖ୍ୟା କୋଣ ଓ ଶୀର୍ଷ ସଂଖ୍ୟାର ପ୍ରୋଜେକ୍ଟ ମାଧ୍ୟମରେ ଏହାକୁ ବୁଝାଇଛନ୍ତି।
