Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଣି ଘେରରେ ଚାନ୍ଦବାଲି ବ୍ଲକର ୨୦ ଗାଁ, ଦୁର୍ବଳ ନଦୀବନ୍ଧ ପାଇଁ ଚିନ୍ତାରେ ଲୋକେ
  • ||
  • ଦେଶରେ ଉପର ତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୪୦୯୨ କରୋନା ପଜିଟିଭ୍
  • ||
  • ଆଉ ନାହାନ୍ତି ବିଶିଷ୍ଠ ଶିଳ୍ପପତି ତଥା ଭାରତର ୱାରେନ୍ ବଫେଟ୍‌ ରାକେଶ ଝୁନଝୁନୱାଲା: ୬୨ ବର୍ଷ ବୟସରେ ମୁମ୍ବାଇରେ ପରଲୋକ
  • ||
  • ମହାନଦୀ ଫୁଲୁଛି : ବୌଦ୍ଧରେ ବନ୍ୟା ସ୍ଥିତି, ହରଭଙ୍ଗା ବ୍ଲକ୍‌ର ୫୫ ଗାଁ ପ୍ରଭାବିତ
  • ||
  • କୁଲଗାମରେ ଆତଙ୍କବାଦୀଙ୍କ ଗ୍ରେନେଡ୍ ମାଡ, ଜଣେ ପୋଲିସ କର୍ମୀ ସହିଦ
  • ||
  • ଏସିଆ କପ୍ ପାଇଁ କୋହଲି ପ୍ରସ୍ତୁତ : ଇନଡୋର୍ ଷ୍ଟାଡିୟମରେ କଲେ ଜୋରଦାର ଅଭ୍ୟାସ
  • ||

କରୋନା ପାଇଁ ଆମେରିକାରେ ବର୍ଷେ ଯାଏଁ ସ୍କୁଲ-କଲେଜ ବନ୍ଦ, ଅନଲାଇନ୍‌ରେ ହେବ ପାଠପଢା

23/04/2020 at 10:23 AM

ଓ୍ବାଶିଂଟନ୍ ୨୩।୪: ଆମେରିକାରେ କରୋନା ଭାଇରସ୍ ସଂକ୍ରମଣ ବୃଦ୍ଧି ପାଉଥିବାକୁ ଦୃଷ୍ଟିରେ ରଖି ସରକାର ଗୋଟିଏ ଏକାଡେମିକ ସେସନ ପାଇଁ ସ୍କୁଲ କଲେଜଗୁଡିକୁ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି । ୱାଶିଂଟନ୍ ଡିସି ସମେତ ଦେଶର ଅତି କମରେ ୩୭ଟି ରାଜ୍ୟରେ ଏହି ନିଷ୍ପତ୍ତି କାର୍ଯ୍ୟକାରୀ କରାଯାଇଛି । ସଂକ୍ରମଣକୁ ଦୂର କରିବା ପାଇଁ ଆମେରିକା ଏହି ନିଷ୍ପତ୍ତି ନେଇଛି ।

ସିଏନ୍ଏନ୍ ରିପୋର୍ଟ ଅନୁଯାୟୀ, ଆମେରିକାର ଅଧିକାଂଶ ରାଜ୍ୟପାଳ ନିର୍ଦ୍ଦେଶ ଦେଇଛନ୍ତି ଯେ କରୋନା ଭାଇରସ ବିସ୍ତାରକୁ ରୋକିବାରେ ରାଜ୍ୟବ୍ୟାପୀ ସ୍କୁଲ ବନ୍ଦ ହେବା ସହାୟକ ହେବ । ଆମେରିକାର ଅନେକ ରାଜ୍ୟ କହୁଛନ୍ତି ଯେ, ସେମାନେ ସାମାଜିକ ଦୂରତାର ନିୟମ ଅନୁସରଣ କରି ବିଦ୍ୟାଳୟ ଖୋଲିପାରିବେ । ଆମେରିକା କେନ୍ଦ୍ର ସରକାର ମଧ୍ୟ ବିଭିନ୍ନ ପର୍ଯ୍ୟାୟରେ ଆମେରିକା ଖୋଲିବା ପାଇଁ ନୂତନ ନିର୍ଦ୍ଦେଶନାମା ଜାରି କରିଛନ୍ତି କିନ୍ତୁ ବିଦ୍ୟାଳୟ ଖୋଲିବା ଉପରେ ଏହି ପ୍ରତିବନ୍ଧକ ଜାରି ରହିବ ।

ଆମେରିକାର ଫ୍ଲୋରିଡା, ଟେକ୍ସାସ୍ ଏବଂ ୱାଶିଂଟନ୍ ସହ ୱାଶିଂଟନ୍ ଡିସି ସମେତ ଅନେକ ରାଜ୍ୟ ନିର୍ଦ୍ଦେଶ ଦେଇଛନ୍ତି ଯେ, ଛାତ୍ରଛାତ୍ରୀମାନେ ଘରେ ରହି ପାଠ ପଢିବେ । ଫ୍ଲୋରିଡା ରାଜ୍ୟ କହିଛି ଯେ କେନ୍ଦ୍ର ସରକାରଙ୍କ ଏହି ନିଷ୍ପତ୍ତିକୁ ବହୁତ ପ୍ରଶଂସା କରାଯାଇଛି।

ଏହି ନିଷ୍ପତ୍ତି ୩୭ଟି ରାଜ୍ୟରେ କାର୍ଯ୍ୟକାରୀ ହୋଇପାରେ । ଏହାଦ୍ବାରା ଆମେରିକାର ୩ କୋଟି ସ୍କୁଲ ଛାତ୍ରଛାତ୍ରୀଙ୍କୁ ପ୍ରଭାବିତ ହେବେ । ଏହା ବ୍ୟତୀତ ଆରିଜୋନା, ହାୱାର୍ଡ ଏବଂ ବୋଷ୍ଟନ୍ ୟୁନିଭରସିଟି ମଧ୍ୟ ବନ୍ଦ ରହିବ । ଅନେକ ଛାତ୍ର ସରକାରଙ୍କ ଏହି ନିଷ୍ପତ୍ତିକୁ ପ୍ରଶଂସା କରିଛନ୍ତି ।

କାଲିଫର୍ଣ୍ଣିଆ, ଆଇଡାହୋ, ସାଉଥ ଡାକୋଟା ଏବଂ ଟେନେସି କହିଛନ୍ତି ଯେ, ଛାତ୍ରମାନଙ୍କୁ ଦୂରତା ଶିକ୍ଷା ମଡେଲ ମାଧ୍ୟମରେ ଶିକ୍ଷା ଦିଆଯିବ । ଏଥିପାଇଁ ଅନଲାଇନ୍ ରେମଧ୍ୟ ଶିକ୍ଷା ଦିଆଯିବ । ଏବେ ବି ସେଠାରେ ଅନଲାଇନ୍ ମାଧ୍ୟମରେ ପାଠ ପଢାଯାଉଛି ।

   Related Posts