scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

୫ବର୍ଷର ଛାତ୍ରୀ ସହ ଅସଦାଚରଣ କରୁଥିଲା ସ୍କୁଲ ଭ୍ୟାନ୍ ଡ୍ରାଇଭର, ପରିବାରଲୋକଙ୍କ ଅଭିଯୋଗ ପରେ ଗିରଫ ହେଲା ଅଭିଯୁକ୍ତ

24/10/2018 at 5:03 PM

ନୂଆଦିଲ୍ଲୀ ୨୪|୧୦: ଦିଲ୍ଲୀ ପୋଲିସ ୫ବର୍ଷର ଶିଶୁ ସହ ଅସଦାଚରଣ କରିବା ଅଭିଯୋଗରେ ସ୍କୁଲ ଭ୍ୟାନ୍ ଡ୍ରାଇଭରକୁ ଗିରଫ କରିଛି । ଅଭିଯୁକ୍ତ ଡ୍ରାଇଭର ଶିଶୁଟିକୁ ସ୍କୁଲରୁ ଘରେ ଛାଡିବା ବେଳେ ତା ସହ ଅସଦାଚରଣ କରିଥିଲା । ସୂଚନା ଅନୁସାରେ ଅଭିଯୁକ୍ତ ଶିଶୁଟିକୁ ଜବରଦସ୍ତି ତା କୋଳରେ ଆଣି ବସାଉଥିଲା । ଆପତ୍ତିଜନକ ଭାବେ ତାକୁ ଛୁଉଁଥିଲା ।

ସୂଚନା ଅନୁସାରେ ଶିଶୁଟି ଦକ୍ଷିଣପଶ୍ଚିମ ଦିଲ୍ଲୀର ଶାହବାଦ ଡେରିରେ ତା ବାପା ମାଆଙ୍କ ସହ ରହୁଥିଲା । ଗତ ଦୁଇ ମାସ ହେବ ଶିଶୁଟି ଏକା ଏକା ରହୁଥିଲା ଏବଂ କାହା ସହ ବେଶୀ  କଥାବାର୍ତ୍ତା ମଧ୍ୟ କରୁନଥିଲା । ସୋମବାର ଦିନ ଯେତେବେଳେ ଶିଶୁଟିର ମାଆ ତାକୁ ସ୍କୁଲ ଯିବା ପାଇଁ ଡାକିଥିଲେ ସେତେବେଳେ ସେ ସ୍କୁଲ ଯିବା ପାଇଁ ମନା କରିଥିଲା । ମାଆ ତାକୁ ସ୍କୁଲ କଣ ପାଇଁ ଯିବୁନାହିଁ ବୋଲି ପଚାରିବାରୁ ସେ ସବୁ ଘଟଣା ମାଆଙ୍କୁ କହିଥିଲା । ଶିଶୁଟି କହିଥିଲା ଯେ, ସ୍କୁଲ ଭ୍ୟାନ୍ ର ଡ୍ରାଇଭର ତାକୁ ଜବରଦସ୍ତି ତା କୋଳରେ ଆଣି ବସାଉଥିଲା । ଆପତ୍ତିଜନକ ଭାବେ ତାକୁ ଛୁଉଁଥିଲା । କିଛି ଦିନ ହେଲା ତାକୁ ଏଭଳି ଅସଦାଚାରଣ କରୁଥିଲା । ସବୁ ଛୁଆଙ୍କୁ ଘରେ ଛାଡିବା ପରେ ସେ ତା ସହ ଏଭଳି କାମ କରୁଥିଲା । ଅଭିଯୁକ୍ତ ତାକୁ ଏହି ଘଟଣା ସମ୍ବନ୍ଧରେ କାହାରିକୁ କହିବା ପାଇଁ ମଧ୍ୟ ମନାକରିଥିଲା । ଶିଶୁଠାରୁ ସବୁ ଘଟଣା ଶୁଣିବା ପରେ ବାପା ମାଆ ତାକୁ ହସ୍ପିଟାଲ ନେଇଯାଇଥିଲେ ।ହସ୍ପିଟାଲରେ ଡାକ୍ତର କହିଥିଲେ ଯେ, ଶିଶୁ ସହ ଯୌନ ଉତ୍ପୀଡନ ହୋଇଛି । ତା ବ୍ୟକ୍ତିଗତ ଅଙ୍ଗରେ କିଛି ଦାଗ ମଧ୍ୟ ଦେଖିବାକୁ ମିଳିଥିଲା । ଏହାପରେ ପୀଡିତ ଶିଶୁର ବାପା ମାଆ ଏ ଘଟଣା ସଂପର୍କରେ ସ୍କୁଲ କର୍ତ୍ତୃପକ୍ଷଙ୍କୁ ସୂଚନା ଦେଇଥିଲେ । ଶିଶୁଟିର ବାପା ମାଆଙ୍କ  ଅଭିଯୋଗ ପରେ ଅଭିଯୁକ୍ତ ସୁରଜ କୁମାରକୁ ଜେଜେ କଲୋନୀ ସ୍ଥିତ ତା ଘରୁ ଗିରଫ କରାଯାଇଛି । ଅଭିଯୁକ୍ତ ବିରୋଧରେ ପୋକ୍ସୋ ଆକ୍ଟ ଅନୁସାରେ ମାମଲା ରୁଜୁ କରାଯାଇଛି । ଗିରଫ କରିବା ପରେ ତାକୁ ୧୪ଦିନିଆ ବିଚାର ବିଭାଗୀୟ ହାଜତକୁ ପଠାଯାଇଛି ।

   Related Posts