ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

୧୦ଟା ବଦଳରେ ୧୧ ଟାରେ ଖୋଲୁଛି ସ୍କୁଲ୍, ସକାଳୁ ଆସି ବାହାରେ ଖେଳୁଛନ୍ତି ପିଲା

30/09/2022 at 3:10 PM

ବଲାଙ୍ଗୀର ୩୦/୦୯: ପିଲାଙ୍କ ପାଠପଢା ପାଇଁ ସରକାରଙ୍କ କେତ କଣ ଯୋଜନା । ପାଠ ପଢ଼ାରେ ବି ସୁଧାର ଆଣିବାକୁ ସରକାର ତତ୍ପର ଅଛନ୍ତି । ହେଲେ ସ୍କୁଲରେ ନା ଶିକ୍ଷକ ନା ଶିକ୍ଷୟତ୍ରୀ ସେତିକି ତତ୍ପର ରହୁଛନ୍ତି ପିଲାଙ୍କ ପାଇଁ । ଯାହାର ନଗ୍ନ ଚିତ୍ର ସାମ୍ନାକୁ ଆସିଛି । ବଲାଙ୍ଗୀର ଜିଲ୍ଳା ଦୁର୍ଗାପାଲି ଟେଣ୍ଡାପଦର ଗାଁ ପ୍ରାଥମିକ ବିଦ୍ୟାଳୟରେ ଏଭଳି ଚିତ୍ର ଦେଖିବାକୁ ମିଳିଛି ।

ପ୍ରତିଦିନ ସକାଳ ୧୧ଟା ପରେ ଖୋଲୁଛି ସ୍କୁଲ । ପ୍ରଥମରୁ ପଞ୍ଚମ ପର୍ଯ୍ୟନ୍ତ ସ୍କୁଲ ଛାତ୍ରଛାତ୍ରୀ ସକାଳ ୯.୪୫ ରୁ ଆସି ବାହାରେ ବୁଲିବା ସହ ଖେଳୁଛନ୍ତି । ଗୋଟିଏ କି ଦୁଇ ଦିନ ନୁହେଁ ମାସ ମାସ ପର୍ଯ୍ୟନ୍ତ ଏଭଳି କାମ କରୁଛନ୍ତି ଶିକ୍ଷକ ଶିକ୍ଷୟତ୍ରୀ । ଯାହାକୁ ନେଇ ବଢିଛି ଅସନ୍ତୋଷ l ଖାଲି ସେତିକି ନୁହେଁ ପାଖରେ ରହିଛି ଅଙ୍ଗନବାଡ଼ି ସେଠି ମଧ୍ୟ ସମାନ ଦୃଶ୍ୟ ।

ଏନେଇ ପୂର୍ବରୁ ମଧ୍ୟ ସ୍କୁଲକୁ ଯାଇ ଶିକ୍ଷୟିତ୍ରୀଙ୍କୁ ଅଭିଯୋଗ କରାଯାଇଥିଲେ ସୁଦ୍ଧା କୌଣସି ସୁଫଳ ମିଳିନଥିଲା । ଶେଷରେ ଆଜି ଭିଡିଓ କରି ସତ୍ୟକୁ ସାମ୍ନାକୁ ଆଣିବାକୁ ଚେଷ୍ଟା କରାଯଇଥିଲା । ଏନେଇ ଶିକ୍ଷକଙ୍କୁ ଭିଡିଓରେ ପଚାରିବାରୁ ସେ କହିଥିଲେ ତାଙ୍କ ଦେହ ଅସୁସ୍ଥ ଥିବା ଯୋଗୁଁ ବିଳମ୍ବ ହୋଇଗଲା ।

   Related Posts