ନୟାଗଡ଼ ୧୬।୦୮: ନୟାଗଡ଼ରେ ୩୦ ବିଦ୍ୟାଳୟ ଛୁଟି । ମହାନଦୀରେ ବନ୍ୟାଜଳ ବଢୁଥିବା ଯୋଗୁଁ ନୟାଗଡ଼ାରେ ୩୦ ବିଦ୍ୟାଳୟକୁ ଛୁଟି ଘୋଷଣା କରିଛି ଜିଲ୍ଲା ପ୍ରଶାସନ । ଛୁଟି ଘୋଷଣା ହୋଇଥିବା ସ୍କୁଲ ମଧ୍ୟରେ ଗଣିଆ ବ୍ଲକର ୯ଟି , ଭାପୁର ବ୍ଲକର ୧୨ ଏବଂ ଖଣ୍ଡପଡା ବ୍ଲକର ୯ଟି ରହିଛି ।
ସୂଚନାଯୋଗ୍ୟ ଯେ, ମହାନଦୀରେ ଜଳସ୍ତର ବଢିବା ପରେ ନୟାଗଡ଼ ଗଣିଆ ଓ ଭାପୁର ବ୍ଲକରେ ପଶିଛି ପାଣି । ରାସଙ୍ଗ ଓ କଳାପାଟ ମନ୍ଦିର ନିକଟ ରାସ୍ତାରେ ୬ଫୁଟ ଉଚ୍ଚରେ ବନ୍ୟାଜଳ ପ୍ରବାହିତ ହେଉଥିବାରୁ ତିନିଟି ପଞ୍ଚାୟତକୁ ଯୋଗଯୋଗ ବିଚ୍ଛିନ୍ନ ହୋଇଛି । ଏହି ତିନିଟି ପଞ୍ଚାୟତ ହେଲା ଛାମୁଣ୍ଡିଆ, ବଡ଼ ସିଲିଙ୍ଗା, ରାସଙ୍ଗ ପଞ୍ଚାୟତ । ରାସଙ୍ଗ ଠାରେ ପ୍ରଶାସନ ପକ୍ଷରୁ ଗୋଟିଏ ମଟର ବୋଟ୍ ଯୋଗାଇ ଦିଆଯାଇଛି । ଭାପୁର ବ୍ଲକର କରବର ପଞ୍ଚାୟତର ମାଣିତ୍ରୀ, ନଣ୍ଡାବର, କରବର ଏବଂ ଗୁଡ଼ୁପାଡ଼ି ଗାଁକୁ ଯୋଗାଯୋଗ ବିଚ୍ଛିନ୍ନ ହୋଇଛି । ବନ୍ୟାଜଳ ବଢ଼ୁଥିବାରୁ ଲୋକେ ଆତଙ୍କିତ ଅବସ୍ଥାରେ ଅଛନ୍ତି । ଏହି ଦୁଇଟି ବ୍ଲକରେ ୬ହଜାରରୁ ଅଧିକ ଲୋକ ବନ୍ୟାରେ ପ୍ରଭାବିତ ହୋଇଛନ୍ତି ।
