ପାରାଦ୍ୱୀପ 21/10 : ସ୍କୁଲ୍ ଯାଉଥିବା ବେଳେ ଛାତ୍ରଙ୍କୁ ବାଟରୁ ଅପହରଣ କରିନେଇଛନ୍ତି। କୌଶଳ କ୍ରମେ ଖସି ଆସିଲେ ଛାତ୍ର। ଏଭଳି ଘଟଣା ଘଟିଛି କୁଜଙ୍ଗ ବ୍ଳକ ପନ୍ଦର ନମ୍ବର ଗଡ଼ା ନିକଟରେ। ଡିଆ ଗ୍ରାମର ସି.ଏମ ଆଦିତ୍ୟ ନାଥ ନାମକ ନବମ ଶ୍ରେଣୀର ଛାତ୍ର ସୋମବାର ସକାଳୁ ସ୍କୁଲ ଯିବାକୁ ଗାଡିକୁ ଅପେକ୍ଷା କରି ପନ୍ଦର ନମ୍ବର ଗଡ଼ା ପାଖରେ ଅପେକ୍ଷା କରିଥିଲେ। ଏହି ସମୟରେ ଏକ ଧଳା ରଙ୍ଗର ସ୍କର୍ପିଓରେ କିଛି ଦୁର୍ବୁତ୍ତ ଆସି ଆଦିତ୍ୟଙ୍କୁ ଉଠାଇ ନେଇଥିଲେ ।

ଗାଡି ଭିତରେ ଦୁଇ ଜଣ ପୁରୁଷ ଓ ଜଣେ ମହିଳା ଥିବା ବେଳେ ସମସ୍ତେ ମୁଖା ଓ କଳା ଚସମା ପିନ୍ଧିଥିଲେ।  ଆଦିତ୍ୟକୁ ସେମାନେ ନେଇ ଭୂତମୁଣ୍ଡାଇ ବାଟ ଦେଇ ଯାଉଥିଲେ। କେନ୍ଦ୍ରାପଡ଼ା ହଳଦିଆ ଗଡ଼ା ପାଖରେ ପହଞ୍ଚିଥିବା ବେଳେ କୌଶଳ କ୍ରମରେ ଆଦିତ୍ୟ ସେମାନଙ୍କ ସହ ମାଡ ଗୋଳ ଖସି ଆସିଥିଲେ। ପରେ ଅପହରଣକାରୀ ସେଠାରୁ କୁଆଡ଼େ ପଳେଇଥିଲେ। ଆଦିତ୍ୟ ଦୌଡ଼ି ପଳାଇ ଆସି ଏକ ପୋଲ ତଳେ ଲୁଚି ବସିଥିବା ବେଳେ ପରିବାର ଲୋକେ ଖବର ପାଇ ଆଦିତ୍ୟଙ୍କୁ ଉଦ୍ଧାର କରିଥିଲେ । ଏବେ କୁଜଙ୍ଗ ପୋଲିସ ଘଟଣାକୁ ନେଇ ତଦନ୍ତ ଆରମ୍ଭ କରିଛି ।

Also Read- ମଦ ବେପାରୀଙ୍କ ଠାରୁ ଲାଞ୍ଚ ନେଉଥିଲେ ASI, ମାଡିବସିଲା ଭିଜିଲାନ୍ସ