କଟକ ୨୭।୦୧ : କଟକ ଏସ୍ସିବି ହେବ ବିଶ୍ବସ୍ତରୀୟ ହସ୍ପିଟାଲ । ସେଥିପାଇଁ ରାଜ୍ୟ ସରକାର ଏକ ପ୍ଲାନ ପ୍ରସ୍ତୁତ କରିଛନ୍ତି । ମହାନଦୀରେ ବାଲି ଡ୍ରେଜିଂ କରି ଜମି ପୁନରଉଦ୍ଧାର ହୋଇଥିବା ସ୍ଥାନରୁ ୨୫ ଏକର ଜମି ଏସ.ସି.ବି ସଂପ୍ରସାରିତ କ୍ୟାମ୍ପସ ପାଇଁ ପ୍ରଦାନ କରାଯିବ । ଏଥିସହ ମେଡିକାଲ ସମ୍ପ୍ରସାରଣ ପାଇଁ ମୁଖ୍ୟମନ୍ତ୍ରୀ ମଧ୍ୟ ସ୍ବତନ୍ତ୍ର ପ୍ୟାକେଜ ଘୋଷଣା କରିଛନ୍ତି ।
ରବିବାର ଦିନ ଅଧିଗ୍ରହଣ ହେବାକୁ ଥିବା ଜାଗା ବୁଲି ଦେଖିଥିଲେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଓ କଟକ ଜିଲ୍ଲାପାଳ । ସେମବାର ଠାରୁ ଏସସିବି ମେଡିକାଲ ପରିସରରେ ରହୁଥିବା ଲୋକ ମାନେ ଘର ଖାଲି କରିବା ପାଇଁ ଡାକବାଜି ଯନ୍ତ୍ର ମାଧ୍ୟମରେ ପ୍ରଚାର କରାଯିବ । ଜନସାଧାରଣ ସ୍ବତଃ ପ୍ରବୃତ ଭାବେ ଜାଗା ଛାଡିବା ପାଇଁ ପରାମର୍ଶ ଦିଆଯାଇଛି । ତେବେ କ୍ଷତିଗ୍ରସ୍ତଙ୍କ ପାଇଁ ସରକାର ଅର୍ଥ ରାଶି ଘେ।ଷଣା କରିଥିବା ବେଳେ ପ୍ରଥମେ ସେମାନଙ୍କୁ ନିମପୁର ନିକଟରେ ରଖାଯିବା ପାଇଁ ବ୍ୟବସ୍ଥା କରାଯାଇଛି । ଏସସିବି ମେଡିକାଲ ପରିସରରେ ଥିବା କଲୋନୀରେ ପ୍ରାୟ ୨୦୦ ପରିବାର ରହୁଛନ୍ତି । ତେବେ ସୋମବାର ଦିନ ମେଡିକାଲ କର୍ତ୍ତୃପକ୍ଷଙ୍କୁ ଭେଟି କଲେ।ନୀ ବାସିନ୍ଦା କିଛି ଦିନ ସମୟ ମାଗିବେ ବୋଲି ସୂଚନା ରହିଛି ।
