ମୁମ୍ବାଇ ୦୯।୦୩; ସମସ୍ତଙ୍କୁ ହସାଉଥିବା ସତୀଶ କୌଶିକ ଦୁନିଆକୁ ଅଲବିଦା କହିଛନ୍ତି । ହୃଦଘାତରେ ୬୬ ବର୍ଷ ବୟସରେ ତାଙ୍କ ମୃତ୍ୟୁ ହୋଇଛି । ଏଥିରେ ପୁରା ଫିଲ୍ମ ଇଣ୍ଡଷ୍ଟ୍ରି ସ୍ତବ୍ଧ ହୋଇଯାଇଛି । ଇଣ୍ଡଷ୍ଟ୍ରିରେ ଦୀର୍ଘ ସମୟ ବିତାଇଥିବା ସତୀଶ କୌଶିକ 'ମୌସୁମ' ଫିଲ୍ମରେ ସହକାରୀ ନିର୍ଦ୍ଦେଶକ ଭାବରେ ଆରମ୍ଭ କରିଥିଲେ ନିଜର କ୍ୟାରିଅର୍ । ସେ ତାଙ୍କ ପତ୍ନୀ ଶଶି କୌଶିକ ଏବଂ ଝିଅ ବଂଶିକାଙ୍କ ପାଇଁ କୋଟି କୋଟି ଟଙ୍କାର ସମ୍ପତ୍ତି ଛାଡି ଯାଇଛନ୍ତି ।
ସତୀଶ କୌଶିକ ତାଙ୍କ ଦମରେ କୋଟି କୋଟି ଟଙ୍କାର ମାଲିକ ହୋଇଥିଲେ । କୁହାଯାଉଛି କି ୨୦୨୩ ସୁଦ୍ଧା ସତୀଶ କୌଶିକଙ୍କର ମୋଟ ସମ୍ପତ୍ତି ରହିଛି ୪୦ କୋଟି ଟଙ୍କା । ତେବେ ଅନ୍ୟ କେତେକ ଗଣମାଧ୍ୟମ ରିପୋର୍ଟରେ ତାଙ୍କର ମୋଟ ସମ୍ପତ୍ତି ୫୦ କୋଟି ସମ୍ପତ୍ତି ରହିଛି ।
ଫିଲ୍ମ ଇଣ୍ଡଷ୍ଟ୍ରି ବ୍ୟତୀତ ସତୀଶ କୌଶିକ ବ୍ୟବସାୟରେ ମଧ୍ୟ ସକ୍ରିୟ ଥିଲେ । ଅଭିନୟ ଏବଂ ନିର୍ଦ୍ଦେଶନା ବ୍ୟତୀତ ସେ ଅନେକ ବ୍ୟବସାୟରେ ବିନିଯୋଗ କରିଥିଲେ । ସତୀଶ ୧୯୮୫ରେ ଶଶି କୌଶିକଙ୍କୁ ବିବାହ କରିଥିଲେ । ପରେ ୧୯୯୬ ରେ ତାଙ୍କ ପୁଅ ଶାନୁ କୌଶିକଙ୍କ ଦେହାନ୍ତ ହୋଇଥିଲା । ଏହାପରେ ୨୦୧୨ରେ ସରୋଗସି ଜରିଆରେ ଝିଅ ବସିଂକାର ଜନ୍ମ ହୋଇଥିଲା ।
୧୩ ଏପ୍ରିଲ୍ ୧୯୫୬ରେ ହରିୟାଣାର ମହେନ୍ଦ୍ରଗଡରେ ଜନ୍ମ ଗ୍ରହଣ କରିଥିବା ସତୀଶ ୧୯୭୨ରେ ଦିଲ୍ଲୀର କିରୋଡିମଲ କଲେଜରୁ ସ୍ନାତକ ହାସଲ କରିଥିଲେ । ସେ ଏନଏସଡି ଏବଂ ଟେଲିଭିଜନ ଇନଷ୍ଟିଚ୍ୟୁଟ ଅଫ ଇଣ୍ଡିଆର ଛାତ୍ର ମଧ୍ୟ ରହିସାରିଛନ୍ତି ।
