ଭୁବନେଶ୍ୱର ୭/୧୦ : କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କ ଆରୋପ ଉପରେ ପ୍ରତିକ୍ରିୟା ରଖିଛି ବିଜେଡି | ବିଜେଡି ମୁଖପାତ୍ର ସସ୍ମିତ ପାତ୍ର କହିଛନ୍ତି ବାରମ୍ବାର ବିଜେପିର ନେତା ଆୟୁଷ୍ମାନ ଯୋଜନା କଥା ଉଠାଉଛନ୍ତି | ହେଲେ ଆୟୁଷ୍ମାନ ଯୋଜନାଠାରୁ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଲକ୍ଷେ ଗୁଣରେ ଭଲ | ଏଥିରେ ମହିଳାମାନଙ୍କ ପାଇଁ ଅଧିକ ୨ ଲକ୍ଷ ଟଙ୍କାର ସୁବିଧା ରହିଛି | ସେଥିପାଇଁ ଭୟଭୀତ ହେଉଛନ୍ତି ବିଜେପିର ନେତା | ତୈଳ ଦର ହ୍ରାସ ପ୍ରସଙ୍ଗରେ ନିଜ ମତ ରଖି ସସ୍ମିତ ପାତ୍ର କହିଛନ୍ତି ନିର୍ବାଚନ ଆସିଲେ ତେଲ ଦର କମାନ୍ତି କେନ୍ଦ୍ର ସରକାର | ତେଲ କମ୍ପାନୀ ତାଙ୍କ ଅଧୀନ ନୁହେଁ ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଥିଲେ | ତେବେ ବର୍ତ୍ତମାନ କେମିତି ତୈଳ କମ୍ପାନୀ ୧ ଟଙ୍କା କମାଇଛନ୍ତି | କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ରାଜ୍ୟରେ ମହିଳା ଅସୁରକ୍ଷିତ ଥିବା ଆରୋପ ଉପରେ ପ୍ରତିକ୍ରିୟା ରଖି ଶସ୍ମିତ ପାତ୍ର କହିଲେ ଓଡିଶାରେ ମହିଳାମାନେ ଅସୁରକ୍ଷିତ ବୋଲି କହୁଛନ୍ତି | ହେଲେ ବିଜେପି ଶାସିତ ରାଜ୍ୟରେ ମହିଳା କେତେ ନିର୍ଯାତିତ ସେକଥା ଦେଖୁନାହାନ୍ତି | ହରିୟାଣା ଉତ୍ତରପ୍ରଦେଶ, ଆସାମ, ବିହାରରେ ଗତ କିଛି ମାସ ହେଲାଣି ମହିଳାମାନଙ୍କ ଉପରେ ନିର୍ଯାତନା ବଢିଛି | ସେ ଦୃଷ୍ଟିରୁ ଓଡିଶାରେ ମହିଳାମାନେ ଯଥେଷ୍ଟ ସୁରକ୍ଷିତ ଅଛନ୍ତି |