ଖୋର୍ଦ୍ଧା ୦୩।୧୧ : ଧାରଣା ତୃତୀୟ ଦିନରେ । ଖୋର୍ଦ୍ଧା ସାରୁଅରେ ଥିବା ତରଙ୍ଗ ଷ୍ଟୁଡିଓ ଫାଟକ ସମ୍ମୁଖରେ ଶ୍ରମିକ ମାନଙ୍କ ଧାରଣା ତୃତୀୟ ଦିନରେ ପହଞ୍ଚିଛି । ଗତ ୧ ତାରିଖ ସକାଳ ୮ ଟାରୁ ତରଙ୍ଗ  ଷ୍ଟୁଡିଓର ଠିକା ଶ୍ରମିକମାନେ ଧାରଣାରେ ବସିଛନ୍ତି। 

{"id":355244,"sizeSlug":"large"}

ତରଙ୍ଗ ଷ୍ଟୁଡିଓରେ  ଶ୍ରମିକ ମାନଙ୍କୁ କର୍ତ୍ତୃପକ୍ଷ ଗାଳିଗୁଲଜ, ଧମକ ଚମକ ଦେବା ସହ କାମ ବନ୍ଦ କରିବା ନେଇ ଅଭିଯୋଗ ଆସିଛି । ଶ୍ରମିକ ମାନଙ୍କୁ ଉପଯୁକ୍ତ ଦରମା ଦେଉନଥିବା ଅଭିଯୋଗ ମଧ୍ୟ ହୋଇଛି । ଯାହାଫଳରେ ତରଙ୍ଗ ଷ୍ଟୁଡିଓରେ କାମ କରୁଥିବା  ଶ୍ରମିକ ମାନେ ଧାରଣା ଦେଇଛନ୍ତି ।

{"id":355245,"sizeSlug":"large"}

ପୁର୍ବରୁ  ତରଙ୍ଗ ଷ୍ଟୁଡିଓରେ କାମ କରୁଥିବା ଶ୍ରମିକ ମାନଙ୍କୁ ଗାଳିଗୁଲଜ, ଧମକ ଚମକ ଅଭିଯୋଗରେ ବାଘମାରୀ ପୋଲିସ ଓଡିଶା ଇମ୍ପ୍ରାର ସାଇଟ୍ ଇଞ୍ଜିନିୟର ଦୀନବନ୍ଧୁ ସାମନ୍ତ ଓ ସୁପରଭାଇଜର ବିଶ୍ବଜିତ୍ ରାଉତରାୟଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗତ ୧ ତାରିଖରେ ଖୋର୍ଦ୍ଧା ଉପଜିଲ୍ଲାପାଳ ଏବଂ ଶ୍ରମ ଅଧିକାରୀ ଧାରଣାରେ ବସିଥିବା ଶ୍ରମିକ ମାନଙ୍କୁ ବୁଝା ସୁଝା କରିଥିଲେ ସୁଦ୍ଧା କୌଣସି ସୁଫଳ ମିଳିନାହିଁ। ଦାବି ପୂରଣ ନହେବା ଯାଏଁ ଧାରଣା  ଜାରି  ରହିବ ବୋଲି ଶ୍ରମିକମାନେ କହିଛନ୍ତି।