oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: ରେଶମ ସହରରେ ବେଧଡ଼କ ଚାଲିଛି ଧଳାଜହର କାରବାର, ଜଣେ ମହିଳା ଗିରଫ
  • ||
  • ରାୟଗଡା : ବନ୍ଦ ହେଲା ରାଜ୍ୟର ଦ୍ୱିତୀୟ ଝୁଲାପୋଲ, ସୁରକ୍ଷା ଦୃଷ୍ଟିରୁ ପ୍ରଶାସନର ନିଷ୍ପତ୍ତି
  • ||
  • ଏକ୍‌ଜିଟ୍ ପୋଲର ଆକଳନ, ଇଟାଲୀର ପ୍ରଧାନମନ୍ତ୍ରୀ ହେବେ ମେଲୋନୀ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୬୪ କୋଭିଡ୍ ପଜିଟିଭ୍
  • ||
  • ସାଲେପୁର: ବିଳମ୍ୱିତ ରାତିରେ ମାତିଲେ ଲୁଟେରା, ମନ୍ଦିରରୁ ଲୁଟିନେଲେ ୩ କୋଟିର ଅଷ୍ଟଧାତୁ ମୂର୍ତ୍ତି
  • ||
  • ଯାଜପୁର: ଗଡିବ ମା’ ବିରଜାଙ୍କ ସିଂହଧ୍ଵଜ ରଥ, ୯ ଦିନ ଧରି ଭକ୍ତଙ୍କୁ ଦର୍ଶନ ଦେବେ ଦେବୀ
  • ||
  • ହିମାଚଳ ପ୍ରଦେଶର କୁଲୁରେ ମର୍ମନ୍ତୁଦ ଦୁର୍ଘଟଣା, ୭ ପର୍ଯ୍ୟଟକ ମୃତ
  • ||
  • ସୋମବାରଠୁ ନବରାତ୍ର ପୂଜା, ମାଆଙ୍କ ଷୋଡ଼ଶ ପୂଜାପାଠରେ କମ୍ପୁଛି ଶକ୍ତିପୀଠ
  • ||
  • ମୋହନା : ଘାଟିରେ ଓଲଟିଲା ଯାତ୍ରୀବାହୀ ବସ୍, ଅଳ୍ପକେ ବର୍ତ୍ତିଲେ ୨୪ଯାତ୍ରୀ
  • ||

ସରୋଜ ମେହେରଙ୍କ ଜାମିନ ଆବେଦନ ଖାରଜ : ଜୁଲାଇ ୫କୁ ଶୁଣାଣି ଘୁଞ୍ଚାଇଦେଇଛନ୍ତି କୋର୍ଟ

1/07/2019 at 6:52 PM

ବଲାଙ୍ଗୀର ୧/୭: ଆଜି ଭୁବନେଶ୍ବର ଏଡିଜେ କୋର୍ଟରେ ହାଜର ହୋଇଥିବା ପାଟଣାଗଡ଼ ବିଧାୟକ ସରୋଜ ମେହେରଙ୍କ ଶୁଣାଣି ପୁଣି ଆସନ୍ତା ୫କୁ ଘୁଞ୍ଚିଛି । ଓକିଲ ଆନ୍ଦୋଳନ ଯୋଗୁ ବିଧାୟକଙ୍କୁ ନିଜ ପକ୍ଷ ନିଜେ ରଖିବାକୁ ଅନୁମତି ଦେଇଥିଲେ କୋର୍ଟ । ସେପଟେ ବିଧାୟକଙ୍କ ବିରୋଧରେ ଅଭିଯୋଗ କରିଥିବା ଜେଇ ଓ ତାଙ୍କ ପତ୍ନୀ ମଧ୍ୟ ନିଜ ପକ୍ଷ ରଖିଥିଲେ । ତେବେ ଶୁଣାଣି ଘୁଞ୍ଚିଥିବାରୁ ବିଧାୟକଙ୍କୁ ଝାରପଡ଼ା ଜେଲ୍‌କୁ ପଠାଇଦିଆଯାଇଛି ।  …..

ଜେଲ୍‌ ହାଜତରେ ବିତିଲାଣି ୬ଦିନ । ବାହାରିବାକୁ ଉଚ୍ଛନ୍ନ ହେଲାଣି ମନ । ଭାବିଥିଲେ ଆଜି ବେଲ୍‌ ମିଳିଯିବ । ହେଲେ ସେ ଆଶା ବି ମଉଳିଲା । ପୁଣି ଜୁଲାଇ ୫ ଯାଏଁ ଭିତରେ ରହିବାକୁ ପଡ଼ିବ । ଓକିଲଙ୍କ ଆନ୍ଦୋଳନ ପାଇଁ ଅଡ଼ୁଆରେ ପଡ଼ିଥିବା ପାଟଣାଗଡ଼ ବିଧାୟକ ସରୋଜ ମେହେର୍‌ ବଡ଼ ଆଶା କରି ଭୁବନେଶ୍ବର ଏଡିଜେ କୋର୍ଟଙ୍କ ଦ୍ବାରସ୍ଥ ହୋଇଥିଲେ । ହେଲେ ଆଜି ବି ତାଙ୍କୁ ନିରାଶ ହେବାକୁ ପଡ଼ିଛି । ଜୁଲାଇ ୫କୁ ଶୁଣାଣି ଘୁଞ୍ଚାଇଦେଇଛନ୍ତି କୋର୍ଟ ।

ପୂର୍ତ୍ତ ବିଭାଗ ଜେଇଙ୍କୁ ସର୍ବସାଧାରଣରେ ଉଠବସ୍‌ କରିବା ଘଟଣାରେ ଜୁନ୍‌ ୨୪ ତାରିଖରେ ଗିରଫ ହୋଇଥିବା ପାଟଣାଗଡ଼ ଜେଲ୍‌ ଯାଇଥିବା ନବ ନିର୍ବାଚିତ ବିଧାୟକ ସରୋଜ ମେହେର୍‌ଙ୍କୁ ୧ତାରିଖ ପର୍ଯ୍ୟନ୍ତ ଜେଲ୍‌ ହାଜତକୁ ପଠାଇଦେଇଥିଲେ ପାଟଣାଗଡ଼ ଏଡିଜେ କୋର୍ଟ । ତେବେ ସେଠାରେ ଚାଲିଥିବା ଓକିଲ ଆନ୍ଦୋଳନ ଯୋଗୁଁ ବିଧାୟକଙ୍କୁ ଖୋର୍ଦ୍ଧା ଜିଲ୍ଲା ଅତିରିକ୍ତ ସ୍ପେଶାଲ ଜଜ କୋର୍ଟରେ ହାଜର କରାଯାଇଥିଲା । ହେଲେ ଏଠି ମଧ୍ୟ ଓକିଲ ଆନ୍ଦୋଳନ ଅଡ଼ୁଆ ହୋଇଥିଲା । ଶେଷରେ ବିଧାୟକଙ୍କ ନିଜ ପକ୍ଷ ନିଜେ ରଖିବାକୁ ଅନୁମତି ଦେଇଥିଲେ କୋର୍ଟ । ସେପଟେ ପାଟଣାଗଡ଼ ଏଡିଜେ କୋର୍ଟଙ୍କ ନିର୍ଦେଶ ଅନୁସାରେ ଜେଇ ଜୟକାନ୍ତ ଶବର ଓ ତାଙ୍କ ପତ୍ନୀ ପ୍ରବୀଣା ରାଜହଂସ ମଧ୍ୟ ଭୁବନେଶ୍ବର ଏଡିଜେ କୋର୍ଟରେ ହାଜର ହୋଇ ନିଜ ପକ୍ଷ ରଖିଥିଲେ । ଆଉ ବିଧାୟକଙ୍କ ସମର୍ଥକ ସେମାନଙ୍କୁ ଧମକ ଦେଉଥିବା  ଓ ସେମାନଙ୍କ ଜୀବନ ପ୍ରତି ବିପଦ ଥିବା କହିଥିଲେ । 

ସେପଟେ ବିଧାୟକ ସରୋଜ ମେହେର ସ୍ବାସ୍ଥ୍ୟଗତ କାରଣ ଦେଖାଇ ଡାକ୍ତରଖାନାରେ ରହିବାକୁ କୋର୍ଟଙ୍କୁ ଆବେଦନ କରିଥିଲେ ମଧ୍ୟ କୋର୍ଟ ଏହାକୁ ଖାରଜ କରିଦେଇଛନ୍ତି । କହିଛନ୍ତି ଜେଲ୍‌ କର୍ତ୍ତୃପକ୍ଷ ଯଦି ଚାହିଁବେ ତାହେଲେ  ଡାକ୍ତରଙ୍କ ପରାମର୍ଶ କ୍ରମେ ହସ୍‌ପିଟାଲ ପଠାଇପାରିବେ । ଏବେ ବିଧାୟକଙ୍କୁ କୋର୍ଟରୁ ସିଧା ଭୁବନେଶ୍ବର ଝାରପଡ଼ା ଜେଲକୁ ପଠାଇଦିଆଯାଇଛି ।

   Related Posts