ଯାଜପୁର ୨୭/୦୧: ମୂର୍ତ୍ତି ବିସର୍ଜନ ବେଳେ ବରୀ ବ୍ଲକ ତିନିମୁହାଣୀ ବ୍ରାହ୍ମଣୀ ନଦୀରେ ଅଭାବନୀୟ ଘଟଣା। ସରସ୍ୱତୀ ମୂର୍ତ୍ତୀ ଭସାଣି ବେଳେ ବ୍ରହ୍ମଣୀ ନଦୀରେ ଦୁଇ ଯୁବକ ବୁଡ଼ିଯାଇଥିଲେ। ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଛି। ଉଦ୍ଧାର ପରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି।

ମୃତକ ଯୁବକଙ୍କ ପରିଚୟ ରଜତ କୁମାର ସାହୁ। ସେ ବରୀ ଦରଘା ଅଞ୍ଚଳର ବାସିନ୍ଦା। ଅନ୍ୟ ଜଣେ ଜଣଙ୍କ ପରିଚୟ ମିଳିପାରିନାହିଁ। ୨ ଜଣଙ୍କୁ ଉଦ୍ଧାର କରି ପ୍ରଥମେ ବରୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା। ପରେ ଅଧିକ ଚିକିତ୍ସା ପାଇଁ ଗୁରୁତର ଯୁବକଙ୍କୁ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନନ୍ତରିତ କରାଯାଇଛି।