ମୁମ୍ଵାଇ ୦୩।୦୨: କ୍ରିକେଟର ଶୁବମନ ଗିଲ । ଜଣାଶୁଣା ଅଭିନେତ୍ରୀ ସାରା ଅଲି ଖାନ। ତାଙ୍କ ଆଫେୟାର୍ସ ସମ୍ପର୍କର ବିଷୟରେ ଖୁବ୍‌ ଚର୍ଚ୍ଚା।  ଉଭୟଙ୍କୁ ଏକାଠି ଅନେକ ଥର ଦେଖିବାକୁ ମିଳିଛି । ଏହି ସମୟରେ ସାରା ଏବଂ ଶୁବମନଙ୍କ ଏକ ଫଟୋ ଭାଇରାଲ ହେବାରେ ଲାଗିଛି। ନେଟିଜିନମାନେ ଦାବି କରିଛନ୍ତି ଯେ ସାରା ଶୁବମାନ ଗିଲଙ୍କୁ ଭେଟିବା ପାଇଁ ଅହମ୍ମଦାବାଦ ଯାଇଛନ୍ତି । ଏତିକି ହିଁ ନୁହେଁ ଉଭୟ ବିମାନବନ୍ଦରରେ ସାକ୍ଷାତ କରିଛନ୍ତି।

Sara ali khan…😏 pic.twitter.com/4wvJKPEuyP

— V̷i̷r̷a̷n̷î ̷J̷ìg̷n̷e̷s̷h̷ ̷(J̷ïg̷Ş) 🇮🇳 (@iJigneshVirani) February 1, 2023

ବାସ୍ତବରେ କ୍ରିକେଟର ଶୁବମନ ଗିଲ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଟି -୨୦ ମ୍ୟାଚ୍ ଖେଳିଛନ୍ତି। ଏହି ସମୟରେ, ନେଟିଜିନମାନେ ସାରା ଏବଂ ଶୁବମନଙ୍କ ଫଟୋ ସେୟାର କରିବା ଆରମ୍ଭ କରି କହିଥିଲେ ଯେ ଉଭୟଙ୍କ ଏହି ଫଟୋ ଅହମ୍ମଦାବାଦ ବିମାନବନ୍ଦରରୁ ଆସିଛି। ଫଟୋରେ ଏହା ଦେଖିବାକୁ ମିଳେ ଯେ ସାରା ଏବଂ ଶୁବମନ ଚେୟାରରେ ବସି ପରସ୍ପର ସହ କଥାବାର୍ତ୍ତା ହେଉଛନ୍ତି ।  

ହେଲେ ମିଡିଆ ରିପୋର୍ଟ ଅନୁଯାୟୀ କୁହାଯାଇଛି କି ଯେ ଅଭିନେତ୍ରୀ ମୁମ୍ବାଇରେ ଅଛନ୍ତି। ସେ ଅହମ୍ମଦାବାଦ ଯାଇ ନାହାଁନ୍ତି କିମ୍ବା କ୍ରିକେଟର ଶୁବମନ ଗିଲ ଖେଳୁଥିବା କୌଣସି ମ୍ୟାଚରେ ଯୋଗ ଦେଇ ନାହାଁନ୍ତି। ତେଣୁ ଏହା ସ୍ପଷ୍ଟ ଯେ ସାର ଏବଂ ଶୁବମନଙ୍କ ଏହି ଫଟୋ ନୂଆ ନୁହେଁ ଏହା ପୁରା ପୁରୁଣା । ତଥାପି, ଉଭୟ ନିଜ ନିଜ କାର୍ଯ୍ୟରୁ ସମୟ ବାହାର କରି ପରସ୍ପରକୁ ଭେଟିବା ଜାରି ରଖନ୍ତି । ଏହାପୂର୍ବରୁ ସାରା ଶୁବମନଙ୍କ ସହ ଅନେକ ଥର ନଜର ଆସିଛନ୍ତି। କିନ୍ତୁ ଏପର୍ଯ୍ୟନ୍ତ ଉଭୟ ନିଜ ସମ୍ପର୍କ ବିଷୟରେ କୌଣସି ବିବୃତ୍ତି ଦେଇନାହାଁନ୍ତି।