ମୁମ୍ଵାଇ ୨୦।୦୫: ସବୁଠୁ ବଡ ଫିଲ୍ମ ଫେଷ୍ଟିଭାଲ୍ କାନ୍ସ । ଯାହା ବର୍ତ୍ତମାନ ୧୬ ତାରିଖରୁ ଆରମ୍ଭ ହୋଇଯାଇଛି।ଏହି ଇଭେଣ୍ଟରେ ବିଶ୍ଵର ସମସ୍ତ ଛୋଟବଡ ତାରକା ଅଂଶ ଗ୍ରହଣ କରୁଛନ୍ତି। ଏହି ବର୍ଷ ଅନେକ ବଲିଉଡ ଅଭିନେତ୍ରୀ କାନ୍ସରେ ନିଜର ଜଲୱା ଦେଖାଇଛନ୍ତି । କିନ୍ତୁ ଆଜି ଆମେ କୌଣସି ବଲିଉଡ ସୁନ୍ଦରୀ ବିଷୟରେ କହୁନାହୁଁ ବରଂ ଦେଶୀ କ୍ଵିନ୍ ସପନା ଚୌଧୁରୀଙ୍କ ବିଷୟରେ କହିବାକୁ ଯାଉଛୁ। ଯିଏ ୨୦୨୩ର ରେଡ କାର୍ପେଟରେ ଏତେ ଚମତ୍କାର ଏଣ୍ଟ୍ରି କରିଛନ୍ତି ।ଯାହାକୁ ନେଇ ପ୍ରଶଂସକମାନେ ପ୍ରଶଂସା କରିବାରେ ଥକି ନାହାଁନ୍ତି।
ସପନା ଚୌଧୁରୀ ହରିୟାଣା ଠାରୁ କାନ୍ସ ଯାତ୍ରା କରି ନିଜର ପରିଶ୍ରମ ଏବଂ ପ୍ରତିଭାର ଶକ୍ତି ପ୍ରମାଣ କରିଛନ୍ତି । ରିପୋର୍ଟ ଅନୁଯାୟୀ, ଗାୟକ, ନୃତ୍ୟଶିଳ୍ପୀ ତଥା ଅଭିନେତା ସପନା ଚୌଧୁରୀ ୩୦ କିଲୋଗ୍ରାମ ଗାଉନ୍ ପିନ୍ଧି କାନ୍ସ ଫେଷ୍ଟିଭାଲର ରେଡ୍ କାର୍ପେଟ୍ ଏଣ୍ଟ୍ରି କରିଥିଲେ । ଯାହାର ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି।
କହିବାକୁ ଗଲେ ସପନା ଚୌଧୁରୀ ୧୮ ମେ’ କାନ୍ସ ଫେଷ୍ଟିଭାଲର ରେଡ କାର୍ପେଟରେ ଡେବ୍ୟୁ କରିଛନ୍ତି । କହିବାକୁ ଗଲେ ସପନା ହେଉଛନ୍ତି ଭାରତର ପ୍ରଥମ ଆଞ୍ଚଳିକ ବା ରିଜନାଲ କଳାକାର । ଯିଏ କାନ୍ସରେ ସାମିଲ୍ ହୋଇଥିଲେ। ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ସପନା ହରିୟାଣୀ ଗୀତ ପାଇଁ ସାରା ଦେଶରେ ଲୋକପ୍ରିୟ।
