ସାଲେପୁର ୦୩/୦୨: କଟକ ଜିଲ୍ଲା କିଶନନଗର ତହସିଲ,ଶିର୍ଲ ବ୍ରାହ୍ମଣଖଣ୍ଡ ଗୋମତି ଆଶ୍ରମ ଠାରେ ୮ ଦିନ ବ୍ୟାପି ସର୍ବ ଭାରତୀୟ ସନ୍ଥ ସମ୍ମିଳନୀ ଅନୁଷ୍ଠିତ । ଶ୍ରୀମଦ ଭାଗବତ ସପ୍ତାହ ଭକ୍ତି ମହାଯଜ୍ଞ ଓ ଶ୍ରୀ ହରି ନାମ ସଂକୀର୍ତ୍ତନ କାର୍ଯ୍ୟକ୍ରମ ଅନୁଷ୍ଠିତ ହେଉଅଛି । ଏହା ଆଠ ଦିନ ବ୍ୟାପୀ ଚାଲିବ।
ଏହି କାର୍ଯ୍ୟକ୍ରମରେ ବଦ୍ରିନାଥ,ଋଷିକେଶ,ହରିଦ୍ୱାର,ପ୍ରୟାଗରାଜ,ଦ୍ୱାରକାଧାମ,ରାମେଶ୍ୱରଧାମସହ ରାଜ୍ୟ ତଥା ରାଜ୍ୟ ବାହାରର ବହୁ ସାଧୁସନ୍ଥ ଯୋଗ ଦେଇଥିବା ବେଳେ ପଞ୍ଚମ ଦିନରେ ମାର୍ଗ ଦର୍ଶକ ଭାବେ ପୁରୀ ଗୋବର୍ଦ୍ଧନ ପୀଠାଧୀଶ୍ଵର ଜଗତଗୁରୁ ଶଙ୍କରାଚାର୍ଯ୍ୟ ସ୍ୱାମୀ ନିଶ୍ଚଳାନନ୍ଦ ସରସ୍ୱତୀ ମହାରାଜ ଯୋଗଦେଇ ହଜାର ହଜାର ଭକ୍ତଙ୍କ ଗହଣ ରେ ଏକ ବିରାଟ ଶୋଭାଯାତ୍ରା ରେ ହରିବୋଲ ହୁଳାହୁଲି ଧ୍ୱନି ମଧ୍ୟରେ ଯୋଗଦାନ କରିଥିଲେ ।
ସେଠାରେ ସେ ପହଂଚି ଆଶ୍ରିବଚନ ଦେବା ସହ ଆଗାମୀ ଶତାବ୍ଦୀ ଭାରତ ହିନ୍ଦୁ ରାଷ୍ଟ୍ର ହେବ। ସମଗ୍ର ବିଶ୍ୱ ହିନ୍ଦୁ ଧର୍ମ ଅନୁଗାମୀ ହେବେ ବୋଲି ମତ ଦେଇଥିଲେ । ହଜାର ହଜାର ଭକ୍ତ ଏହି ଭାଗବତ କାର୍ଯ୍ୟକ୍ରମରେ ଯୋଗଦାନ କରି ଜଗତଗୁରୁଙ୍କ କୃପା ଭିକ୍ଷା କରିବା ସହ ଶ୍ରୀମୁଖରୁ ହିନ୍ଦୁ ଧର୍ମର କିଭଳି ରକ୍ଷା କରାଯିବା ଦିବ୍ୟ କଥା ଶ୍ରବଣ କରିଥିଲେ।
ଏଥିସହିତ ବହୁ ସାଧୁସନ୍ଥ ଉପସ୍ଥିତ ରହିଥିବା ଦେଖାଯାଇଥିଲା । ଆଶ୍ରମର ମୁଖ୍ୟ ଶ୍ରୀ ଅକ୍ଷୟ ଦେବ ଦାସ ମହାରାଜ ଓ ସାଧୁବଟ ଗୋମତି ଆଶ୍ରମର ଶିଷ୍ୟ ଓ ଭକ୍ତ ବୃନ୍ଦ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା ଜରିଥିଲେ । ଆଖପାଖ ଅଞ୍ଚଳର ଭକ୍ତ, ସାଧୁସନ୍ଥ ଓ ବ୍ରାହ୍ମଣ ବୈଷ୍ଣବ, ପଣ୍ଡିତ ଇତ୍ୟାଦି ଉପସ୍ଥିତ ରହିଥିବା ଦେଖାଯାଇଥିଲା।
