ମୁମ୍ଵାଇ ୦୧।୦୨: ବର୍ତ୍ତମାନ ଥାଲାପଥୀ ବିଜୟଙ୍କ ଫିଲ୍ମ ‘ଥଲାପଥୀ 67’ ଅନେକ ସମୟ ହେବ ଚର୍ଚ୍ଚାରେ ରହିଛି। ଏହି ଚଳଚ୍ଚିତ୍ରର ଷ୍ଟାରକାଷ୍ଟ ଗୋଟିଏ ପରେ ଗୋଟିଏ ରିଭିଲ ହେବା ସହିତ ସେମାନଙ୍କ ଲୁକ୍ ମଧ୍ୟ ସାମ୍ନାକୁ ଆସୁଛି। ସଞ୍ଜୟ ଦତ୍ତଙ୍କ ଭିଲେନ୍‌ ଭୂମିକା ମଧ୍ୟ ଏହି ଫିଲ୍ମରେ ଦେଖିବାକୁ ମିଳିବ। ‘କେଜିଏଫ୍ ୨’ ପରେ ଭିଲେନ୍ ଭାବରେ ଏହା ତାଙ୍କର ଦ୍ୱିତୀୟ ସାଉଥ ଚଳଚ୍ଚିତ୍ର । ତାଙ୍କ ଚେହେରା ‘ଥଲାପଥୀ ୬୭’ ରୁ ମଧ୍ୟ ସାମ୍ନାକୁ ଆସିଛି ଯାହା ବହୁତ ଦମ୍‌ଦାର ରହିଛି।

We feel esteemed to welcome @duttsanjay sir to Tamil Cinema and we are happy to announce that he is a part of #Thalapathy67 ❤️#Thalapathy67Cast #Thalapathy @actorvijay sir @Dir_Lokesh @Jagadishbliss pic.twitter.com/EcCtLMBgJj

— Seven Screen Studio (@7screenstudio) January 31, 2023

ଗଣମାଧ୍ୟମ ରିପୋର୍ଟ ଅନୁଯାୟୀ, ତେବେ ସଞ୍ଜୟ ଦତ୍ତ ‘ଥଲାପଥୀ ୬୭’ ପାଇଁ ବହୁ ପରିମାଣର ଫି ନେଉଛନ୍ତି। ସଞ୍ଜୟ ଦତ୍ତ ଏହି ଫିଲ୍ମ ପାଇଁ ୧୦ କୋଟି ଟଙ୍କା ଆଦାୟ କରିଛନ୍ତି। ଯାହା ବିଷୟରେ ଶୁଣି ଫ୍ୟାନ୍ସମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।  ଏହି ହାଇ ଚାର୍ଜ ଫି ପାଇଁ ସେମିତି ଦମ୍‌ଦାର ଅଭିନୟ ବି କରିବେ ସଞ୍ଜୁ ବାବା । ଯାହାକୁ ନେଇ ସେ ଫଟୋ ସେୟାର କରି କହିଛନ୍ତି ଏହି ଚଳଚ୍ଚିତ୍ରର ଅଂଶ ହୋଇଥିବାରୁ ସେ ବହୁତ ଖୁସି ଅଛନ୍ତି ।

କହିବାକୁ ଗଲେ, ଫିଲ୍ମର ଟାଇଟଲ୍ ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ। ଏହି ଚଳଚ୍ଚିତ୍ରଟି ‘ଥଲାପଥୀ ୬୭’ ନାମରେ ଚର୍ଚ୍ଚା ସୃଷ୍ଟି କରୁଛି। ଏହା ଲୋକେଶ କାନାଗରାଜଙ୍କ ନିର୍ଦ୍ଦେଶିତ ଏକ ଆକ୍ସନ୍ ଥ୍ରୀଲର ଫିଲ୍ମ ହେବ । ଲୋକେଶ ପୂର୍ବରୁ ‘ବିକ୍ରମ’ ପରି ସୁପରହିଟ୍ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି। ‘କେଜିଏଫ୍ ୨’ର ଅପାର ସଫଳତା ପରେ ସଞ୍ଜୟ ଦତ୍ତ ଦକ୍ଷିଣ ସିନେମାର ଲୋକପ୍ରିୟ ଅଭିନେତା ହୋଇପାରିଛନ୍ତି। ସଞ୍ଜୁ ବାବା ସେଥିପାଇଁ ସେ ଗୋଟିଏ ପରେ ଗୋଟିଏ ଅନେକ ଚଳଚ୍ଚିତ୍ର ପାଇଛନ୍ତି ।