ନୂଆଦିଲ୍ଲୀ,୦୯/୧୨: ପଞ୍ଜାବ କିଙ୍ଗ୍ସକୁ ଫେରିଲେ ଟିମ୍ ଇଣ୍ଡିଆ ପୂର୍ବତନ ବ୍ୟାଟିଂ କୋଚ୍ ସଞ୍ଜୟ ବାଙ୍ଗର । ଦୀର୍ଘ ୭ ବର୍ଷ ପରେ ମୁଖ୍ୟ କୋଚ୍ ହୋଇ ସେ ପଞ୍ଜାବ କିଙ୍ଗ୍ସକୁ ଫେରିଛନ୍ତି । ୨୦୧୪ରୁ ୨୦୧୬ ପର୍ଯ୍ୟନ୍ତ ସଞ୍ଜୟ ବାଙ୍ଗର ମୁଖ୍ୟ କୋଚ୍ ଦାୟିତ୍ୱ ସମ୍ଭାଳିଥିଲେ । ସେତେବେଳେ ଦଳର ନାମ କିଙ୍ଗ୍ସ ଇଲେଭେନ୍ ପଞ୍ଜାବ ଥିଲା । ତାଙ୍କ କାର୍ଯ୍ୟକାଳ ସମୟରେ ପଞ୍ଜାବ ୨୦୧୪ରେ ପ୍ରଥମ ଥର ଆଇପିଏଲ୍ ଫାଇନାଲରେ ପ୍ରବେଶ କରିଥିଲା ।
ଆସନ୍ତା୧୯ ତାରିଖରେ ଆଇପିଏଲ୍-୧୭ ପାଇଁ ଖେଳାଳି ନିଲାମୀ ଅନୁଷ୍ଠିତ ହେବ । ମୁଖ୍ୟ କୋଚ୍ ବାଙ୍ଗର, ଟ୍ରେଭର ବେଲିସ୍ ଏବଂ ଫ୍ରାଞ୍ଚାଇଜ ମାଲିକଙ୍କ ସହ ମିଶି ଖେଳାଳି କ୍ରୟ କରିବେ । ସେ ଆଇପିଏଲ୍ର ଶେଷ ୩ଟି ସଂସ୍କରଣରେ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋରର ମୁଖ୍ୟ କୋଚ୍ ଦାୟିତ୍ୱରେ ରହିଥିଲେ। ତାଙ୍କ ଅଧିନରେ ରୟାଲ୍ ଚ୍ୟାଲେଞ୍ଜର୍ସ ୨୦୨୧ ଓ ୨୦୨୨ ସଂସ୍କରଣରେ ପ୍ଲେ-ଅଫ୍ରେ ପ୍ରବେଶ କରିଥିଲା ।
wp:embed {"url":"https://www.prameyanews7.com/supreme-court-upset-over-kolkata-high-court/","type":"wp-embed","providerNameSlug":"prameya-news-7"}ସୂଚନାଯୋଗ୍ୟ, ବାଙ୍ଗର ୧୨ଟି ଟେଷ୍ଟ, ୫ଟି ଦିନିକିଆ ଖେଳିଥିବାବେଳେ ୧୬୫ଟି ପ୍ରଥମ ଶ୍ରେଣୀ ମ୍ୟାଚ୍ ଖେଳି ୮,୩୪୯ରନ୍ ଏବଂ ୩୦୦ ୱିକେଟ୍ ଅକ୍ତିଆର କରିଥିଲେ ।