ମୁମ୍ବାଇ, ୨୪/୧୦:  ଏନସିବି ଅଧିକାରୀ ସମୀର ଓ୍ୱାଙ୍ଖେଡେ କିଙ୍ଗ ଖାନଙ୍କ ପୁଅ ଆର୍ଯ୍ୟନଙ୍କୁ ଗିରଫ କରିବା ପରେ ଚର୍ଚ୍ଚାର ପରିଧିକୁ ଆସିଛନ୍ତି । ସେବେଠାରୁ ସମୀରଙ୍କୁ ନେଇ ଆଲୋଚନା ଜାରି ରହିଛି । ମହାରାଷ୍ଟ୍ର ସରକାରଙ୍କ ମନ୍ତ୍ରୀ ନବାବ ମଲିକଙ୍କ ଦ୍ୱାରା ଏନସିବି ଅଧିକାରୀଙ୍କୁ ସମାଲୋଚନା କରିବା ପରେ ଏବେ ବଲିଉଡର କିଛି ଓ୍ୱେବସାଇଟ୍ ତାଙ୍କ ପରିବାର ପଛରେ ପଡିଛନ୍ତି ।

ବଲିଉଡର ଓ୍ୱେବସାଇଟ୍ କୋଇମୋଇ ସମୀରଙ୍କ ପତ୍ନୀ କ୍ରାନ୍ତି ରେଡକର ଓ୍ୱାଙ୍ଖେଡେ ଛବି ଖରାପ କରିବାକୁ ଚେଷ୍ଟା କରିଛନ୍ତି । ତେବେ ଟ୍ୱିଟରରେ ସଂପୃକ୍ତ ଓ୍ୱେବସାଇଟକୁ ମିଛ ଖବର ପାଇଁ ସମାଲୋଚନା କରିଛନ୍ତି କ୍ରାନ୍ତି ।

ସୂଚନାନୁସାରେ, କୋଇମୋଇ ଏକ ଖବର ପ୍ରକାଶ କରିଥିଲା । ଯେଉଁଥିରେ କ୍ରାନ୍ତି ଅଜୟ ଦେବଗନଙ୍କ ସହ କାମ କରିଥିବା ଓ ଆଇପିଏଲ ଫିକ୍ସିଂ ମାମଲାରେ ସଂପୃକ୍ତି ଥିବା ଶିରୋନାମା ରହିଥିଲା । ଏହାର ଜବବା ଦେଇଛନ୍ତି କ୍ରାନ୍ତି । କ୍ରାନ୍ତି କହିଛନ୍ତି ଯେ, ସେ ପୁରା ଖବର ପଢିଛନ୍ତି । କେବଳ ନ୍ୟୁଜ ପାଇଁ ଏପରି ଶିରୋନାମା କାହିଁକି ଦିଆଯାଇଛି ବୋଲି ସେ ପ୍ରଶ୍ନ କରିଛନ୍ତି । ଏପରି କରି ସେମାନେ ତାଙ୍କର ଓ ତାଙ୍କ ସ୍ୱାମୀ ସମୀରଙ୍କ ଛବି ଖରାପ ପାଇଁ ଚାହୁଁଛନ୍ତି ବୋଲି ସେ ଉଲ୍ଲେଖ କରିଛନ୍ତି ।

wp:html

Dear @Koimoi what r u doing here? just for few views, you have given a misleading title, for what?i hv already fought this case in court n won.I read full report,it says a case of mistaken identity, but then y this title,why?To spoil my reputation or Sameer’s.Just for money?1/1 pic.twitter.com/j3v5RUZ1SH

— Kranti Redkar Wankhede (@KrantiRedkar) October 22, 2021

/wp:html

କ୍ରାନ୍ତି ଆହୁରି ଟ୍ୱିଟ୍ କରି କହିଛନ୍ତି ଯେ, ସମସ୍ତେ କୋଇମୋଇର ରିପୋର୍ଟ ପଢନ୍ତି ନାହିଁ । ଅଧା ପଢି ତାଙ୍କୁ ଅନେକ ଟ୍ରୋଲ କରୁଛନ୍ତି । ସେ ଭାବନା ସବ ବାସ୍ତବିକତାରେ ବଞ୍ଚୁଥିବା ମଣିଷ ଅଟନ୍ତି, ଉପଭୋଗ କଲା ଭଳି ବସ୍ତୁ ନୁହେଁ । ଯଦି ସେ ଦୋଷୀ ହୋଇଥାନ୍ତେ ତେବେ ସବୁ ସହିଥାନ୍ତେ କିନ୍ତୁ ସେ ନିର୍ଦ୍ଦୋଷ ତେଣୁ ସହିପାରିବେ ନାହିଁ ବୋଲି କହିଛନ୍ତି ।

ସୂଚନାଯୋଗ୍ୟ, କୋଇମୋଇ ରିପୋର୍ଟରେ ଲେଖିଥିଲା ଯେ, କ୍ରାନ୍ତି ଆଇପିଏଲ ସ୍ପଟ ଫିକ୍ସିଂ ବିବାଦରେ ଛନ୍ଦି ହୋଇଥିଲେ । ଏହା ୨୦୧୩ର ଘଟଣା । ସେତେବେଳେ ଶ୍ରୀସନ୍ଥ ବି ସ୍କାନରକୁ ଆସିଥିଲେ ।ପରେ କ୍ରାନ୍ତିଙ୍କ ନାଁ ଭୁଲ ଭାବେ ବିବାଦକୁ ଆସିଥିବା ଜଣା ପଡିଥିଲା । କିନ୍ତୁ ଖବରରେ କ୍ରାନ୍ତି ଦୋଷୀ ଭଳି ଚିତ୍ରଣ କରାଯାଇଥିଲା ।