ମୁମ୍ବାଇ ୦୮/୦୬: ମୁମ୍ବାଇର ପୂର୍ବତନ ଏନ୍ସିବି ଜୋନାଲ ଅଧିକାରୀ ସମୀର ୱାଙ୍ଖଡେଙ୍କୁ ସିବିଆଇ ଖୁବଶୀଘ୍ର ଗିରଫ କରିବାର ସମ୍ଭାବନା ରହିଛି । ତାଙ୍କ ଗିରଫଦାରୀ ଉପରେ ବମ୍ବେ ହାଇକୋର୍ଟ ରୋକ୍ ଲଗାଇଥିବା ବେଳେ ଏହାକୁ ହଟାଇବାକୁ ସିବିଆଇ ଅଦାଲତରେ ଅପିଲ କରିଛି ।
ସିବିଆଇ ଦର୍ଶାଇଛି ୱାଙ୍ଖଡେଙ୍କ ବିରୋଧରେ ସଙ୍ଗୀନ ତଥା ସମ୍ବେଦନଶୀଳ ଅଭିଯୋଗ ରହିଛି । ତେଣୁ ତାଙ୍କୁ ଗିରଫ କରିବା ଲାଗି ଅନୁମତି ଦିଆଯାଉ । ଗତ ଶୁଣାଣି ବେଳେ ହାଇକୋର୍ଟ ଜୁନ ୮ ତାରିଖ ପର୍ଯ୍ୟନ୍ତ ୱାଙ୍ଖଡେଙ୍କ ଗିରଫଦାରୀ ଉପରେ ରୋକ୍ ଲଗାଇଥିଲେ । ଏଥିସହ ପିଟିସନରେ ସାମିଲ ଚାଟ୍ ଓ ଅନ୍ୟାନ୍ୟ ତଥ୍ୟ ସମ୍ପର୍କରେ ଗଣମାଧ୍ୟମକୁ କୌଣସି ସୂଚନା ନ ଦେବାକୁ କୋର୍ଟ ୱାଙ୍ଖଡେଙ୍କୁ କହିଥିଲେ ।
ସିବିଆଇ ଅଭିଯୋଗ କରିଛି କି କୋର୍ଡିଲିଆ କ୍ରୁଜ୍ ଡ୍ରଗ୍ସ ମାମଲାରେ ଅଭିନେତା ଶାହରୁଖ ଖାନଙ୍କ ପୁଅ ଆରୟନ ଖାନଙ୍କୁ ଛାଡିବା ଲାଗି ୱାଙ୍ଖଡେ ୨୫ କୋଟି ଟଙ୍କା ଦାବି କରିଥିଲେ । ଏଥିପାଇଁ ମଧ୍ୟସ୍ଥି ନିଯୁକ୍ତ କରିଥିଲେ । ସିବିଆଇ ଏହି ମାମଲାରେ ୱାଙ୍ଖଡେଙ୍କ ସମେତ ୫ ଜଣଙ୍କ ନାମରେ ମାମଲା ରୁଜୁ କରିଛି ।
ଆହୁରି ପଢନ୍ତୁ....
wp:embed {"url":"https://www.prameyanews7.com/sisodias-ailing-wife-turns-emotional-as-couple-meets-after-103-days/","type":"wp-embed","providerNameSlug":"prameya-news-7"}
