ମୁମ୍ଵାଇ ୦୪।୦୬: ବଲିଉଡ ଅଭିନେତା ଶାହରୁଖ ଖାନ। ତାଙ୍କ ପୁଅ ଆର୍ଯ୍ୟ ଖାନଙ୍କ ସହ ଡ୍ରଗ୍ସ ଅନ୍ କ୍ରୁଜ୍ ମାମଲାରେ ଲାଞ୍ଚ ଅଭିଯୋଗର ସମ୍ମୁଖୀନ ହୋଇଛନ୍ତି ସମୀର ୱାନଖଡେ।  ପୂର୍ବତନ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ମୁମ୍ବାଇର ଜୋନାଲ ନିର୍ଦ୍ଦେଶକ ସମୀର ୱାନଖଡେ କହିଛନ୍ତି ଅଣ୍ଡରୱାର୍ଲ୍ଡ ଡନ୍ ଦାଉଦ୍‌ ଇବ୍ରାହିମ୍‌ଙ୍କ ନାଁରେ ଧମକ ମିଳୁଛି।

ସମୀର ପୋଲିସକୁ ଦେଇଥିବା ବିବୃତ୍ତିରେ କହିଛନ୍ତି ଯେ ମୁଁ ଏକ ଫେକ୍‌ ଟ୍ୱିଟର ଆକାଉଣ୍ଟରୁ ଦାଉଦ ଇବ୍ରାହିମଙ୍କ ନାମରେ ଧମକ ମିଳୁଛି। ତାଙ୍କ ପରିବାରକୁ ମଧ୍ୟ ଏହି ଧମକ ଦିଆଯାଉଛି ବୋଲି ସେ କହିଛନ୍ତି। ଏନେଇ ତାଙ୍କ ପତ୍ନୀ ମଧ୍ୟ ଚିନ୍ତାରେ ଅଛନ୍ତି। ପୋଲିସ ସୂତ୍ର ଅନୁଯାୟୀ, ୱାନଖଡେ ଏହି ଧମକ ପାଇବା ପରେ ମୁମ୍ବାଇ ପୋଲିସର ବରିଷ୍ଠ ଅଧିକାରୀମାନଙ୍କୁ ସୂଚନା ଦେଇଥିଲେ ଏବଂ ଯାହାକୁ ନେଇ ଘଟଣାର ଗୁରୁତର ଅନୁସନ୍ଧାନ କରାଯାଉଛି।

ବାସ୍ତବରେ ସିବିଆଇ ୱାନଖଡେଙ୍କ ବିରୋଧରେ ଏଫ୍ଆଇଆର୍ ପଞ୍ଜିକରଣ କରାଯାଇଛି। ଡ୍ରଗ୍ସ ମାମଲାରେ ଶାହରୁଖଙ୍କ ପୁଅ ଆର୍ଯ୍ୟନଙ୍କୁ ମୁକ୍ତ କରିବା ବଦଳରେ ସମୀର ୨୫ କୋଟି ଟଙ୍କା ମାଗିଥିଲେ ବୋଲି  ଏକ ଏଜେନ୍ସି କହିଛି। ଏହି ମାମଲାରେ ସମୀରଙ୍କ ବ୍ୟତୀତ ଏଜେନ୍ସି ଆଉ ୪ ଜଣଙ୍କ ବିରୋଧରେ ମାମଲା ରୁଜୁ କରିଛି। ତେବେ ତାଙ୍କ ଗିରଫଦାରୀକୁ ଏଡାଇବା ପାଇଁ ସମୀର କୋର୍ଟଙ୍କ ନିକଟକୁ ଯାଇଥିଲେ। ଯାହା ପରେ କୋର୍ଟ ତାଙ୍କ ଗିରଫଦାରୀକୁ ୮ ଜୁନ୍ ପର୍ଯ୍ୟନ୍ତ ରଖିଥିଲେ। ଏହା ସହିତ କୋର୍ଟ ୱାନଖଡେଙ୍କୁ ନିର୍ଦ୍ଦେଶ ଦେଇଛନ୍ତି ଯେ ସେ ଏହି ସମୟ ମଧ୍ୟରେ ଶାହାରୁଖଙ୍କ ସହ ହୋଇଥିବା ହ୍ଵାଟ୍ସଆପ୍‌କୁ ପବ୍ଲିକ୍‌ କରିବେ ନାହିଁ ଏବଂ ଗଣମାଧ୍ୟମ ସହ ମଧ୍ୟ କଥାବାର୍ତ୍ତା କରିବେ ନାହିଁ।