ସମ୍ବଲପୁର ହୋମିଓପାଥି ମହାବିଦ୍ୟାଳୟରେ ରାଗିଂ : ଅଭିଯୁକ୍ତ ଛାତ୍ରଛାତ୍ରୀ ଆଣିଲେ ପାଲଟା ଅଭିଯୋଗ, ଅଡୁଆରେ କର୍ତ୍ତୃପକ୍ଷ

Published By : Prameya-News7 Bureau | July 07, 2024 IST

ସମ୍ବଲପୁର ୭।୭: ଭିନ୍ନ ମୋଡ଼ ନେଉଛି ସମ୍ବଲପୁର ହୋମିଓପାଥି ମହାବିଦ୍ୟାଳୟର ରାଗିଂ ଘଟଣା । ଅଭିଯୁକ୍ତ ୪ ଛାତ୍ରଛାତ୍ରୀ ସଙ୍ଗୀନ ଅଭିଯୋଗ ଆଣିବା ପରେ ଏବେ ଅଡୁଆରେ ମହାବିଦ୍ୟାଳୟ କର୍ତ୍ତୃପକ୍ଷ । ତେଣୁ ଘଟଣାର ତଦନ୍ତ ପାଇଁ ୩ ଜଣ ବରିଷ୍ଠ ପୋଲିସ ଅଧିକାରୀଙ୍କୁ ନେଇ  ଗୋଟିଏ ଟିମ୍‌ ଗଠନ କରାଯାଇଛି । ଏହି ଟିମ୍‌ ଘଟଣାର ତଦନ୍ତ  କରି ରିପୋର୍ଟ ପ୍ରଦାନ କରିବେ ।  

ସୂଚନାଯୋଗ୍ୟ ଯେ, ଗତ ୨୮ ତାରିଖ ସମ୍ବଲପୁର ଶାସନ ସ୍ଥିତ ହୋମିଓପାଥିକ  ମହାବିଦ୍ୟାଳୟର ଜଣେ ବିଏଚ୍‌ଏମ୍‌ଏସ୍‌ର ଦ୍ୱିତୀୟ ବର୍ଷର ଛାତ୍ରୀ ତାଙ୍କୁ ରାଗିଂ କରିଥିବା ଅଭିଯୋଗ କରିଥିଲେ । ଗଛରେ ପାଣି  ଦେବାକୁ ନେଇ ୪ ଜଣ ସିନିୟର ଛାତ୍ରଛାତ୍ରୀ ତାଙ୍କୁ ଜୀବନରୁ ମାରିଦେବାକୁ କହିଥିଲେ । ତେଣୁ ସେ ଏନେଇ ମହାବିଦ୍ୟାଳୟ ଅଧ୍ୟକ୍ଷ ଓ ଆଣ୍ଟି ରାଗିଂ ସେଲ୍‌ରେ ଅଭିଯୋଗ କରିଥିଲେ ।  ଘଟଣାର ତଦନ୍ତ ପାଇଁ ମହାବିଦ୍ୟାଳୟ ପକ୍ଷରୁ ନିର୍ଦ୍ଦେଶ  ଦିଆଯାଇଥିଲା । ତଦନ୍ତ ପାଇଁ ଗୋଟିଏ କମିଟି ଗଠନ କରାଗଲା ।  କମିଟି ସଦସ୍ୟ ଘଟଣାର ଛାନଭିନ୍‌ କରିବା ପରେ ସତ ପଦାକୁ ନ ଆସିବାରୁ ଶାସନ ଥାନାରେ ଏତଲା ଦିଆଯାଇଥିଲା ବୋଲି  ଅଧ୍ୟକ୍ଷ ଡ. ଦୀପ୍ତିକାନ୍ତ ସିଂହ କହିଛନ୍ତି । ଏତଲା ଦେବାର କିଛି ଦିନ  ପରେ ଅଭିଯୁକ୍ତ ଛାତ୍ରଛାତ୍ରୀ ମହାବିଦ୍ୟାଳୟ ନାଁରେ ଅଭିଯୋଗ  ଆଣିଥିଲେ । ସେମାନଙ୍କୁ ଧମକ ଦିଆଯିବା ଓ ଜାତିଆଣ  ଆକ୍ଷେପ କରୁଥିବା କହି ୪ ତାରିଖରେ ସେମାନେ ଥାନାରେ ଏତଲା ଦେଇଥିଲେ । ଯାହାକୁ ନେଇ ଅଡୁଆ ସ୍ଥିତି ସୃଷ୍ଟି ହୋଇଛି ।  ଘଟଣାକୁ ନେଇ ମହାବିଦ୍ୟାଳୟ କର୍ତ୍ତୃପକ୍ଷ ଏସ୍‌ପିଙ୍କ ଦୃଷ୍ଟି  ଆକର୍ଷଣ କରିବା ସହ ଘଟଣାର ତଦନ୍ତ କରିବାକୁ କହିଛନ୍ତି ।  ସମ୍ବଲପୁର ଏସ୍‌ପି ମୁକେଶ କୁମାର ଭାମୂ ଘଟଣାର ତଦନ୍ତ  କରିବାକୁ ୩ ଜଣିଆ ଟିମ୍‌ ଗଠନ କରିଛନ୍ତି । ଜଣେ ଏଏସ୍‌ପି,  ଡିଏସ୍‌ପି ଏବଂ ଇନ୍ସପେକ୍ଟରଙ୍କୁ ନେଇ ଗଠିତ ଏହି ଟିମ୍‌  ଘଟଣାର ଛାନଭିନ୍‌ କରି ରିପୋର୍ଟ ପ୍ରଦାନ କରିବ ।

You Can Read:

ଦେଶୀ ବନ୍ଧୁକ ସହ ୪ ଡକାୟତ ଗିରଫ, ଲକ୍ଷାଧିକ ଟଙ୍କାର ସୁନା ଓ ରୁପା ଗହଣା ଜବତ

 

 

  • odisha
  • OdishaNews
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.