ସମ୍ବଲପୁର: ଆସନ୍ତା ଜାନୁୟାରୀ ୧୩ ରୁ ୧୭ ତାରିଖ ପର୍ଯ୍ୟନ୍ତ ହେବ ସମ୍ବଲପୁର ଲୋକ ମହୋତ୍ସବ । ୨ ବର୍ଷ କୋଭିଡ କଟକଣା ପରେ ଏଥର ବିରାଟ ଆୟୋଜନ ସହ ଧୁମଧାମ ମହୋତ୍ସବ ପାଳନ ନେଇ ପ୍ରସ୍ତୁତି ଶେଷ ହୋଇଛି । ସମ୍ବଲପୁର ଅଇଠାପାଲି ବୀର୍ସା ମୁଣ୍ତା ପଡିଆରେ ଆୟୋଜିତ ହେବ । ଜିଲ୍ଲାର ୯ ଟି ବ୍ଲକର ୯ ଟି ଲୋକକଳାକାର ଦଳ, ମହାନଗର ନିଗମର ୧୬ ଟି ଦଳ, ରାଜ୍ୟସ୍ତରୀୟ ୧୬ ଟି ଲୋକ ନୃତ୍ୟ, ଜାତୀୟ ସ୍ତରୀୟ ୮ ଟି ଲୋକ ନୃତ୍ୟ ସହ ଦେଶ ବାହାର ଶ୍ରୀଲଙ୍କା, ମାଲେସିଆ ଓ ନେପାଳ ଲୋକନୃତ୍ୟ ଦଳ ସାମିଲ ହେବେ ।
ଏଥର ମଂଚ ମୁଖ୍ୟତଃ ପାରମ୍ପାରିକ ସାଜସଜ୍ଜା ହେବା ସହ ଐତିହ୍ୟ ପରମ୍ପରା ପର୍ଯ୍ୟଟନ ପ୍ରସାର ସହ ମହୋତ୍ସବର ଇତିହାସ ନେଇ ତଥ୍ୟ ପ୍ରଦର୍ଶନ ପାଇ ମଞ୍ଚ ଓ ଅଡିଟୋରିଅମରେ ଏଲଇଡି ବ୍ୟବସ୍ଥା ହେବ । ତେବେ ଲୋକ ମହୋତ୍ସବ ଆରମ୍ଭ ହେବା ପୁର୍ଵରୁ ସହର ସାରା ଓ୍ଲାଲପେଟିଂ, ଥିମ ସଂଘ ଓ ଛାତ୍ରଛାତ୍ରୀ ଙ୍କ ଚିତ୍ରାଙ୍କନ ପ୍ରତିଯୋଗିତା ଆରମ୍ଭ ହେଲାଣି । ଏନେଇ ଆଜି ସମ୍ବଲପୁର ଲୋକ ମହୋତ୍ସବ ଅଧ୍ୟକ୍ଷ ତଥା ଜିଲ୍ଲାପାଳ ଅନନ୍ୟା ଦାସ ସାମ୍ଵାଦିକ ସମ୍ମିଳନୀରେ ସୂଚନା ଦେଇଛନ୍ତି।
