ମୁମ୍ଵାଇ ୩୦।୦୧: ସାଉଥ୍ ସୁପରଷ୍ଟାର୍ ସାମନ୍ଥା । ସବୁବେଳେ ତାଙ୍କ ଲୁକ୍‌ ପାଇଁ ଚର୍ଚ୍ଚାରେ ଥାଆନ୍ତି । ହେଲେ ଛାଡପତ୍ର ପରେ ଏହି ନାୟିକା  କାମରେ ଖୁବ୍‌ ବ୍ୟସ୍ତ। ଚଳଚ୍ଚିତ୍ରରେ ସକ୍ରିୟ ହେବା ପରେ ମଧ୍ୟ ତାଙ୍କ ବ୍ୟକ୍ତିଗତ ଜୀବନ ପାଇଁ ଆଲୋଚନାରେ ରହିଛନ୍ତି । ଏତିକି ହିଁ ନୁହେଁ ଇଣ୍ଡଷ୍ଟ୍ରିର ବଡ ପରିବାର ସହିତ ତାଙ୍କ ବିବାହକୁ କିପରି ଭାଙ୍ଗିଥିଲେ ତାହା ସବୁଠାରୁ ଅଧିକ ଚର୍ଚ୍ଚାରେ ଥିଲା ।

ସାମନ୍ଥା ନାଗାଙ୍କ ବହୁମୂଲ୍ୟ ଏଲିମନିକୁ ପ୍ରତ୍ୟାଖ୍ୟାନ କରିଥିବାବେଳେ ସେ ନାଗା ଏବଂ ତାଙ୍କ ପରିବାର ସହ ଜଡିତ ବିବାହର ସମସ୍ତ ସ୍ମୃତିକୁ ମଧ୍ୟ ଶେଷ କରିବାକୁ ଚାହୁଁଥିଲେ। ଏହି ତାଲିକାରେ ପ୍ରଥମ ନମ୍ବର ଥିଲା ବିବାହ ଯୋଡ। ସାମନ୍ଥାଙ୍କ ବିବାହ ପୋଷାକ ସବୁଠାରୁ ମହଙ୍ଗା ଏବଂ ବିଳାସପୂର୍ଣ୍ଣ ଥିଲା । ତେବେ ଏହି ସ୍ମୃତି ସାମନ୍ଥାଙ୍କ ଦ୍ୱାରା ମଧ୍ୟ ନଷ୍ଟ କରି ଦେଇଛନ୍ତି। ଖବର ଅନୁଯାୟୀ, ଅଲଗା ହେବା ପରେ ସେ ତାଙ୍କ ବିବାହ ଶାଢୀକୁ ପୂର୍ବ ସ୍ୱାମୀ ନାଗାଙ୍କ ନିକଟକୁ ପଠାଇଥିବା ଜଣାପଡିଛି। କୁହାଯାଉଛି ଯେ ସାମନ୍ଥା ତାଙ୍କ ବିବାହ ଦିନ ପିନ୍ଧିଥିବା ଶାଢୀ ନାଗାଙ୍କ ଜେଜେମା ଡି ରାଜେଶ୍ୱରୀଙ୍କ ଶାଢୀ ଥିଲା।

ସାମନ୍ଥା ନାଗାଙ୍କ ପୁରା ପରିବାରକୁ ତାଙ୍କ ଜେଜେମା’ଙ୍କ ଶାଢୀ ପିନ୍ଧି ଖୁସି କରିଥିଲେ । ତାଙ୍କ ସମଗ୍ର ପରିବାର ସାମନ୍ତଙ୍କ ପାଇଁ ଗର୍ବିତ ଅନୁଭବ କରୁଥିଲେ। ଏପରି ପରିସ୍ଥିତିରେ, ଛାଡପତ୍ର ପରେ ସାମନ୍ଥା ଏହି ଶାଢୀକୁ ନାଗାଙ୍କ ନିକଟକୁ ପଠାଇ ଦେଇଛନ୍ତି କାରଣ ଏହି ଶାଢୀ ତାଙ୍କ ପରିବାର ପାଇଁ ଅତ୍ୟନ୍ତ ସ୍ୱତନ୍ତ୍ର ଏବଂ ଏହାର ଭିନ୍ନ ଅର୍ଥ ରହିଛି। କହିବାକୁ ଗଲେ ସାମନ୍ଥା ଏବଂ ନାଗାଙ୍କ ବିବାହ ଫିଲ୍ମ ଇଣ୍ଡଷ୍ଟ୍ରିର ଏକ ବଡ ବିବାହ ହୋଇଥିଲା। ଇଣ୍ଡିଆ ଟୁଡେରେ ପ୍ରକାଶିତ ଗୋଆରେ ଏହି ବିବାହ ଥିଲା । ଯାହା ୧୦କୋଟି ଟଙ୍କା ଖର୍ଚ୍ଚ ହୋଇଥିଲା।