ମୁମ୍ୱାଇ ୨୬/୧୧: ହସ୍ପିଟାଲରେ ଭର୍ତ୍ତି ହେଲେ ଅଭିନେତ୍ରୀ ସାମନ୍ଥା ଋଥୁ ପ୍ରଭୁ । ସୋସିଆଲ ମିଡିଆରେ ଭାଇରାଲ ହେଉଛି ଫଟୋ । ଯାହା ଦେଖିବା ପରେ ଫ୍ୟାନ୍ସଙ୍କୁ ଲାଗିଛି ଝଟକା ।
ସୂଚନା ଥାଉକି ଗତ କିଛିଦିନ ତଳେ ସାମନ୍ଥା ସୋସିଆଲ ମିଡିଆରେ ଫଟୋ ସେୟାର କରିଥିଲେ ଯେଉଁଥିରେ ସେ ଲେଖିଥିଲେ ତାଙ୍କୁ କିଛି ରୋଗ ହୋଇଛି । ଯାହାର ଚିକିତ୍ସା ପାଇଁ ସେ କିଛି ମାସ ହେବ ଡାଇଗ୍ନୋସିସ ରେ ଅଛନ୍ତି । ଏବେ ପୁଣିଥରେ ଇଣ୍ଟରନେଟରେ ଏଭଳି ଖବର ଆସିବା ପରେ ଫ୍ୟାନ୍ସମାନେ ବହୁତ କନଫ୍ୟୁଜନ ହୋଇପଡିଛନ୍ତି । କାରଣ ଫଟୋ ଭାଇରାଲ ହେବା ପରେ କୁହାଯାଉଛି କି, ଶରୀର ଅସୁସ୍ଥ ହେବାରୁ ତାଙ୍କ ହାଇଦ୍ରାବାଦର ଏକ ହସ୍ପିଟାଲରେ ଭର୍ତ୍ତି କରାଯାଇଛି ।
ସେପଟେ ସାମନ୍ଥା ଋଥୁ ପ୍ରଭୁ ଏହି ଖବରକୁ ଖଣ୍ଡନ କରିଛନ୍ତି । ଅଭିନେତ୍ରୀ କହିଛନ୍ତି ମୁଁ ହସ୍ପିଟାଲରେ ଭର୍ତ୍ତି ହୋଇନି । ବରଂ ମୁଁ ଘରେ ରହି ଆରାମ କରୁଛି । ଗତ ୨୯ ଅକ୍ଟୋବରରେ ସେ ନିଜର ହେଲ୍ଥ ଅପଡେଟ୍ ଦେଇଥିଲେ । ଏବେ ସେମିତି କିଛି ସେ ପୋଷ୍ଟ କରିନାହାଁନ୍ତି । କୁହାଯାଉଛି ସାମନ୍ଥା ଗତ କିଛି ଦିନ ହେବ ନିଜ ଫିଲ୍ମ 'ଯଶୋଦା'କୁ ନେଇ ଚର୍ଚ୍ଚାରେ ଅଛନ୍ତି ।
