ନୂଆଦିଲ୍ଲୀ ୧୦।୦୫: ଦମ୍ଦାର୍ ମ୍ୟାଚ୍ରେ ଫେଲ୍ ମାରିଲା ପଞ୍ଜାବ କିଙ୍ଗସ । ୬୦ ରନ୍ରେ ମାତ୍ ଦେଲା ଆରସିବି । ପଞ୍ଜାବର ପରାଜୟ ପରେ ଭାଙ୍ଗିପଡିଲେ ସାମକରନ୍ । ଏମିତିକି ଫ୍ୟାନ୍ସଙ୍କୁ ମାଗିଛନ୍ତି କ୍ଷମା । କିନ୍ତୁ ଏହାର କାରଣ କଣ ? ଫର୍ମକୁ ଫେରିଛି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର । ପଞ୍ଜାବ କିଙ୍ଗସ ବିପକ୍ଷ ମ୍ୟାଚ୍ରେ କରିଛି ଧମାଲ୍ । ୬୦ ରନ୍ରେ ପଞ୍ଜାବ କିଙ୍ଗସକୁ ପରାସ୍ତ କରିଛି ଆରସିବି । ମ୍ୟାଚ୍ ଜିତିବା ପରେ ଆରସିବିର ପ୍ଲେ ଅଫ୍ ଆଶା ଉଦ୍ଜୀବିତ ହୋଇଛି ।
ସାମ କୁରାନଙ୍କ ଅଧିନାୟକତ୍ବ ଟିମ୍ ପଞ୍ଜାବକୁ ପରାଜୟର ସମ୍ମୁଖୀନ ହେବାକୁ ପଡିଛି । ପରାଜୟ ପରେ ସାମ କୁରାନ ପ୍ରଶଂସକଙ୍କ ନିକଟରେ କ୍ଷମା ପ୍ରାର୍ଥନା କରିଛନ୍ତି । ସେ କହିଛନ୍ତି ଯେ ଆମେ ଲଗାତର ଶିଖୁଛୁ । ନିଜକୁ ଉନ୍ନତି କରୁଛୁ । ବାସ୍ତବରେ ଏହି ମ୍ୟାଚ୍ରେ ସାମ୍ କରନ୍ ୨୨ ରନ୍ ସ୍କୋର କରି ଆଉଟ୍ ହୋଇଥିଲେ । ଏମିତିକି ବୋଲିଂରେ ମଧ୍ୟ ମହଙ୍ଗା ସାବ୍ୟସ୍ତ ହୋଇଥିଲେ ।
ମ୍ୟାଚ୍ ପରେ ପଞ୍ଜାବ କିଙ୍ଗ୍ସର ପର୍ଫମାନ୍ସକୁ ନେଇ ପ୍ରତିକ୍ରିୟା ଦେଇଥିଲେ ସାମ୍ କୁରାନ୍ । ସେ କହିଛନ୍ତି ଟୁର୍ନାମେଣ୍ଟ ସମୟରେ ଅନେକ ସକାରାତ୍ମକ ସଙ୍କେତ ମିଳିଥିଲା । କିନ୍ତୁ ଆମେ ଗୁରୁତ୍ୱପୂର୍ଣ୍ଣ ମ୍ୟାଚରେ ପ୍ରଦର୍ଶନ କରିପାରିଲୁନି । ଖରାପ ଲାଗୁଛି । ଆମେ ବିରାଟ କୋହଲିଙ୍କ ୱିକେଟ୍ ଶୀଘ୍ର ନେବାକୁ ଚାହୁଁଥିଲୁ । ଆମର ସଠିକ୍ କମ୍ପିନେସନ୍ର ବ୍ୟବହାର କରିବାକୁ ଚେଷ୍ଟା କରିଥିଲୁ । କିନ୍ତୁ ଏହା ହୋଇପାରିଲାନି । ଆମେ ଫ୍ୟାନ୍ସଙ୍କୁ ଖୁସି ଦେଇପାରିଲୁନି । ଏଥିପାଇଁ ମୁଁ ଫ୍ୟାନ୍ସଙ୍କୁ କ୍ଷମା ମାଗୁଛି । ଆମେ ଆଗକୁ ମଧ୍ୟ ଲଢିବା ଜାରି ରଖିବୁ ।
ସାମ୍ କୁରାନ୍ ଆରସିବି ବିପକ୍ଷରେ କିଛି ଖାସ୍ କରିପାରିନାହାନ୍ତି । ସେ ୩ ଓଭରରେ ୫୦ ରନ୍ ଦେଇ ନେଇଥିଲେ ମାତ୍ର ଗୋଟିଏ ଓ୍ବିକେଟ୍ । ସେ ବୋଲିଂରେ ଟିମ୍ ପାଇଁ ସବୁଠାରୁ ମହଙ୍ଗା ସାବ୍ୟସ୍ତ ହୋଇଥିଲେ । ଏହାବ୍ୟତୀତ ବ୍ୟାଟିଂରେ ମଧ୍ୟ କୌଣସି ଖାସ୍ ପ୍ରଦର୍ଶନ କରିପାରିନଥିଲେ । ସାମ୍ କୁରାନ୍ ୧୬ଟି ବଲ୍ର ସମ୍ମୁଖୀନ ହୋଇ ମାତ୍ର ୨୨ରନ୍ ସ୍କୋର କରିଥିଲେ। ଏହି ସମୟରେ ସେ କେବଳ ୨ଟି ଚୌକା ଲଗାଇଛନ୍ତି ।
ପଞ୍ଜାବ ବିପକ୍ଷ ମ୍ୟାଚ୍ରେ ପ୍ରଥମେ ବ୍ୟାଟିଂ କରି ଆରସିବି ୨୪୧ ରନ୍ ସ୍କୋର କରିଥିଲା। ଏହି ସମୟରେ ବିରାଟ କୋହଲି ୪୭ ବଲରେ ୯୨ରନ୍ ସଂଗ୍ରହ କରିଥିଲେ। ସେ ୭ଟି ଚୌକା ଏବଂ ୬ଟି ଛକା ମାରିଥିଲେ । ସେହିପରି ରଜତ ପାଟିଦାର ୨୩ ବଲରେ ୫୫ ରନ୍ ସଂଗ୍ରହ କରିଥିଲେ । ଏହାର ଜବାବରେ ପଞ୍ଜାବ ଟିମ୍ ମାତ୍ର ୧୮୧ ରନ୍ ସ୍କୋର କରିପାରିଥିଲା । ଏଥିପାଇଁ ରିଲେ ରୁସୋ ମାତ୍ର ୨୭ ବଲ୍ରେ ଖେଳିଥିଲେ ୬୧ ରନ୍ର ପାରି । ଏହାବ୍ୟତୀତ ଶଶାଙ୍କ ସିଂ ୩୭ ରନ୍ ସଂଗ୍ରହ କରିଥିଲେ। ଏହିପରି ଟିମ୍କୁ ୬୦ ରନ୍ରେ ପରାଜୟର ସାମ୍ନା କରିବାକୁ ପଡିଲା।
