ମୁମ୍ବାଇ: ସଲମାନ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ 'ଟାଇଗର ୩' ବକ୍ସ ଅଫିସରେ ଧମାକାଦାର ଓପନିଂ କରିବାରେ ସଫଳ ହୋଇଛି। ପ୍ରାୟ ୩୦୦ କୋଟି ଟଙ୍କା ବଜେଟ୍‌ରେ ନିର୍ମିତ ଏହି ଫିଲ୍ମକୁ ଦୀପାବଳି ଦିନ ରିଲିଜ୍ କରାଯାଉଥିବାରୁ ଫିଲ୍ମର ଆୟ କେମିତି ରହିବ ତାକୁ ନେଇ ଆଶଙ୍କା ଦେଖା ଦେଇଥିଲା। ହେଲେ ପ୍ରଥମ ଦିନର ବକ୍ସ ଅଫିସ ସ୍ପଷ୍ଟ କରି ଦେଇଛି ଯେ, ସଲମାନ ଖାନ ଟାଇଗର-୩କୁ ଦୀପାବଳିରେ ରିଲିଜ୍ କରାଇ କୌଣସି ଭୁଲ୍ କରି ନାହାନ୍ତି। ତେବେ ସଲମାନଙ୍କ ଏହି ଫିଲ୍ମ ନିଜର ପୂର୍ବ ଫିଲ୍ମର ରେକର୍ଡ କାଟି ପାରି ନାହିଁ।

wp:heading {"level":4}

ଅଧିକ ପଢନ୍ତୁ- ଭିକିଙ୍କୁ କେମିତି ଲାଗିଲା କ୍ୟାଟ୍‌-ସଲମାନଙ୍କ ‘Tiger-3’ ?  ସେୟାର କଲେ ପୋଷ୍ଟ

/wp:heading

Sacnilkର ରିପୋର୍ଟ ଅନୁଯାୟୀ, ଫିଲ୍ମ ପ୍ରଥମ ଦିନରେ ୪୦ କୋଟି ଟଙ୍କାର ଆୟ କରିଛି। ତେବେ ନିର୍ମାତାଙ୍କ ପକ୍ଷରୁ ଫିଲ୍ମର ଆୟକୁ ନେଇ ଆନୁଷ୍ଠାନିକ ସୂଚନା ଦିଆଯାଇ ନାହିଁ। ଟାଇଗର-୩ର ଓପନିଂ ଡେ କଲେକ୍ସନକୁ ସଠିକ୍ କୁହାଯିବ ତେବେ ସଲମନ ଖାନ ଓପନିଂ ଡେ କଲେକ୍ସନରେ ନିଜ ଫିଲ୍ମର ରେକର୍ଡ କାଟି ପାରି ନାହିଁ। କିନ୍ତୁ ଟାଇଗର-୩ ଫିଲ୍ମ ସୁଲତାନ(୩୬ କୋଟି ୫୪ ଲକ୍ଷ), ଏକ ଥା ଟାଇଗର(୩୨ କୋଟି ୯୨ଲକ୍ଷ), ବଜରଙ୍ଗୀ ଭାଇରାଜନ(୨୭ କୋଟି ୨୫ ଲକ୍ଷ) ଓ କିକ୍(୨୬ କୋଟି ୪୦ ଲକ୍ଷ)କୁ ପଛରେ ପକାଇ ପାରିଛି।

ସଲମାନଙ୍କ ଫିଲ୍ମ ଭାରତ ପ୍ରଥମ ଦିନରେ ୪୨  କୋଟି ୩୦ ଲକ୍ଷ ଟଙ୍କାର ଆୟ କରିଥିଲା। ପ୍ରେମ ରତନ ଧନ ପାୟୋ ୪୦ କୋଟି ୩୫ ଲକ୍ଷ ଟଙ୍କାର ବ୍ୟବସାୟ କରି ପାରିଥିଲା। ଏହି ଦୁଇଟି ଫିଲ୍ମକୁ ମଧ୍ୟ ଟାଇଗର-୩ କାଟି ପାରି ନାହିଁ।