ମୁମ୍ଵାଇ ୧୩।୦୨: ସଲମାନ ଖାନଙ୍କ ଫିଲ୍ମ 'କିସି କା ଭାଇ କିସି କି ଜାନ'କୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ଫିଲ୍ମର ଧମାକାଦାର ଟିଜର ପୂର୍ବରୁ ହଇଚଇ ସୃଷ୍ଟି କରିଥିଲା। ବର୍ତ୍ତମାନ ଫିଲ୍ମର ପ୍ରଥମ ଗୀତ 'ନୟୋ ଲଗଦା' ରିଲିଜ୍ ହୋଇଛି। ଏହି ଗୀତରେ ପୂଜା ହେଗଡେଙ୍କ ସହ ଭାଇ ଜାନଙ୍କ ରୋମାଣ୍ଟିକ କେମେଷ୍ଟ୍ରି ଦେଖିବାକୁ ମିଳୁଛି। ଫିଲ୍ମରେ ଆକ୍ସନ୍ ସହିତ ସଲମାନ ଖାନଙ୍କ ରୋମାଣ୍ଟିକ ଷ୍ଟାଇଲ ସମସ୍ତଙ୍କ ଦୃଷ୍ଟି ଆକର୍ଷଣ କରିବାକୁ ଯାଉଛି।
wp:html /wp:html'ନୟୋ ଲଗଦା' ଗୀତର ସଙ୍ଗୀତ ହିମେଶ ରେଶମିଆ ଦେଇଥିବାବେଳେ କମଲ ଖାନ ଏବଂ ପଲକ ମୁଚାଲ ଏହି ଗୀତରେ ସ୍ୱର ଦେଇଛନ୍ତି। ପ୍ରଥମ ଥର ପାଇଁ ପୂଜା ହେଗଡା ଏବଂ ସଲମାନ ଖାନଙ୍କ ଯୋଡି ଫିଲ୍ମ ପରଦାରେ ନଜର ଆସିବ। ଏହି ଯୋଡିକୁ ଫିଲ୍ମ ସ୍କ୍ରିନରେ ଦେଖିବାକୁ ସମସ୍ତେ ବହୁତ ଉତ୍ସାହିତ ଥିବାବେଳେ ଉଭୟଙ୍କ ଅନସ୍କ୍ରିନ କେମେଷ୍ଟ୍ରିକୁ ନେଇ ଚର୍ଚ୍ଚା ହେଉଛି। ଦୀର୍ଘ ସମୟ ପରେ ସଲମାନ ଖାନ ଫିଲ୍ମ ସ୍କ୍ରିନକୁ ଫେରିବାକୁ ଯାଉଛନ୍ତି। ୨୦୨୧ ମସିହାରେ ତାଙ୍କୁ 'ଅନ୍ତିମ୍' ଚଳଚ୍ଚିତ୍ରରେ ଦେଖିବାକୁ ମିଳିଥିଲା। ନିକଟରେ ସେ 'ପଠାନ୍' ବ୍ୟତୀତ ଅନେକ ଚଳଚ୍ଚିତ୍ରରେ କ୍ୟାମିଓ ଭୂମିକାରେ ଅଭିନୟ କରିଥିଲେ। କିନ୍ତୁ ଜଣେ ମୁଖ୍ୟ ଅଭିନେତା ଭାବରେ ସେ ଦୀର୍ଘ ସମୟ ପରେ ଫିଲ୍ମ 'କିସି କା ଭାଇ କିସି କି ଜାନ'ରେ ନଜର ଆସିବେ ।
ସଲମାନ ଖାନଙ୍କ କମ୍ବ୍ୟାକ୍କୁ ନେଇ ତାଙ୍କ ପ୍ରଶଂସକମାନେ ବହୁତ ଉତ୍ସାହିତ ଅଛନ୍ତି। ସଲମାନଙ୍କ ଏହି ଚଳଚ୍ଚିତ୍ରକୁ ପ୍ରଡ୍ୟୁସ୍ କରୁଥିବାବେଳେ ଫରହାଦ୍ ସାମଜୀ ଏହାକୁ ନିର୍ଦ୍ଦେଶନା ଦେଉଛନ୍ତି। ସଲମାନ ଖାନ, ଭେଙ୍କଟେଶ ଡଗଗୁବତୀ, ପୂଜା ହେଗଡେ, ଜଗପତି ବାବୁ, ଭୁମିକା ଚାୱଲା, ବିଜୟନ୍ଦର ସିଂ, ଅଭିମନ୍ୟୁ ସିଂ, ରାଘବ ଜୁୟାଲ, ସିଦ୍ଧାର୍ଥ ନିଗମ, ଜାସି ଗିଲ, ଶେହନାଜ ଗିଲ, ପଲକ ତିୱାରୀ ଏବଂ ବିନାଲି ଭଟନାଗର ପରି ଅଭିନେତାମାନେ ନଜର ଆସିବେ। ଏହି ସମୟରେ ହନି ସିଂ ଏବଂ 'ଆରଆରଆର' ଫେମ୍ ରାମ ଚରଣ ମଧ୍ୟ ଏହି ଫିଲ୍ମରେ ଙ୍କ କ୍ୟାମିଓ ରୋଲରେ ନଜର ଆସିବେ। ଏହି ଚଳଚ୍ଚିତ୍ରଟି ୨୧ ଏପ୍ରିଲ ୨୦୨୩ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି।
