ମୁମ୍ବାଇ ୩୦/୮: ବଲିଉଡର ଭାଇଜାନ ସଲ୍ମାନ ଖାନ । ଯେମିତି ହାଇ ଷ୍ଟାଟସ ଲାଇଫଷ୍ଟାଇଲ ମେଣ୍ଟେନ କରନ୍ତି ତାଙ୍କ ବଡିଗାର୍ଡ ଶେରାଙ୍କ ଷ୍ଟାଟସ ମଧ୍ୟ କିଛି କମ୍ ନୁହେଁ । ସେ ମଧ୍ୟ ସେଲିବ୍ରିଟିଙ୍କ ପରି ଲାଇଫଷ୍ଟାଇଲ ମେଣ୍ଟେନ କରନ୍ତି । ନିକଟରେ ଶେରା ଏକ ଲଗଜୁରିୟସ କାର ରେଞ୍ଜ ରୋଭର ସ୍ପୋର୍ଟ୍ସ କିଣିଛନ୍ତି । ଯାହାର ପ୍ରାଇସ ରହିଛି ୧.୭ କୋଟି । ନୂଆ କାର ସହ ଫଟୋ ଉଠାଇ ଇନଷ୍ଟାଗ୍ରାମରେ ସେୟାର କରିଛନ୍ତି ଶେରା । କ୍ୟାପସନରେ ଲେଖିଛନ୍ତି ଭଗବାନଙ୍କ କୃପାରୁ ଆମେ ପରିବାରର ନୂଆ ସଦସ୍ୟଙ୍କୁ ସ୍ବାଗତ କରିଛୁ ।
ସଲମାନ ଯୁଆଡେ ଯାଆନ୍ତି ତାଙ୍କ ସହ ସବୁବେଳେ ଶେରାଙ୍କୁ ଦେଖିବାକୁ ମିଳେ । ୧୯୯୫ରୁ ସେ ସଲମାନଙ୍କୁ ସୁରକ୍ଷା ଦେଇ ଆସୁଛନ୍ତି । ଫିଲ୍ମ ସୁଟିଂ ହେଉ କି ପାର୍ଟି ଫଙ୍କସନ ସବୁଠି ସଲମାନଙ୍କୁ ଛାଇ ପରି ଜଗିଥାନ୍ତି ଶେରା । ପ୍ରାୟ ୨୯ ବର୍ଷ ଧରି ଶେରା ସବୁ ପରିସ୍ଥିତିରେ ସଲମାନଙ୍କ ସାଥ୍ ଦେଇ ଆସିଛନ୍ତି । କହିବାକୁ ଗଲେ ଶେରା ସଲମାନ୍ଙ୍କ ପରିବାରର ଅଂଶ ହୋଇଗଲେଣି । ଶେରା ଅନେକ ଇଣ୍ଟରଭି୍ୟୁରେ କହିଛନ୍ତି ଶେଷ ନିଶ୍ବାସ ପର୍ଯ୍ୟନ୍ତ ସଲ୍ମାନଙ୍କ ସହ ରହିବେ । ସୋସିଆଲ ମିଡିଆରେ ଶେରା ବହୁତ ଆକ୍ଟିଭ । ଇନଷ୍ଟାରେ ତାଙ୍କର ଏକ ମିଲିୟନ ଫୋଲର୍ସ ଅଛନ୍ତି ।
