ସାଲେପୁର ୧୪।୧୨: ବରଗଛରେ ଅଚିହ୍ନା ପୋକ। ଏହି ପୋକ ଗୁଡିକ ଦେଖିବାକୁ ଷଅଁବାଳୁଆ ପରି । ଦେହରେ ବାଜିଲେ କୁଣ୍ଡେଇ ହେବା ସହିତ ଫଳି ବି ଯାଉଛି । କଟକ ଜିଲ୍ଲା ସାଲେପୁର ବଜାର ଓ ତାର ଆଖପାଖ ଅଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳିଛି ।
ଖବର ଅନୁଯାୟୀ, ବହୁ ସଂଖ୍ୟାରେ ବରଗଛରେ ଏଭଳି ପୋକ ଲାଗି ରହିଛନ୍ତି। ପୋକ ଲାଗିବା ଫଳରେ ସେ ବାଟ ଦେଇ ଯିବାଆସିବା କରିବା ବିପଦଜନକ ହୋଇପଡିଛି। ବରଗଛରୁ ପୋକ ପଡି ଦେହ ହାତ କୁଣ୍ଡେଇ ହେବାକୁ ଲାଗିଲାଣି। ଏନେଇ ସ୍ଥାନୀୟ ତହସିଲଦାର ଓ ଅଗ୍ନିଶମ ବିଭାଗକୁ ଜଣାଇଯାଇଛି । ହେଲେ ସେମାନେ ଏହାର କୌଣସି ପ୍ରତିକାର ନେଉନାହାନ୍ତି । ଶେଷରେ କଟକ ଜିଲ୍ଲା ପ୍ରଶାସନକୁ ଏହି ପ୍ରସଙ୍ଗ ନେଇ ସ୍ଥାନୀୟ ଅଞ୍ଚଳର ଲୋକେ ଜଣାଇଥିବା ସୂଚନା ମିଳିଛି।
