Hari omm 2
hari om films
AKK 2023
AKK2023
HARI-OMM_728X90_B
Showcase2022
hari om films
WEB_F-8
WEB_F-9
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପୁରୁଣା ସ୍ମୃତି: ବିଜୁ ବାବୁ ଡେଙ୍ଗା ଲୋକ ଥିଲେ ବୋଲି ସାଳନ୍ଦୀ ନିବାସ ପାଇଖାନା ଦୁଆରବନ୍ଧ ଉଚ୍ଚତା ବଢିଥିଲା

17/01/2019 at 7:56 PM

ଭଦ୍ରକ ୧୭|୧: ପାଇଖାନାର କବାଟର ବନ୍ଧ, ବିଜୁ ବାବୁଙ୍କ ମୁଣ୍ଡରେ ଲାଗିଲା । ବିଜୁ ବାବୁ କହିଲେ , କବାଟର ହାଇଟ ବଢାଇ ଦେବ । ଆଉ ତା ପରେ କାନ୍ଥକୁ ଭାଙ୍ଗି , ବନ୍ଧ ହାଇଟ କରାଗଲା । ଏମିତି କିଛି ସ୍ମୃତିକୁ ସାଇତି ରଖିଛନ୍ତି ଭଦ୍ରକ ସାଳନ୍ଦୀ ଆଇ.ବି.ର କର୍ମଚାରୀ ସୁଧୀର ପ୍ରଧାନ ।

ଭଦ୍ରକ ବାଇପାସରେ ଥିବା ସାଳନ୍ଦୀ ନିବାସରେ ଅନେକ ଥର ରହିଛନ୍ତି ପ୍ରବାଦ ପୁରୁଷ ବିଜୁ ପଟ୍ଟନାୟକ । ୧୯୯୦ରେ ବିଜୁ ବାବୁ ପୁଣି ମୂଖ୍ୟମନ୍ତ୍ରୀ ହେବା ପରେ , ଭଦ୍ରକ ଆସିଥିଲେ । ଆଉ ସେ ଭଦ୍ରକ ଆସିଲେ , ସାଳନ୍ଦୀ ନିବାସରେ ଟିକେ ବିଶ୍ରାମ ନିଅନ୍ତି । ବିଶ୍ରାମ ନେବା ସମୟରେ ବିଜୁ ବାବୁ ପାଇଖାନାକୁ ଯାଇଥିଲେ । ପାଇଖାନାର କବାଟ ବିଜୁ ବାବୁଙ୍କ ମୁଣ୍ଡରେ ବାଜିଥିଲା , ତବେ ସେ ବିରକ୍ତ ହୋଇ ନଥିଲେ । ବରଂ କହିଥିଲେ- ବନ୍ଧକୁ ଆଉ ଟିକେ ହାଇଟ୍ କରିଦେବ । ମୁଣ୍ଡ ନଇଁକି ସେ ପାଇଖାନାକୁ ଗଲେ । ବନ୍ଧକୁ  ହାଇଟ୍ କରିଦେବାକୁ କହି ଦେଇ, ବିଜୁ ବାବୁ ଭୁବନେଶ୍ବର ଚାଲିଗଲେ ।

ପୁଣି କିଛି ମାସ ପରେ ବିଜୁ ବାବୁ ଭଦ୍ରକ ଆସିଲେ , ଆଉ ସେହି ସାଳନ୍ଦୀ ନିବାସକୁ ବି ଗଲେ । ସତବେଳକୁ ସେ ପାଇଖାନା ବିଜୁ ବାବୁଙ୍କ ହାଇଟକୁ ଲକ୍ଷ କରି ତିଆରି ସରିଥିଲା । ବିଜୁ ବାବୁ ଖୁସି ହୋଇଥିଲେ । ସେତବଳେ ସେହି ଆଇବିରେ କାମ କରୁଥିବା ସୁଧୀର ପ୍ରଧାନ, ଏବେବି ଅଛନ୍ତି। ଏବେ ତାଙ୍କୁ ୭୨ବର୍ଷ ହେଲାଣି । ତବେ ସେ ଅବସର ପରେ, ପାର୍ଟ ଟାଇମ ଭାବେ ସେହି ଆଇବିରେ ହିଁ କାମ କରୁଛନ୍ତି ।

ବିଜୁ ବାବୁଙ୍କୁ ସେ ଅନେକ ଥର ନିଜ ହାତରେ ରୋଷଇେ କରି ଦେଇଛନ୍ତି। ବିଜୁ ବାବୁ ଭଦ୍ରକ ଆସିଲେ , ଚିକେନ୍ ଆଉ ଚିଙ୍ଗୁଡି ଖାଇବାକୁ ଅଧିକ ଭଲ ପାଆନ୍ତି ବୋଲି ସୁଧୀର କହନ୍ତି। 

   Related Posts