ରାମପୁର ୧୧।୦୨: ମହିଳାଙ୍କ ପ୍ରଥମେ ତିନି ତଲାକ୍ ତାପରେ ନିଆଁରେ ପୋଡି ହତ୍ୟା ଉଦ୍ୟମ । ଉତ୍ତରପ୍ରଦେଶ ରାମପୁର ଖେଡାଟାଣ୍ଡା ଗାଁରୁ ଆସିଛି ଜଣେ ସଇତାନ ସ୍ବାମୀର କାରନାମା ନେଇ ଅଭିଯୋଗ । ନିଆଁରେ ପୋଡି ହୋଇ ଗୁରୁତର ଥିବା ମହିଳାଙ୍କ ନିକଟସ୍ଥ ତିର୍ଥକର ମହାବୀର ମେଡିକାଲରେ ଭର୍ତ୍ତି କରାଯାଇଛି । ମହିଳାଙ୍କ ଅବସ୍ଥା ସଙ୍କଟାପନ୍ନ ରହିଛି । ପୋଲିସ ଘଟଣାରେ ମାମଲା ରୁଜୁ କରି ତଦନ୍ତ ଜାରି ରଖିଛି ।
ଖେଡାଖଣ୍ଡା ଗାଁରେ ଜଣେ ବ୍ୟକ୍ତି ନିଜ ପତ୍ନୀଙ୍କୁ ଟ୍ରିପଲ୍ ତଲାକ ଦେଇଥିଲେ । ଏବଂ ପରେ ତାଙ୍କୁ ନିଆଁରେ ପୋଡି ମାରିଦେବାକୁ ଉଦ୍ୟମ କରିଛନ୍ତି । ତେବେ ମହିଳା ଜଣଙ୍କ ନିଆଁରେ ପୋଡି ହୋଇ ଗୁରୁତର ଅଛନ୍ତି । ଦେହରେ ନିଆଁ ଲାଗିବା ଦ୍ବାରା ମହିଳାଙ୍କ ଦେହର ୭୫ଭାଗ ପୋଡିଯାଇଛି ବୋଲି ଡାକ୍ତର କହିଛନ୍ତି । ସେପଟେ କିନ୍ତୁ ଝିଅର ପରିବାର ପକ୍ଷରୁ ଏହା ଯୌତୁକ ଜନିତ କାଣ୍ଡ ବୋଲି ଅଭିଯୋଗ କରିଛନ୍ତି । ଝିଅର ବାପାଙ୍କ କହିବାନୁଯାୟୀ, ଯୌତୁକରେ କାର୍ ଦିଆଯାଇନଥିବାରୁ , ଜ୍ବାଇ ଅସନ୍ତୁଷ୍ଟ ଥିଲେ । ତେଣୁ ସେ ପ୍ରଥମେ ମୋ ଝିଅକୁ ଟ୍ରିପଲ ତଲାକ , ପରେ ନିଆଁ ପୋଡି ଦେଇ ମାରିବାକୁ ଉଦ୍ୟମ କରିଛନ୍ତି । ମହିଳାଜଣଙ୍କୁ ଗୁରୁତର ଅବସ୍ଥାରେ ତିର୍ଥକର ମହାବୀର ମେଡିକାଲ କଲେଜର ଟ୍ରୋମା ସେଣ୍ଟରେ ଭର୍ତ୍ତି କରାଯାଇଛି ।
ସେପଟେ ଘଟଣାର ତଦନ୍ତ କରୁଥିବା ଅଜୀମନଗର ଥାନାଧିକାରୀ କହିଛନ୍ତି ଯେ, ଦୁଇ ବର୍ଷ ତଳେ ଉଭୟଙ୍କ ବିବାହ ହୋଇଥିଲା । ଏବଂ ବର୍ତ୍ତମାନ ଦୁହିଁଙ୍କର ଗୋଟିଏ ବର୍ଷକର ପୁତ୍ର ସନ୍ତାନ ମଧ୍ୟ ଅଛି । ମେଡିକାଲରେ ଚିକିତ୍ସିତ ହେଉଥିବା ମହିଳାଙ୍କ ବୟାନ ରେକର୍ଡ କରାଯାଇଛି । ଅଭିଯୁକ୍ତ ଓ ତାଙ୍କ ପରିବାରଙ୍କ ବିରୁଦ୍ଧରେ IPC ୪୯୮A ଓ ୩୦୭ ସହିତ ଯୋତୁକ ଆକ୍ଟ ଏବଂ ମୁସଲିମ୍ ଜୀବନ ପ୍ରୋଟକ୍ସନ ଆକ୍ଟ ଅନୁଯାୟୀ ମାମଲା ରୁଜୁ କରାଯାଇଛି ।
