ମୁମ୍ଵାଇ ୧୪।୦୫: ସୋସିଆଲ ମିଡିଆରେ ଝଡ଼ ସୃଷ୍ଟି ହୋଇଛି। ଏକ ଫଟୋ କେବଳ ଇଣ୍ଟରନେଟକୁ ଥରାଇ ଦେଇନାହିଁ ବରଂ ଲୋକଙ୍କୁ ମନରେ ନା ନା କଳ୍ପନା ଜଳ୍ପନା ସୃଷ୍ଟି କରିଛି । ବର୍ତ୍ତମାନ ବଲିଉଡର ଜଣେ ଲୋକପ୍ରିୟ ଦମ୍ପତିଙ୍କ ଅଲଗା ହେବାର ନେଇ ଗୁଜବ ବୃଦ୍ଧି ପାଇବାରେ ଲାଗିଛି। ଯେଉଁ ଦମ୍ପତିଙ୍କ ବିଷୟରେ ଏବେ ଏତେ ଚର୍ଚ୍ଚା ହେଉଛି। ସେ ହେଉଛନ୍ତି ସୈଫ ଅଲି ଖାନ ଏବଂ କରୀନା କପୁରଙ୍କ ବ୍ୟତୀତ ଆଉ କେହି ନୁହଁନ୍ତି ।
ବର୍ତ୍ତମାନ ଆପଣ ନିଶ୍ଚିତ ଭାବରେ ଭାବୁଥିବେ ଯେ କିଛି ଦିନ ପୂର୍ବରୁ ଦୁହେଁ ପରସ୍ପରକୁ ଲିପ୍ କିସ୍ କରୁଥିବାର ଦେଖାଯାଇଥିଲା। ତେବେ ହଠାତ୍ ସେମାନଙ୍କ ଅଲଗା ହେବାର ଖବର କେଉଁଠାରୁ ଆସିଲା? ଏସବୁ ଏକ ଫଟୋର ଚମତ୍କାର । ଯାହା ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଫଟୋ ଦେଖି ପ୍ରଶଂସକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଉଛନ୍ତି। କାରଣ ଅଭିନେତାଙ୍କ ହାତରେ ତାଙ୍କ ପତ୍ନୀଙ୍କ ନାମର ଟାଟୁ ଆଉ ନାହିଁ । କିନ୍ତୁ ତାଙ୍କ ସ୍ଥାନରେ ଏକ ନୂଆ ଟାଟୁ ଦେଖିବା ମିଳିଛି । କରିନାଙ୍କ ଟାଟୁକୁ ହଟାଇ ସେ ଏକ ନୂଆ ଟାଟୁ କରିଛନ୍ତି।
ବର୍ତ୍ତମାନ ପ୍ରଶଂସକମାନେ ଏହା ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି । କାରଣ ସୈଫ ବିବାହ ପୂର୍ବରୁ ଦେବନାଗରୀରେ କରୀନାଙ୍କ ନାମ ଲେଖିଥିଲେ। କରୀନା ଏହି ଟାଟୁକୁ ଅନେକ ଥର ଉଲ୍ଲେଖ କରିଛନ୍ତି ଏବଂ ସୈଫ କେତେ ରୋମାଣ୍ଟିକ ତାହା କହିଛନ୍ତି। ତେବେ, ବର୍ତ୍ତମାନ ସେହି ଟାଟୁ ଅଭିନେତାଙ୍କ ହାତରୁ ହଟିଯାଇଛି ଏବଂ ତା’ ସ୍ଥାନରେ ଏକ ନୂଆ ଟାଟୁ ଦେଖିବାକୁ ମିଳିଛି। ଏହା ଦେଖିବା ପରେ ଜଣେ ୟୁଜର୍ସ ଲେଖିଛନ୍ତି, 'ବର୍ତ୍ତମାନ ସେ ଅନ୍ୟ ଜଣଙ୍କ ପ୍ରେମରେ ପଡିଥିବେ । ଆଉ ଜଣେ କହିଛନ୍ତି,' ବର୍ତ୍ତମାନ ସେ ବିବାହିତ, ଦୁଇ ପିଲାର ବାପା ଆଉ କେତେ ଆଶିକୀ ଦେକାଇବେ । ଅନ୍ୟ ଜଣେ ଲେଖିଛନ୍ତି ଏବେ ତୃତୀୟ ଜଣଙ୍କ ପାଳି .. ସେଥିପାଇଁ କରୀନାଙ୍କୁ ହଟାଇ ଦିଆଗଲା।
