ଭୁବନେଶ୍ବର ୨୯|୧୧: ରାଜ୍ୟରେ ଦିନକୁ ଦିନ ବଢିବାରେ ଲାଗିଛି ଦୁର୍ଘଟଣାରେ ସ୍କୁଲ ଛାତ୍ରଛାତ୍ରୀଙ୍କ ମୃତ୍ୟୁ । କ୍ରାଇମବ୍ରାଞ୍ଚ ରେକର୍ଡ ଅନୁସାରେ ୨୦୧୭ ମସିହାରେ ଓଡ଼ିଶାରେ ୩୪୬ ଜଣଙ୍କର ମୃତ୍ୟୁ ହୋଇଛି । ଏହାକୁ ଦୃଷ୍ଟିରେ ରଖି କଟକ, ଭୁବନେଶ୍ବରରେ ୩ଟି ଲେଖାଏଁ ସ୍କୁଲର ସେଫ୍ ସ୍କୁଲ ଜୋନ୍ ପ୍ରକଳ୍ପ ଆରମ୍ଭ ହେବ । …
ଦୁର୍ଘଟଣାରେ ରାଜ୍ୟରେ ବଢୁଛି ସ୍କୁଲ ଛାତ୍ରଛାତ୍ରୀଙ୍କ ମୃତ୍ୟୁ ।
କ୍ରାଇମବ୍ରାଞ୍ଚ ରେକର୍ଡ କହୁଛି ୨୦୧୭ ମସିହାରେ ଓଡ଼ିଶାରେ ୩୪୬ ଜଣଙ୍କର ମୃତ୍ୟୁ ହୋଇଛି । ସେମାନଙ୍କ ମଧ୍ୟରେ ୨୬୪ ଜଣ ନାବାଳକ ଓ ୮୨ ଜଣ ନାବାଳିକା ଅଛନ୍ତି । ମୃତକଙ୍କ ମଧ୍ୟରେ ଅଧିକାଂଶ ଛାତ୍ରଛାତ୍ରୀ । ସେହିପରି
ଦୁର୍ଘଟଣାରେ ୮୫୮ ଜଣ ନାବାଳକ ଆହତ ହୋଇଥିବା ବେଳେ ୨୩୨ ଜଣ ନାବାଳିକା ଅଛନ୍ତି । ସ୍କୁଲ
ଛାତ୍ରଛାତ୍ରୀଙ୍କ ସୁରକ୍ଷା ପାଇଁ ସେଫ୍ ସ୍କୁଲ ଜୋନ୍ କାର୍ଯ୍ୟକ୍ରମ ଆରମ୍ଭ କରିବାକୁ ଯାଉଛି ରାଜ୍ୟ ପରିବହନ ବିଭାଗ । ପ୍ରଥମ ପର୍ଯ୍ୟାୟରେ ଭୁବନେଶ୍ବର ଓ କଟକରେ ୩ଟି ଲେଖାଏଁ ସ୍କୁଲରେ ଏହି କାର୍ଯ୍ୟକ୍ରମ ଆରମ୍ଭ ହେବ ।
ସେଫ୍ ସ୍କୁଲ୍ ଜୋନ୍ ପ୍ରକଳ୍ପ ଅନୁଯାୟୀ ସ୍କୁ୍ଲ ନିକଟରେ କିଭଳି ଦୁର୍ଘଟଣା ନଘଟିବ ତା ଉପରେ ଗୁରୁତ୍ବ ଦିଆଯିବ ।
ବିଶେଷ କରି ସ୍କୁଲ୍ ଆରମ୍ଭ ଓ ଛୁଟି ବେଳେ ପିଲାମାନେ କିଭଳି ପ୍ରବେଶ ବା ପ୍ରସ୍ଥାନ କରିବେ ସେ ସମ୍ପର୍କରେ ଛାତ୍ରଛାତ୍ରୀ ଓ ସ୍କୁଲ କର୍ତ୍ତୃପକ୍ଷଙ୍କୁ ପ୍ରଶିକ୍ଷଣ ଦିଆଯିବ । ଏହା ସହ ସ୍କୁଲ ଏରିଆ ନିକଟରେ ଟ୍ରାଫିକ୍ କଟକଣା ନେଇ ସ୍ପଷ୍ଟ ସାଇନେଜ୍ ରହିବ । ଏହା ବ୍ୟତୀତ ଛୁଟି ସମୟରେ ରାସ୍ତାରେ ସ୍କୁଲ୍ ର ଟ୍ରାଫିକ୍ ମାର୍ଶାଲ ରହିବେ । ଯେଉଁମାନେ ପିଲାମାନଙ୍କୁ ନିରାପଦରେ ରାସ୍ତା ପାରି କରାଇବେ । ସେହିପରି ସ୍କୁଲ ବସ୍ ଗୁଡିକ କିଭଳି ନିରାପଦରେ ପିଲାମାନଙ୍କୁ ନେବା ଆଣିବା କରିବେ, ତା ଉପରେ ସ୍ବତନ୍ତ୍ର କାର୍ଯ୍ୟକ୍ରମ ଆରମ୍ଭ କରାଯିବ ।
ନବମ ଓ ଦଶମ ଶ୍ରେଣୀ ପାଠ୍ୟକ୍ରମରେ ରୋଡ୍ ସେଫ୍ଟି ବାବଦରେ ବିଷୟ ମଧ୍ୟ ଆରମ୍ଭ କରାଯିବ ।
ସ୍କୁଲ୍ କୁ ବାଇକ୍ ବା ସ୍କୁଟି ନେଇ ଆସୁଥିବା ପିଲାମାନଙ୍କର ଡ୍ରାଇଭିଙ୍ଗ ଲାଇସେନ୍ସ ନଥିଲେ କିମ୍ବା ହେଲମେଟ୍ ନଥିଲେ ସେମାନଙ୍କୁ ସ୍କୁଲ୍ ପାର୍କିଂ ସ୍ଥାନରେ ଗାଡି ରଖିବାକୁ ଅନୁମତି ନଦେବାକୁ ମଧ୍ୟ ପ୍ରସ୍ତାବ ଦିଆଯାଇଛି…
