ଜୟପୁର: କଂଗ୍ରେସର ଭାରତ ଯୋଡୋ ଯାତ୍ରାକୁ ମିଳୁଛି ସମର୍ଥନ । କନ୍ୟାକୁମାରୀ ଠାରୁ ଆରମ୍ଭ ହୋଇଥିବା ଏହି ଯାତ୍ରା ରବିବାର ରାଜସ୍ଥାନରେ ପ୍ରବେଶ କରିବ । ହେଲେ ଏହା ପୂର୍ବରୁ ଏହି ଯାତ୍ରାରେ ସାମିଲ ହେବାକୁ ରାଜସ୍ଥାନବାସୀଙ୍କୁ ଆହ୍ବାନ ଦେଇଛନ୍ତି କଂଗ୍ରେସ ନେତା ସଚିନ ପାଇଲଟ୍ । ଏକ ଭିଡିଓ ବାର୍ତ୍ତା ମାଧ୍ୟମରେ ସମସ୍ତଙ୍କୁ ସାମିଲ ହେବାକୁ ସନ୍ଦେଶ ଦେଇଛନ୍ତି।
ରାଜସ୍ଥାନରେ ଆଜି ଏଣ୍ଟ୍ରି ମାରିବ ରାହୁଲ ଗାନ୍ଧିଙ୍କ ଭାରତ ଯୋଡ଼ୋ ଯାତ୍ରା । ଏଥିରେ ସାମିଲ ହେବାକୁ ଭିଡିଓ ବାର୍ତ୍ତା ଦେଇଛନ୍ତି ସଚିନ ପାଇଲଟ୍। ଏହି ଭିଡିଓରେ ଯୁବଶକ୍ତିଙ୍କୁ ଏକଜୁଟ କରି ଦେଶବାସୀଙ୍କୁ ଏକତାର ମିଶନରେ ସାମିଲ ହେବାକୁ ରାଜସ୍ଥାନବାସୀଙ୍କୁ ଆହ୍ବାନ ଦେଇଛନ୍ତି ସଚିନ ପାଇଲଟ । ଏହି ଭିଡିଓରେ ରାହୁଲ ଗାନ୍ଧିଙ୍କ ବ୍ୟାନର ସାମ୍ନାରେ ଛିଡ଼ା ହୋଇ ରାଜସ୍ଥାନବାସୀ ଭାରତ ଯୋଡୋ ଯାତ୍ରାରେ ସାମିଲ ହେଉଛନ୍ତି, ଆପଣମାନେ ସାମିଲ ହେଉଛନ୍ତି କି ନାହିଁ କହିଛନ୍ତି ।
ରାଜସ୍ଥାନ କଂଗ୍ରେସରେ ନେତାଙ୍କ ଏକତା ପ୍ରଦର୍ଶନ ଉଦ୍ୟମ ପରେ ସଚିନ୍ ପାଇଲଟଙ୍କ ଏହି ଭିଡିଓ ସାମ୍ନାକୁ ଆସିଛି । ଏକତା ପ୍ରଦର୍ଶନ ବେଳେ ପାଇଲଟ୍ ଓ ଗେହଲଟ ନଜରକୁ ଆସିଥିଲେ । ଏହାକୁ ପୂର୍ବରୁ ଏକ ଟିଭି ସାକ୍ଷାତକାରରେ ରାଜସ୍ଥାନ ମୁଖ୍ୟମନ୍ତ୍ରୀ ସଚିନ ପାଇଲଟଙ୍କୁ ଗଦ୍ଦାର ଓ ଦେଶଦ୍ରୋହୀ ବୋଲି କହିଥିଲେ । ଏହାର ପ୍ରତିକ୍ରିୟା ରଖି ପାଇଲଟ ଅଭିଯୋଗକୁ ଭିତ୍ତିହୀନ ବୋଲି କହିଥିଲେ। ସେପଟେ କଂଗ୍ରେସ ଦଳୀୟ ନେତା ଗେହଲଟଙ୍କୁ ଏଭଳି ଶବ୍ଦକୁ ବ୍ୟବହାର ନକରିବାକୁ ପରାମର୍ଶ ଦେଇଥିଲେ । ଏହା ପରେ ଏକତା ପ୍ରଦର୍ଶନ ସଭାରେ ଉଭୟ ନେତା ନଜରକୁ ଆସିଥିଲେ ।ପାଇଲଟ-ଗେହଲଟଙ୍କ ଦୁର୍ଲଭ ଭିଡିଓ ନଜରକୁ ଆସିବା ପରେ ରବିବାର ପାଇଲଟ ଏହି ଭିଡିଓ ବାର୍ତ୍ତା ଦେଇଛନ୍ତି ।
