ଧର୍ମଗଡ ୧୧/୦୮: ଜୀବନକୁ ବାଜିରେ ଲଗାଇ ଶବସତ୍କାର ପାଇଁ ତଣ୍ଟିଏ ପାଣିରେ ଶବକୁ ବୋହି ନାଳ ପାର୍ ହେଲେ ଲୋକେ । ଏମିତି ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ଗୋଲାମୁଣ୍ଡା ବ୍ଲକ ବେହେରାଗୁଡା ଗାଁରେ । ବେହେରାଗୁଡ଼ା ଗାଁର ସନ୍ତରଣା ଦୀର୍ଘ ଦିନ ଧରି ପାରାଲେସିସ ରୋଗରେ ଆକ୍ରାନ୍ତ ଥିଲେ ତାଙ୍କ ହଠାତ ମୃତ୍ୟୁ ହେଇଛି ।
ଗତକିଛି ଦିନ କଳାହାଣ୍ଡି ଜିଲ୍ଲାରେ ଲଗାଣ ବର୍ଷା ଯୋଗୁଁ ଜିଲ୍ଲାର ସବୁ ନଦୀ ନଳା ତଥା ଜମି ଗୁଡିକରେ ମଧ୍ୟ୍ୟ ପାଣି ଜମିରହିଛି । ଏହି ଲଗାଣ ବର୍ଷାରେ ସ୍ମଶାନକୁ ଯିବା ରାସ୍ତାରେ ଏକ ନାଲା ରହିଛି ସେହି ନାଲାରେ ପ୍ରବଳ ପାଣି ପ୍ରବାହିତ ହେଉଥିଲା ।
କିନ୍ତୁ ଶବଦାହ ପାଇଁ କୋଣସି ସ୍ଥାନ କିମ୍ୱା ଶ୍ମଶାନକୁ ଯିବା ପାଇଁ କୋଣସି ବିକଳ୍ପ ରାସ୍ତା ନଥିବାରୁ ବାଧ୍ୟ୍ୟ ହୋଇ ତଣ୍ଟିଏ ପାଣି ରେ ଶବକୁ ବୋହି ନାଲା ପାର୍ ହୋଇ ଶ୍ମଶାନକୁ ଯାଇଥିଲେ ଏବଂ ସେଠାରେ ଶବ ଦାହ କରାଯାଇଥିଲା । ଏହି ଘଟଣା ସାମ୍ନାକୁ ଆସିବା ପରେ ସାଧାରଣରେ ଉଦବେଗ ପ୍ରକାଶ ପାଇଛି ।
