scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ୟୁକ୍ରେନ୍ ଉପରେ ବଡ଼ ପ୍ରହାର ନେଇ ଋଷ୍‌ର ଯୋଜନା, ଆମେରିକାର ଅନୁମାନ; ବ୍ୟବହାର କରିବେ ରସାୟନିକ ଅସ୍ତ୍ର

25/11/2022 at 10:52 PM

ନୂଆଦିଲ୍ଲୀ: ୟୁକ୍ରେନ୍ ଉପରେ ବଡ଼ ପ୍ରହାର କରିବା ଯୋଜନାରେ ଋଷ୍ । ୟୁକ୍ରେନ ସେନାକୁ ମାତ୍ ଦେବାକୁ ପ୍ଲାନ୍ ରଚିଛନ୍ତି ଋଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ୍ । ୟୁକ୍ରେନ ଉପରେ ରସାୟନିକ ପଦାର୍ଥରେ ତିଆରି ବିଷକ୍ତ ମିସାଇଲ ମାଡ଼ କରିପାରନ୍ତି ପୁଟିନ । ଖେରସନ ସହର ଋଷ୍ ସେନା ହାତରୁ ଖସିଯିବା ପରେ ଆହୁରି ଭୟଙ୍କର ହୋଇଛନ୍ତି ରାଷ୍ଟ୍ରପତି ପୁଟିନ୍ ।

ଆମେରିକା ଅଧିକାରୀଙ୍କ କହିବା ଅନୁଯାୟୀ, ଯୁଦ୍ଧରେ ଋଷ୍ ସେନା ଧୀରେ ଧୀରେ ପଛଘୁଞ୍ଚା ଦେଉଛନ୍ତି । ଯୁଦ୍ଧକୁ ୯ମାସ ବିତି ଯାଇଥିଲେ ମଧ୍ୟ ଏଯାଏଁ ପୁଟିନଙ୍କ ଗୋଟିଏ ବି ରଣନୀତି ସଫଳ ହୋଇନାହିଁ । ଋଷ୍ ସେନା କବଜା କରି ରଖିଥିବା ୟୁକ୍ରେନ ସହର ହାତରୁ ଖସିଯିବା ପରେ ଏବେ ବଡ଼ ଆକ୍ରମଣ ନେଇ ଋଷ୍ ରାଷ୍ଟ୍ରପତି ଯୋଜନା କରୁଥିବା ଜଣାପଡ଼ିଛି । ଲୋକଙ୍କ ଉପରେ ଜୈବିକ ଅସ୍ତ୍ର ସହିତ ମାରାତ୍ମକ ବିଷ ବ୍ୟବହାର କରିବ ବୋଲି ଜଣାପଡ଼ିଛି । ପୂର୍ବରୁ ଗୁଇନ୍ଦାଗିରି କରୁଥିବା ସଙ୍ଗୋଇ ସ୍କ୍ରିପଲଙ୍କୁ ମାରିବାରେ ଏହି ଜୈବିକ ବିଷ ବ୍ୟବହାର କରିଥିଲା ଋଷ୍ ।

ସେହିପରି ପୁଟିନଙ୍କ ପ୍ରତିଦ୍ବନ୍ଦ୍ବ କୁହାଯାଉଥିବା ଏଲେସ୍କି ନଓ୍ବଲନୀତଙ୍କୁ ମାରିବାରେ ମଧ୍ୟ ଏହି ରସାୟନିକ ପଦାର୍ଥ ବ୍ୟବହାର କରିଥିଲେ ରାଷ୍ଟ୍ରପତି ପୁଟିନ । ଆମେରିକା ଅଧିକାରୀଙ୍କ କହିବା ଅନୁଯାୟୀ, ଜୈବିକ ଅସ୍ତ୍ର ତଥା ନୋଓ୍ବେଚୋକ୍ ବିଷକୁ ୟୁକ୍ରେନବାସୀଙ୍କ ଉପରେ ପ୍ରୟୋଗ କରିବାକୁ ରାଷ୍ଟ୍ରପତି ପୁଟିନ ଯୋଜନା କରୁଛନ୍ତି । ଅନ୍ୟପଟେ ୟୁକ୍ରେନକୁ ଆତ୍ମସମର୍ପଣ କରିବାକୁ ଋଷ୍ ପରମାଣୁ ଆକ୍ରମଣ ଭଳି ପଦକ୍ଷେପ ଉଠାଇପାରେ ବୋଲି କୁହାଯାଉଛି ।

   Related Posts