ନୂଆଦିଲ୍ଲୀ ୨୧।୦୮: ଆକାଶରେ ଫ୍ଲାଇଟ୍ ଏବଂ ଲଢାକୁ ବିମାନ ଉଡୁଥିବା ନିଶ୍ଚୟ ଦେଖିଥିବେ । ରନଓ୍ବେରେ ଦୌଡିବା ପରେ କିଛି ସେକେଣ୍ଡରେ ହିଁ ଆକାଶକୁ ଉଡିଯାଏ । କିନ୍ତୁ ଦୁନିଆରେ କିଛି ଏପରି ଫ୍ଲାଇଟ୍‌ ରହିଛି ଯାହାର ରନଓ୍ବେ ମାଟିରେ ନୁହେଁ, ସମୁଦ୍ର ହୋଇଥାଏ । ଏହା ନା କେବଳ ସମୁଦ୍ରର ଉପରେ ପହଁରିଥାଏ, ବରଂ ପାଣିକୁ ରନଓ୍ବେ ଭଳି ବ୍ୟବହାର କରି ଆକାଶରେ ଉଡିଯାଏ । ଏବେ ଲାଲ୍ ଏବଂ ନୀଳ ରଙ୍ଗର ଗାର ଥିବା ଏକ ଧଳା ବିମାନ ସୋଶିଆଲ୍ ମିଡିଆରେ ବେଶ୍  ଭାଇରାଲ୍‌ ହେଉଛି । ଏକ ସାମାନ୍ୟ ଜାହାଜ ଭଳି ଦେଖାଯାଉଥିବା ଏହି ବିମାନକୁ କରାଯାଇଛି ସ୍ୱତନ୍ତ୍ର ଡିଜାଇନ୍ ।

ଦେଖନ୍ତୁ ଏହି ଭିଡିଓକୁ… ପ୍ରାୟ ଏକ ମିନିଟର ଏହି ଭିଡିଓ । ଭିଡିଓରେ ଦେଖୁଥିବେ ଜାହାଜଟି ଭୂମିରେ ଠିଆ ହୋଇଛି, ଆଉ ହଠାତ୍ ଧୀରେ ଧୀରେ ପାଣି ଭିତରକୁ ଓହ୍ଲାଉଛି । ପ୍ରଥମରେ ଲାଗୁଛି କି ଫ୍ଲାଇଟ୍‌ର ପାଇଲଟ୍‌ ହୁଏତଃ ଭୁଲବଶତଃ ବିମାନକୁ ପାଣି ଭିତରକୁ ନେଉଛନ୍ତି । କିନ୍ତୁ କିଛି ସେକେଣ୍ଡରେ ସାମ୍ନାକୁ ଆସିଯାଉଛି ଏକ ଆଶ୍ଚର୍ଯ୍ୟଜନକ ଦୃଶ୍ୟ । ବିମାନଟି ପାଣିକୁ ଯିବା ପରେ ବୁଡିଯାଉ ନାହିଁ ବରଂ ପହଁରିବାକୁ ଲାଗୁଛି । ଏବେ ବୁଝିପାରୁଥିବେ ଯେ ଏହା ଏକ ସାଧାରଣ ବିମାନ ନୁହେଁ ।  

O Beriev Be-200 Altair é um hidroavião anfíbio com motor a jato construído pela empresa Beriev Aircraft Company. Ele foi projetado para combate a incêndios, busca e resgate, transporte de carga e passageiros, com capacidade de transportar até 72 passageiros. pic.twitter.com/LQpwW3QDMR

— Beto Araujo (@o_betoaraujo) April 11, 2023

ଏବେ ଆଶ୍ଚର୍ଯ୍ୟ ଲାଗୁଥିବ ଯେ ଏତେ ବଡ ବିମାନ ପାଣିରେ କେମିତି ଏତେ ଆରାମରେ ଭାସୁଛି ? ବିମାନ ଅତି ଆରାମରେ ପାଣିରେ ଅବତରଣ କରିବା ପରେ ଦ୍ରୁତଗତିରେ ଚାଲିବା ଆରମ୍ଭ କରୁଛି । କେବଳ ଏତିକି ନୁହେଁ, ଅଳ୍ପ ସମୟ ମଧ୍ୟରେ ପୁଣିଥରେ ଏହି ବିମାନ ଆକାଶରେ ଉଡ଼ୁଥିବାର ନଜର ଆସୁଛି। ଏହି ବିମାନ ପାଣିରେ ଏପରି ଚାଲୁଛି ଯେପରି ରାସ୍ତାରେ ଗାଡ଼ି ଚାଲୁଛି ।

ବାସ୍ତବରେ ଆପଣ ଦେଖୁଥିବା ଏହି ବିମାନଟି ଋଷିଆ ଦ୍ୱାରା ନିର୍ମିତ । ଏହା ଏକ ମଲ୍ଟିରୋଲ୍ ଏୟାରକ୍ରାଫ୍ଟ । ଯାହାର ନାଁ ‘ବେରିଭ୍ ବି-୨୦୦ ଆଲ୍ଟେୟାର’ । ଏହା କେବଳ ଉଡ଼ୁଥିବା ଡଙ୍ଗା ପରି ପାଣିରେ ସ୍ଥିର ହୋଇ ରହିପାରିବ ନାହିଁ, ବରଂ ପାଣିରେ ଦ୍ରୁତ ଗତିରେ ଆଗକୁ ବଢିପାରେ । ଯାହା ଭାଇରାଲ ଭିଡିଓ ମାଧ୍ୟମରେ ଦେଖିବାକୁ ମିଳିଛି। ବେରିଭ୍ ବି-୨୦୦ ଆଲ୍ଟେୟାର ବିମାନକୁ ସ୍ୱତନ୍ତ୍ର ଭାବେ ଡିଜାଇନ୍ କରାଯାଇଛି। ଯାହା ୭୨ ଜଣ ଲୋକଙ୍କୁ ନେଇ ଯିବାର କ୍ଷମତା ରଖିଛି । ଏହାକୁ ଜରୁରୀକାଳୀନ ସେବା ପାଇଁ ବ୍ୟବହୃତ ହେବ ।

 ଏହି ହାଇ ସ୍ପୀଡ୍ ବିମାନ ଅଗ୍ନି ନିର୍ବାପକ, ନିଖୋଜ ସନ୍ଧାନ ଏବଂ ଉଦ୍ଧାର କାର୍ଯ୍ୟରେ ବ୍ୟବହୃତ ହେବ । ଏହି ଜାହାଜ ନିଜ ସହ ୧୨ ହଜାର ଲିଟର ପାଣି ସହିତ ଯାତ୍ରା କରିବାର କ୍ଷମତା ରଖିଛି । ଏହି ଭିଡିଓଟି ସୋଶିଆଲ୍‌ ମିଡିଆରେ ଭାଇରାଲ୍‌ ହେବା ପରେ ଲକ୍ଷ ଲକ୍ଷ ୟୁଜର୍ସ ଏହାକୁ ଦେଖିସାରିଲେଣି । ଅନେକ ଏହି ଭିଡିଓରେ କମେଣ୍ଟ ମଧ୍ୟ ଦେଉଛନ୍ତି ।

You Can Read: