ନୂଆଦିଲ୍ଲୀ: ସିରିଆର ବୃହତ୍ତମ ସହର ଆଲେପ୍ପୋ ଉପରେ ଏୟାର ଷ୍ଟ୍ରାଇକ। ସେନା ଓ ବିଦ୍ରୋହୀଙ୍କ ଛକାପଞ୍ଝା ମଧ୍ୟରେ ଅତର୍କିତ ଆକ୍ରମଣ କରିଥିଲେ ବିଦ୍ରୋହୀ ଗୋଷ୍ଠୀ । ୨୦୧୬ ପରଠାରୁ ପ୍ରଥମଥର ପାଇଁ ବିଦ୍ରୋହୀମାନେ ଏଭଳି ବଡ଼ ଧରଣର ହମଲା କରିଛନ୍ତି। ଆକ୍ରମଣ ପରେ ସହରର ଲୋକେ ଭୟଭୀତ ହୋଇପଡ଼ିଥିଲେ।
ଏପିଏନ୍ କହିଛି ଯେ ସରକାରୀ ସେନା ଏବଂ ବିଦ୍ରୋହୀଙ୍କ ମଧ୍ୟରେ ସଂଘର୍ଷରେ କ୍ଷେପଣାସ୍ତ୍ର ଏବଂ ଗୁଳି ବିନିମୟ ହୋଇଥିଲା। ଏହା ପରେ ସ୍ଥାନୀୟ ଲୋକେ ଏହି ଅଞ୍ଚଳ ଛାଡି ପଡୋଶୀ ଅଞ୍ଚଳକୁ ପଳାଇଥିଲେ।
ଏହା ମଧ୍ୟ କୁହାଯାଇଛି ଯେ ଉଭୟ ପକ୍ଷର ଅତି କମରେ ଦଶରୁ ଅଧିକ ଯୋଦ୍ଧା ନିହତ ହୋଇଥିଲେ। ଇସ୍ରାଏଲ ସହିତ ଗାଜା ଏବଂ ଲେବାନନରେ ଯୁଦ୍ଧର ସମ୍ମୁଖୀନ ହେଉଥିବାରୁ ଏହି ଅଞ୍ଚଳରେ ଏବେ ସଂଘର୍ଷ ଆରମ୍ଭ ହୋଇଛି। ୨୦୧୧ରେ ଆରମ୍ଭ ହୋଇଥିବା ସିରିଆ ଗୃହଯୁଦ୍ଧ ମଧ୍ୟ ଏହି ଅଞ୍ଚଳ ସମ୍ମୁଖୀନ ହେଉଥିବା ବିବାଦ ତାଲିକାର ଏକ ଅଂଶ।
କିନ୍ତୁ ଏଥର ସରକାରୀ ବାହିନୀ କୌଣସି ପଛଘୁଞ୍ଚା ଦେଇନାହାଁନ୍ତି। ସିରିଆରେ ଆମେରିକାର ଶେଷ ରାଷ୍ଟ୍ରଦୂତ ଥିବା ରୋବର୍ଟ ଫୋର୍ଡ ସିରିଆ ସରକାରୀ ବାହିନୀକୁ ଅତ୍ୟନ୍ତ ଦୁର୍ବଳ ବୋଲି କହିଛନ୍ତି।
ମନିଟରିଂ ସଂଗଠନ ତଥା ସ୍ଥାନୀୟ ସୂତ୍ର ଅନୁଯାୟୀ ସିରିଆର ବିଦ୍ରୋହୀ ଅଧୀନରେ ଥିବା ସରକାରୀ ସୁରକ୍ଷା ବାହିନୀ ଦ୍ୱାରା ହୋଇଥିବା ବିସ୍ଫୋରଣରେ ଅତି କମରେ ୨୭ ସାଧାରଣ ନାଗରିକଙ୍କ ମୃତ୍ୟୁ ଘଟିଛି। ଅସ୍ତ୍ରବିରତି ଚୁକ୍ତି ସତ୍ୱେ ଏତେ ବଡ଼ ହିଂସା ଘଟିଛି। ସ୍ଥାନୀୟ ନାଗରିକ ପ୍ରତିରକ୍ଷା କର୍ମଚାରୀଙ୍କ ଅନୁଯାୟୀ ଆଲେପ୍ପୋରେ ୧୨ ଜଣ ସାଧାରଣ ନାଗରିକଙ୍କ ମୃତ୍ୟୁ ଘଟିଛି।
