ଖାରସେନ୍ ୦୪/୦୫: କ୍ରେମଲିନ୍ ଡ୍ରୋନ୍ ଆଟାକ୍‌ ପାଲଟା ଜବାବା ଦେଲା ଋଷ । ୟୁକ୍ରେନ୍ ଉପରେ ଋଷର ପୁଣି ପ୍ରଚଣ୍ଡ ହମ୍‌ଲା । ଖାରସେନରେ ଥିବା ସୁପରମାର୍କେଟ୍ ଓ ରେଲୱେ ଷ୍ଟେସନକୁ ଟାର୍ଗେଟ୍ କରିଛି ଋଷ ସେନା । ଏହି ଆକ୍ରମଣରେ ୨୧ ଜଣଙ୍କ ମୃତ୍ୟୁ ହୋଇଥିବା ୪୮ ଜଣ ଆହତ ହୋଇଛନ୍ତି । ରାଜଧାନୀ କିଭର କିଛି ଅଞ୍ଚଳରେ ମଧ୍ୟ ଜୋରଦାର ଆକ୍ରମଣ ହୋଇଥିବା କରିଛି ଋଷ ସେନା ।

ଏହି ଆକ୍ରମଣ ପରେ ୟୁକ୍ରେନରେ ହାଇଆଲର୍ଟ ଜାରି କରାଯାଇଛି । ବୁଧବାର ରାତିରେ ଋଷର ରାଷ୍ଟ୍ରପତି ଭବନ ଉପରେ ୟୁକ୍ରେନ ଡ୍ରୋନରେ ଆକ୍ରମଣ କରିଥିଲା । ଦୁଇଟି ଡ୍ରୋନକୁ ଗୁଳିକରି ଖସାଇଦେଇଥିବା ଦାବି କରିଥିଲା ଋଷ । ତେବେ ଏହି ଆକ୍ରମଣ ପରେ ବଙ୍କରକୁ ସ୍ଥାନାନ୍ତର ହୋଇଛନ୍ତି ଋଷ ରାଷ୍ଟ୍ରପତି ପୁଟିନ୍ । ଋଷ ପକ୍ଷରୁ ଜାରି ବୟାନରେ କୁହାଯାଇଛି ଯେ, ଏହା ହେଉଛି ଆତଙ୍କବାଦୀ ଆକ୍ରମଣ ।

ଆଉ ଏହାର କଡା ଜବାବ ଦେଇଛି ମସ୍କୋ । ବୟାନରେ କୁହାଯାଇଛି, ୯ ମେ’ରେ ବିଜୟ ଦିବସ ପରେଡ ପୂର୍ବରୁ ଏଭଳି ଆକ୍ରମଣ ଉଦ୍ୟମ ହୋଇଛି । ପୁଟିନଙ୍କ ଉପରେ ଡ୍ରୋନ ସହାୟତାରେ ଆକ୍ରମଣ ଉଦ୍ୟମ କରାଯାଇଛି । ଏହା ୟୁକ୍ରେନ ଆତଙ୍କବାଦୀଙ୍କ ସୁଚିନ୍ତିତ ଷଡଯନ୍ତ୍ର ଥିଲା । ଆଉ ଉଦ୍ଦେଶ୍ୟ ଥିଲା ପୁଟିନଙ୍କ ହତ୍ୟା । ଡ୍ରୋନ ଆକ୍ରମଣ ସତ୍ୱେ ୯ ତାରିଖରେ ବିଜୟ ଦିବସ ପ୍ୟାରେଡ ନିର୍ଦ୍ଧାରିତ ସମୟରେ ହେବ ବୋଲି କହିଛି ରୁଷ । ଏଭଳି ଅଭିଯୋଗକୁ ଖଣ୍ଡନ କରିଥିଲା ୟୁକ୍ରେନ ।