ଜେନେଭା : ଅଲିମ୍ପିକ୍ କ୍ରିଡାରେ ଋଷିଆକୁ ଝଟକା। ଆଗାମୀ ୨ଟି ଅଲିମ୍ପିକ (ଗ୍ରୀଷ୍ମ ଓ ଶୀତ) ପର୍ଯ୍ୟନ୍ତ ଋଷିଆ ଖେଳାଳିମାନେ ଅଲିମ୍ପିକ୍ରେ ଅଂଶଗ୍ରହଣ କରିପାରିବେ, ହେଲେ ଏଥିରେ ସେମାନଙ୍କ ନାମ, ଦେଶର ପତାକା ଓ ଜାତୀୟ ସଙ୍ଗୀତ ସ୍ଥାନ ପାଇ ପାରିବନି। ସେହିପରି ଆଗାମୀ ୨ ବର୍ଷ ପର୍ଯ୍ୟନ୍ତ ଋଷିଆ ଅଲିମ୍ପିକ ଭଳି କୌଣସି ବଡ କ୍ରିଡାର ଆୟୋଜନ ଲାଗି ମଧ୍ୟ ଦାବି କରିପାରିବନି ବୋଲି ସ୍ପୋର୍ଟସ୍ ଆର୍ବିଟେସନ ଗୁରୁବାର ରାୟ ଦେଇଛନ୍ତି।
କୋର୍ଟଙ୍କ ନିଷ୍ପତ୍ତି ଅନୁସାରେ ଋଷିୟ ପ୍ରତିଯୋଗୀମାନେ ଆଗାମୀ ଟୋକିଓ ଅଲିମ୍ପିକ୍ସ ଓ ୨୦୨୨ ବେଜିଂ ୱିଣ୍ଟର ଗେମସ୍ରେ ଭାଗ ନେଇ ପାରିବେ ବୋଲି କହିଛନ୍ତି। ସେହିପରି ୨୦୨୨ କ୍ୱାତାର ୱାର୍ଲଡ ଚାମ୍ପିୟନସିପ୍ରେ ମଧ୍ୟ ଋଷିୟ ଖେଳାଳି ଭାଗ ନେଇପାରିବେ। ବିଶ୍ୱ ଡୋପିଂ ରୋଧି ଏଜେନ୍ସୀ ୱାଡା ଏ ନେଇ ଋଷିଆ ଉପରେ ୪ ବର୍ଷ ଲାଗି କଟକଣା ଲାଗୁ କରିଥିଲେ। ତେବେ ଆର୍ବିଟ୍ରେସନ ଏହାକୁ ହ୍ରାସ କରିଛନ୍ତି। ହେଲେ ବି କଟକଣା ଲାଗୁ କରିଛନ୍ତି। ୨୦୧୪ ଅଲିମ୍ପିକରେ ସରକାର ସମର୍ଥିତ ଡୋପିଂ ଲାଗି ଏହି କଟକଣା ଲାଗୁ ହୋଇଛି।