ନୂଆଦିଲ୍ଲୀ, ୨୫|୦୮:  ଋଷ ଓ ୟୁକ୍ରେନ ମଧ୍ୟରେ ୬ ମାସ ଧରି ଯୁଦ୍ଧ ଜାରି ରହିଛି । ଏହାମଧ୍ୟରେ ୟୁକ୍ରେନ୍ ରାଷ୍ଟ୍ରପତି ଜେଲେନସ୍କି ବୁଧବାର ଏକ ବଡ ଦାବି କରିଛନ୍ତି । ୟୁକ୍ରେନ ସ୍ୱାଧିନତା ଦିବସରେ ଋଷ ଏକ ରେଳ ଷ୍ଟେସନରେ ମିସାଇଲ ମାଡ କରିଥିଲା । ଯେଉଁଥିରେ ୨୨ ଜଣ ପ୍ରାଣ ହରାଇଥିବା ବେଳେ ୫୦ ଜଣ ଆହତ ହୋଇଥିବା ସେ ଦାବି କରିଛନ୍ତି ।

ଜେଲେନସ୍କି ପୂର୍ବରୁ କହିଥିଲେ ଯେ, ଦେଶର ସ୍ୱାଧିନତା ଦିବସରେ ଋଷ କିଛି ବଡ ଅଘଟଣ ଘଟାଇପାରେ । ଏହାପର ଦିନ ସେ କହିଛନ୍ତି ଯେ, ଋଷ ଡୋନେସ୍କରୁ ୧୪୫ କିମି ଦୂରରେ ଥିବା ସହର ଚ୍ୟାମ୍ପଲିନ ଏକ ଟ୍ରେନ୍ ଉପରେ ରକେଟ୍ ଆକ୍ରମଣ କରିଥିଲା । ଯେଉଁଥିରେ ବଗିରେ ନିଆଁ ଲାଗିଯାଇଥିଲା ।

‼️Russian troops fired missiles at a railway station in the Dnepropetrovsk region. At least 15 people died.

About 50 more were injured. The missile hit passenger railroad car at Chapline station. This was stated by Volodymir Zelenskyy during a speech at the UN Security Council. pic.twitter.com/c4y3LvMnSW

— NEXTA (@nexta_tv) August 24, 2022

ସେ ଆହୁରି କହିଛନ୍ତି ଯେ, ଟ୍ୟାମ୍ପଲିନ୍ ଏବେ କଷ୍ଟ ସମୟ ଦେଇ ଗତି କରୁଛି । ଏସବୁ ପାଇଁ ଋଷ ଦାୟୀ । ସେମାନେ ଆକ୍ରମଣକାରୀଙ୍କୁ ନିଜ ମାଟିରୁ ତଡିଦେବେ । ୟୁକ୍ରେନରେ ଋଷ ପାପର କିଛି ଛିଟା ରହିବ ନାହିଁ । ତେବେ ଋଷ ପ୍ରତିରକ୍ଷା ମନ୍ତ୍ରାଳୟ ଏପ୍ରସଙ୍ଗରେ କୌଣସି ପ୍ରତିକ୍ରିୟା ଦେଇନାହିଁ ।

ସୂଚନାଯୋଗ୍ୟ, ୟୁକ୍ରେନରେ ଅଗଷ୍ଟ ୨୪ ତାରିଖରେ ସ୍ୱାଧିନତା ଦିବସ ଥିଲା । କିନ୍ତୁ କୌଣସି ସମାରୋହର ଆୟୋଜନ ହୋଇନଥିଲା । କିନ୍ତୁ ୟୁକ୍ରେନ ନାଗରିକ ଏକ ସ୍ୱତନ୍ତ୍ର କୁର୍ତ୍ତା ପରିଧାନ କରିଥିଲେ ।