ନୂଆଦିଲ୍ଲୀ ୨୫/୦୯: ମଙ୍ଗଳବାର ସକାଳେ ମହାବାବାଦ୍ ଜିଲ୍ଲାର ମାରିପେଡାଠାରେ ଏକ ଅଜବ ଦୁର୍ଘଟଣା ଘଟିଥିବା ବେଳେ ଜୀବନ୍ତ ମାଛରେ ଭର୍ତ୍ତି ଏକ ମିନି ଟ୍ରକ୍ ଓଲଟି ପଡିଥିଲା। ଟ୍ରକଟି ଓଲଟି ପଡ଼ିବା ମାତ୍ରେ ମାଛ ବୋଝେଇ ଗାଡି ରାସ୍ତାରେ ଛିନ୍ ଛତର ହୋଇ ପଡିଥିଲା । ତେବେ କିଛି ସମୟ ପାଇଁ ସେଠାରେ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା ।
ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, ଡ୍ରାଇଭର ହଠାତ୍ ଗାଡି ଉପରେ ନିୟନ୍ତ୍ରଣ ହରାଇବାରୁ ସେଠାରେ ଦୁର୍ଘଟଣା ଘଟିଥିଲା । ସ୍ଥାନୀୟ ବାସିନ୍ଦାମାନେ ରାସ୍ତାରେ ମାଛ ବିଛାଇବାର ଖବର ପାଇବା ମାତ୍ରେ ସେମାନେ ଘଟଣାସ୍ଥଳରେ ପହଞ୍ଚିଥିଲେ । ସଂଗେ ସଂଗେ ବାଲ୍ଟି ଏବଂ ପାତ୍ରରେ ଗୋଟେଇ ଆଣିବାକୁ ପଛାଇ ନଥିଲେ । ଯିଏ ଯେତେ ପାରିଲା ଗୋଟେଇ ଆଣିଥିଲା ମାଛ ।
A mini lorry carrying live fish overturned near Maripeda in #Mahabubabad district on Tuesday morning, causing chaos as fish scattered across the road. Locals quickly gathered to seize the fish, creating a frenzied scene. #Telangana #FishLoot #RoadSafety pic.twitter.com/mgE0TUYpvt
— Glint Insights Media (@GlintInsights) September 24, 2024
ଘଟଣା ପରେ ରାସ୍ତାରେ ଅପ୍ରିତୀକର ପରିସ୍ଥିତି ସୃଷ୍ଟି ହୋଇଥିଲା । କିଛି ସମୟ ପାଇଁ ସେଠାରେ ଟ୍ରାଫିକ ଜାମ୍ ହୋଇଥିଲା । ବିଚ୍ ରାସ୍ତାରେ ଅଟକି ରହିଥିଲା ଅନେକ ସଂଖ୍ୟାରେ ଗାଡି । ଘଟଣାସ୍ଥଳରେ ଥିବା ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ଏହି ଦୃଶ୍ୟ ଫିଲ୍ମ ଦୃଶ୍ୟଠାରୁ କମ୍ ନଥିଲା । ଲୋକେ ଯଥାସମ୍ଭବ ମାଛ ସଂଗ୍ରହ କରିବାକୁ ପ୍ରତିଯୋଗୀତା କରୁଥିଲେ ।
ପ୍ରଶାସନ ଏ ବିଷୟରେ ସୂଚନା ପାଇବା ପରେ ସେମାନେ ପରିସ୍ଥିତିକୁ ନିୟନ୍ତ୍ରଣ କରିବାକୁ ଚେଷ୍ଟା କରିଥିଲା । ଯଦିଓ ଏହି ଦୁର୍ଘଟଣାରେ କେହି ଆହତ ହୋଇଥିବା ଖବର ଆସିନାହିଁ, ବ୍ୟବସାୟିକ ବହୁ କ୍ଷତି ହୋଇଛି । ମାଛ ଖସିପଡିବା କାରଣରୁ ଟ୍ରକ ଡ୍ରାଇଭର ଏବଂ ମାଛ ମାଲିକ ବହୁ କ୍ଷତି ସହିଛନ୍ତି ।
ପ୍ରାରମ୍ଭିକ ସୂଚନା ଅନୁଯାୟୀ, ଡ୍ରାଇଭର ଦ୍ରୁତ ଗତିରେ ଗାଡି ଉପରେ ନିୟନ୍ତ୍ରଣ ହରାଇଥିବା ଜଣାପଡିଛି, ଏହି କାରଣରୁ ଟ୍ରକଟି ଓଲଟି ପଡିଥିଲା । ଏହି ଘଟଣା ପରେ ସୋସିଆଲ ମିଡିଆରେ ଭିଡିଓ ଏବଂ ଚିତ୍ର ମଧ୍ୟ ଭାଇରାଲ ହେବାରେ ଲାଗିଛି ଯେଉଁଥିରେ ସ୍ଥାନୀୟ ଲୋକ ମାଛ ସଂଗ୍ରହ କରୁଥିବା ଦେଖିବାକୁ ମିଳିଥିଲା ।
